ألف مبروك ( جمعية سودانيات الثقافية ) !!! ناصر يوسف

[CODE]
آخرالمواضيع

[/CODE]>
العودة   سودانيات .. تواصل ومحبة > منتـديات سودانيات > منتــــدي التوثيق

إضافة رد
 
أدوات الموضوع انواع عرض الموضوع
قديم 28-06-2006, 02:01 PM   #16
بندر شاه
عضـــو
 
الصورة الرمزية بندر شاه
 
تاريخ التسجيل: Sep 2005
الدولة: دومة ود حامـد .!. الولايات المتـحده
المشاركات: 1,869
افتراضي

اقتباس:
المشاركة الأصلية كتبت بواسطة wadosman
أنا والنّجم والمســــــاء
كلمات حسين بازرعة
لحن وغناء عثمان حسين

أنا والنجم والمســـاء ضمَّنا الوجد والحنين
جفَّ في كأسي الرجا وبكت فرحــة السنين
***
آهِ يا شـاطئ الغــدِ أيــن بالله مـوعــدي
أين في الليل مقعدي
***
يا خطــاها على الربي عطر أنفاسها صبا
تحمل الشوق والصـبا والخيـالات موكبا
***
وأنــا كلمــــا دنـــا طيفها الحلو وانثنى
عادني الهمُّ والضنا
***
في الدجا شاق مسمعى صوتها الملهم النغيم
في الهوى هـاج مدمعي حبهّا الخـالد الأليـم
***
كلمــــــا لاح بـــارق مـن محيــا خـــافق
مات بالهمِّ عاشق
إنهـــــا رُقيــتي التي خلــدت لحـن شهرتي
أسـرجت ليل وحــدتي بالأسى والصبـــــابة
***
يارؤى البحـر اشهدي ههــنا كان موعــــــدي
وهنا كان مقعدي
***
ود عثمان يا رائع
فكرة البوست ممتازه و أذكر محاولة الشقلينى تطبيق فكره مشابهة فى بوست سابق ... سأضيف اللنك الخاص ببوست الشقلينى لهذا البوست ...

رجاء :
بالله لو عندك أغنية " أنا و النجم و المساء " حاول رفعها ... أصلى بفتش عليها من مده ...
شكراً

و دمت

***
__________________

Never argue with an idiot. They drag you down to their level then beat you with experience
بندر شاه غير متصل   رد مع اقتباس
قديم 29-06-2006, 07:23 AM   #17
wadosman
عضـــو
 
تاريخ التسجيل: Jan 2006
المشاركات: 13,791
افتراضي

الاخ المحسى....

ربنا يديك العااافية...
شكرا للاضاافة القيّمة التى اثرت البوست كثيرا...

تحيااات....
wadosman غير متصل   رد مع اقتباس
قديم 29-06-2006, 07:30 AM   #18
wadosman
عضـــو
 
تاريخ التسجيل: Jan 2006
المشاركات: 13,791
افتراضي

اقتباس:
ود عثمان يا رائع
فكرة البوست ممتازه و أذكر محاولة الشقلينى تطبيق فكره مشابهة فى بوست سابق ... سأضيف اللنك الخاص ببوست الشقلينى لهذا البوست ...

رجاء :
بالله لو عندك أغنية " أنا و النجم و المساء " حاول رفعها ... أصلى بفتش عليها من مده ...
شكراً

و دمت
الاخ الفنااان...بندر

تسلم يا رااائع...
فى انتظااار اللينك الخااص ببوست الشقلينى...
و انااا و النجم و المساء...تحت.

تحيااات....




wadosman غير متصل   رد مع اقتباس
قديم 29-06-2006, 09:11 AM   #19
بندر شاه
عضـــو
 
الصورة الرمزية بندر شاه
 
تاريخ التسجيل: Sep 2005
الدولة: دومة ود حامـد .!. الولايات المتـحده
المشاركات: 1,869
افتراضي

*
المدهش الفنان ود عثمان , شكراً على أغنية أنا و النجم و المساء ؛ أصلها عزيزه عندى شديد .
و كان عندك أغنية يا ليالى المصير ... تكون غمرتنى بالفرح و العرفان ...
تكرم يا كنز تراث فن الغناء

@

يا ليالي المصير قولي لخلنا
اوراق الخريف دارت حولنا
.....
يا ليالي الرجاء عودي علنا
ان لاح الضياء يبدو ظلنا
في عقد السماء وفي دنيا المني
بس انت وانا .. انا ... انا
....
يا ليالي الامل قولي لخلنا
البدر اكتمل والدنيا سنا
لا الجرح اندمل ولا غطفك دنا
هناك من كفنا وهنا انا في الضني
...
يا ليالي الرجاء هل ما فات عاد
هل احبابنا علي عهد الوداد
هل انت وانا تؤأم في السهاد
سواء كلنا ... اااه كلنا




http://sudaniyat.net/vb/showthread.php?t=731

[web]http://sudaniyat.net/vb/showthread.php?t=731[/web]

أعلاه بوست الأستاذ الشقلينى ... أعتقد أن البوستين مكملين لبعض ...

ملحوظه :
قمت بتغيير فورمات أغنية " لا و حبك " ل رييل بليير لتسهيل الإستماع و تنظيم البوست ... شكراً

*
__________________

Never argue with an idiot. They drag you down to their level then beat you with experience
بندر شاه غير متصل   رد مع اقتباس
قديم 29-06-2006, 01:13 PM   #20
Garcia
عضـــو
 
الصورة الرمزية Garcia
 
تاريخ التسجيل: Sep 2005
المشاركات: 2,080
افتراضي

الاخ ودعثمان
ما اروع التنقيب فى درر الفنان المبدع / عثمان حسين , وجميل فكرة انزال اعماله ,
فى بوست واحد فلك الشكر ولبيكاسو الذى طرق هذا الباب منذ مدة ..
واسمح لى ان اضيف قصيدة احلى البنات للشاعر عثمان خالد , والتى انزلتها انت
قبل فترة فى بوست آخر ...


الله يا احلى البنات ..
عثمان خالد


الله يا احلى البنات
لو كان لقيت سر الغنا
كان طرت عانقت الخيال
حلقت عبر الأزمنة
وقلت الخيال يصبح حقيقة
ونهدي ليك خاتم المنى
شان تسرحي وتتخيلي
وتتوهي في بحور الخيال
تتمني فيها وتسألي
ويتم ليك كل المنى
****
تستاهلي العرش البشيل
حسنك يطوف بيك العصور تستاهلي
ويمر بيك عبر الزمان
شان تمرحي وتتخيلي
كيفن تجيك ليلى بتغير
يبين عليها وينجلي
وكيفن تجيك الغيث ترش
دربك ورود لو تقبلي
ويطل جميل وكتير يقولوا
بيوت شعر مرهف طلي
وتمري بي عهد الرشيد
ويغني ليك الموصلي
*****
تستاهلي لو ردتي من قلبي القمر
باقات أساور أو حلي
أو حتى من كل النجوم
عنقود مبهرج ومنطلي
كان خف لي لقاك القمر
منصات وقال ليك أسألي
وكان حفو دنياك النجوم
إتباكوا ليك شان تعزلي
وأنا في هواك يا ست هواي
لليلة دايب في الغنا
*****
شفتيني كيف حاضن هواك
غيران عليك من كم سنة
شفتيني كيف ساعة الوداع
أنا كنت دمعة محننة
والليلة يا نعمة حياتي
بذوب حنان وبذوب منى
والليلة عايش أمنيات
يا حليلة لو كان ممكنة
أحكيك حروف أشواقي ليك
وأسمع حروفك وأحضنا
__________________
لو انى اكتشفت سر الحياة ... لعلمت حكمة الموت ( رباعيات عمر الخيام )
Garcia غير متصل   رد مع اقتباس
قديم 29-06-2006, 01:16 PM   #21
Garcia
عضـــو
 
الصورة الرمزية Garcia
 
تاريخ التسجيل: Sep 2005
المشاركات: 2,080
افتراضي




حبيب الروح
السر دوليب

لو قلتو حبيبي سلاني
ودع حبه ونساني
ما بصدقكم
ده حبيبي الروح بالروح
أنا عارف حبه إلي
داري بعطفه علي
نساني غرامي البيا
قاسمني الليالي الهنية
ضم الفؤاد ذكراها
أزكى الخيال معناها
ولو قلتو حبيبي سلاني
ما بصدقكم
غرامنا أسمى غرام
ما بطوله أي حسود
زايد مع الأيام
وتصونه أغلى عهود
حبيبي العهود راعيها
مهما الزمن طال بيها
لو قلتو لي نا سيها
مابصدقكم
خلاص اتجمعوا القلبين
خلاص اتوحدوا الأملين
وأصبحنا رغم البين
روح واحدة في جسدين
مهما تقولوا ظلمني
مهما تقولوا هجرني
لو باع لحبي خدعني
ما بصدقكم
ده حبيبي الروح بالروح
__________________
لو انى اكتشفت سر الحياة ... لعلمت حكمة الموت ( رباعيات عمر الخيام )
Garcia غير متصل   رد مع اقتباس
قديم 29-06-2006, 03:05 PM   #22
wadosman
عضـــو
 
تاريخ التسجيل: Jan 2006
المشاركات: 13,791
افتراضي

الاخ جاارسيا....

شكرا للاضااافة...و لنواااصل معا فى توثيق
درر الفنااان الشااامخ عثماان حسين......
و وعد بانزال احلى البنات كااملة فى الصفحة القاادمة...

تحيااات.....
wadosman غير متصل   رد مع اقتباس
قديم 29-06-2006, 10:25 PM   #23
Ismat
عضـــو
 
الصورة الرمزية Ismat
 
تاريخ التسجيل: Sep 2005
الدولة: إنجلترا - لندن
المشاركات: 4,673
افتراضي


العزيز الفنان ود عثمان...


ارجات مداخلتى.كنت انتظر بعض المعلومات..للتوثيق من الشاعر الدكتور السر دوليب .وهو يمت لى بصلة القرابه.وتعذر الاتصال..ولكننى انتظر..وساواصل المداخله...
هنالك مرحلتين فى تشكيل الفنان عثمان حسين..الاولى مع بازرعه فى مشاركه ثنائيه رائده . فى خمسينيات القرن الماضى انتجت در من الاغنيات فى ذلك الوقت ولا زال اثرها يتناثر...واستمرت محاور هذه الارتباط..ثم بدا عهد التغير فى شكل الاغنيات وتغير ايقاعها لتتحول الى اغنيات خفيفه راقصه...وهنا بدات المرحله الثانيه مع ثنائية الفنان عثمان حسين والسر دوليب.وانتجت زخم من الاغنيات الخفيفه..وشكلت حقبة تواصل ونقله فنيه للفراش ..الذى هو عثمان حسين.وهنالك دور مكثف للفرقه الموسيقيه وعلى راسها الموسيقار محمديه وعبد الله عربى.واخرين.. والملحن خليل احمد..ونادى شباب السجانه
ولعل فى فترة ما.اسهم فى اشتعال انتشار عثمان حسين بعض المغنيين من نادى الخرطوم جنوب..والفنان عباس تلودى الذى كان يقلد الفنان عثمان حسين...وانتشر كثيرا

ولعلنا فى بوستات مشتركه مع العزيز باشمهندس عبد الله الشقيلانى .بيكاسو الفنان قد بدانا حلقات تشريح وتوثيق لبازرعه وعثمان حسين..ضربها الهكر الذى اطاح بسودانيات العام الماضى..
ونحن نعلم ان العمر لا يمنحنا حرية اختيارنا ونحن نرى مظاهره قد ظهرت على بازرعه وعثمان حسين.ليتنا نبدا من هنا ..بوستا للتكريم...
و ارجو العزيز الشقلينى ان يدلى بدلوه..
وانا انتظر مزيدا من المعلومات التى تمنحنا اشارات توثيقيه واضحة المعالم من دكتور السر دوليب...واخرين
عميق التقدير
Ismat غير متصل   رد مع اقتباس
قديم 01-07-2006, 12:34 PM   #24
wadosman
عضـــو
 
تاريخ التسجيل: Jan 2006
المشاركات: 13,791
افتراضي

الاخ صاااحب القلم الانيق عصمت....

مسيرة الفنان عثمان حسين تخطت الأعوام الخمسين..
و لقد قدم الكثير من الدرر و رغما عن الثنائية
مع حسين بازرعة، الا انه تعاامل مع اكثر من شاعر..
فهو غنى لمحمد بشير عتيق وحميدة ابو عشر
وقرشي محمد حسن، وعوض احمد خليفة
والسر دوليب ومحمد يوسف موسى
وعلي محمود التنقاري
و لاننسى الاغنية الخاالدة (محراب النيل)
للتجاني يوسف بشير،
وهذه الاغنية كانت تحدياً كبيرا بالنسبة له
واستطااع اجتياازه بنجاااح...

تجربته مع الشااعر السر دوليب كانت تجربة ذاخرة
وغنية وانتجت الكثير من الاغنيااات الجميلة و التى كانت نقطة
تحول كبيرة فة مسيرة هذا الفنااان....

الاخ عصمت...
نحن فى انتظااار المزيد من الضؤ على تجربة الشااعر
البروف السر دوليب حتى نستطيع توثيق الكثير
من ما هو خافى علينا و على الكثيرين المهتمين
بالفن السوداانى..

تحيااات.....
wadosman غير متصل   رد مع اقتباس
قديم 02-07-2006, 08:56 AM   #25
wadosman
عضـــو
 
تاريخ التسجيل: Jan 2006
المشاركات: 13,791
افتراضي

القبلة السكرى - عثمان حسين
كلمات : حسين بازرعة
***************************

أتذكرى فى الدجى الساجى ... مدار حديثنا العذب

وفوق العشب نستلقى .. فنطوى صفحة الغـــيب

وإذ مـــالاح نجم سعد .. نرشف خمـــرة الحـــب

اتذكرى عهد لقيـــانا .. ويوم القبــلة السكـــرى

وقبَّل ثقرى الظامى .. فقــــد لا تنفـــع الذكـــرى

وترقد فى يدى كالطفل .. الثم ثغرك العطـــــرى

وقطرات الندى الرقراق .. تعلو هامـــــة الزهد

والحان الهزار الطلــق .. فـــوق خمـــائل النهر

ولما ينقضى اللـــيل .. وينــعس ساقـــى الخمر

يرف الضوء كالحلم .. يسكــب خمـــرة الفجــــر

اتذكرى قبلتـــى والليـــل .. يــروى طلعـــة البدر

كيف اناملى الحيرى .. تداعب خصلة الشعـــر

وتنعس فى ظلال النور .. تحكم بالهوى العذرى

اتذكرى عهد لقيانا .. ويوم القبلـــة الســــكرى

وقبل ثغـرى الظامى .. فقد لا تنفــع الذكــــرى
wadosman غير متصل   رد مع اقتباس
قديم 02-07-2006, 04:12 PM   #26
wadosman
عضـــو
 
تاريخ التسجيل: Jan 2006
المشاركات: 13,791
افتراضي

حبيب الروح ..
السر دوليب


لو قلتو حبيبي سلاني
ودع حبه ونساني
ما بصدقكم !!
ده حبيبي الروح بالروح
****
أنا عارف حبه إلي
داري بعطفه علي
نساني غرامي البيا
قاسمني الليالي الهنية
ضم الفؤاد ذكراها
أزكى الخيال معناها
ولو قلتو حبيبي سلاني
ما بصدقكم !!
****
غرامنا أسمى غرام
ما بطوله أي حسود
زايد مع الأيام
وتصونه أغلى عهود
حبيبي العهود راعيها
مهما الزمن طال بيها
لو قلتو لي نا سيها
مابصدقكم !!
خلاص اتجمعوا القلبين
خلاص اتوحدوا الأملين
وأصبحنا رغم البين
روح واحدة في جسدين
مهما تقولوا ظلمني
مهما تقولوا هجرني
لو باع لحبي خدعني
ما بصدقكم !!
ده حبيبي الروح بالروح
wadosman غير متصل   رد مع اقتباس
قديم 02-07-2006, 04:14 PM   #27
wadosman
عضـــو
 
تاريخ التسجيل: Jan 2006
المشاركات: 13,791
افتراضي

قلبي فاكرك ..
السر دوليب


حبيبي ليه قلبي فاكرك وإنت ليه خالي قلبك
خالي خالي والله ما عليه
***
كنت فاكر ألقى عندك الحنان تغمرني بيه
قلبي يرثى ألقى جنبك
الأماني الأماني تدوم عليه
بحنانك تحتويني
وبي ودادك تصطفيني
ليه تسيبني يا ضنيني لدلاك اشتكيك
****
عهدي بيك وأشكي ليك
وتواسيني في آلامك
غيروك بدلوك عن حنيني يا غرامي
لا بقيت تسأل علي لا بتقول واحشاك عيني
أو عذابي رضيته لي يا حبيب أنا راضي بيه
******
إنت لي نور عيني في الليالي تضوي ليا
ذكرياتي وأغنياتي في فؤادي لسه حيه
لو نسيت أشواقي ليك أو شبابي هان عليك
قلبي لسه أملو فيك راجي لو تعطف عليه
****
أي لحظة أي لمحة من حياتي إنت فيها
في كلامي في ابتسامي في الأماني البشتهيها
يا نضاري وإزدهاري يا ربيعي واخضراري
يا حبيبي وإنت داري بالعذاب الإحنا فيه
wadosman غير متصل   رد مع اقتباس
قديم 02-07-2006, 04:17 PM   #28
wadosman
عضـــو
 
تاريخ التسجيل: Jan 2006
المشاركات: 13,791
افتراضي

حبيبي جفا فؤادي


حبيبي جفا فؤادي
قلبي ليه ينادي
آه هب النسيم يا ظبية
حامل عبير لي
آه لو تعرف البي
ذكراك تثير أشجاني
آه الحب عرفت شقاه
بقيت أسير دنياه
هو الهجرني براه
من غير سبب جافاني
آه الليل يطول لأذاي
بين الأنين وبكاي
لحن الألم في غناي
الشوق يزيد نيراني
آه الجاهلة شبه الصيدة
لون الزهور في خديدة
رغبة هناي في ريدها
الحب كوا وجداني
wadosman غير متصل   رد مع اقتباس
قديم 02-07-2006, 04:19 PM   #29
wadosman
عضـــو
 
تاريخ التسجيل: Jan 2006
المشاركات: 13,791
افتراضي

خمرة العشاق ..
قرشي محمد حسن

عندما تقفو الأزاهر في الربى
والنسيم الحلو يهفو رطبا
والندامى يسكبون العنبا
يرشفون الكأس حببا حببا
أذكري صبا صريعا مستهاما
لم تعد كأساته إلا حطاما
يا سقاة الراح عن خمري سلاما
أصرفوا الكاسات عني والمدامى
خمرتي في الحب كرم قد تسامى
عجزت عن عصرها أيدي الندامى
خمرتي في الحب أجفان الظبا
يا لقلبي من تباريح الصبا
wadosman غير متصل   رد مع اقتباس
قديم 02-07-2006, 04:21 PM   #30
wadosman
عضـــو
 
تاريخ التسجيل: Jan 2006
المشاركات: 13,791
افتراضي

إن تريدي ياليالي ..
حسين بازرعة


إن تريدي يا ليالي تسعدينا
تجمعينا كما كنا ما تلمي زول علينا
يا الحبايب كيف تسافروا وتسيبونا
لما توصلو في دياركم أذكرونا
مرة مرة في وطنا زورونا
تجدونا كما كنا والجراح كترت علينا
أذكرونا وأذكروا النزهة الجميلة
يوم كنا نلهو في روض الخميلة
السعادة الكنا فيها يا حليلة
إجتمعنا والحبايب حولينا
وافترقنا والمطر يصب علينا
كان نسيتو حاشا حاشا ما نسينا
بس محياك يا ليالي تجمعينا
تسعدينا كما كنا ما تلمي زول علينا
يا حبيبة بي جمالك أنا مغرم
والجحيم من فراقك لي أرحم
يا حبيبة لولا ربي وجهنم
لعبدتك وسجدت بين أيديك
wadosman غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:16 AM.


زوار سودانيات من تاريخ 2011/7/11
free counters

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir