من هم المعارضــــــــــــون !!! النور يوسف محمد

ترحيب بالولايات المتحدة الأمريكية !!! أسعد

آخر الأخبار العالمية
جديد المواضيع

العودة   سودانيات .. تواصل ومحبة > منتـديات سودانيات > منتــــدي التوثيق

إضافة رد
 
أدوات الموضوع انواع عرض الموضوع
قديم 04-09-2011, 09:54 AM   #1
ود الحبوب
عضـــو
 
الصورة الرمزية ود الحبوب
 
تاريخ التسجيل: Sep 2011
الدولة: أم روابة
المشاركات: 99
افتراضي أليكم جميعا أهـدي خالص محبتي وعشقي لأمــي

لله دركم أيها الجميلين الشرفاء، وأسأل الله العلي القدير أن أكون قدر هذا التشريف وهـذا القبول الذي أعتز به كسوداني مسكون بالوطن وأهله وخرائد طينه الذكية العابقة بالعطاء والنماء،
وبحبيبات رمله بل أحجية رمله العزيزة على كل سوداني غيور، ونيله الصبور ندي العطاء.
لكم كل الود وعميق المحبة يا كل الجمال والمنعة


وبهديكم العيدية دي ضروري توصلوها لي أمـي الحنون وكل زول جميل بحب الوطن وأهله وحوائه الجميلة.

وكتِبتِك يا أُمي
وكتبتك جوه حواسي اشواق وحنين
وهيبة شفيفة حفها الياسمين
تمتاز بي خفراً رائع وحصافة ودين
وكتبتك
كتبتك في الجبين تعويذة فرح
مجرتق بي العديل والزين
وسجلتك في الضمير
خاتم بضم حرفين
أحمر عين الموسم بي شقى التايهين
وكتبتك بي خيال إنسان عشق ذاتك
وغنيتك بي خيال فنان
رآك في الخيال عيان وبيان
وقال يا ريت لو ينفجر تنور الغضب بركان
وناديتك وناجيتك وغنيتك
أحلى نشيد وبشروا الحبان
وعزفتك ..على وتر قلبي الشفيف
وصهلت جوه في أعماقي .. خيل العقيد وجملة الفرسان
مع زغرودة مهيرة وكرنفال فرح طربان
وإرتسمتك في الصدر نيشان
ونبض يرف في صفحة الخاطر
وملاك طاهر بيرفل في جوف أنسان
وحن دفاق وغيم ماطر بيدفق أمل بين جِنون وجِنان
وناغمتك يُمـة الحبيبة يا بِـري
أقيفي حدايا ضُميني .. تاتيني .. مشيني
وأديني من عزمك البخليني اقيف دغري
خلى النار تصابحنى وتماسيني
وتمسح كل دمعة حزن متِل شامة الكآبة المنحوته في خاطري
بتتألم متين يكون النيل بأمان
متين النخل يعانق بعضو ويسلم السودان
عوضيني طعم الفرح الجافاني زمان وزمان
يا أمي يا مهيرة أديني من إرثك تعويذة ثبات ورهان
أسقيني من دنك أكسير الوصال الكان
تعالي أقيفي حِداي يا كرمة الحبان
تعالي يا حلم الملايين وعشم باكر
وأنا يوم إجرتق سمح ترابك بي غزير دمي
بفيض نيلك وبِهِـل فجـرِك ويطيب خاطري
خيارك زينة بهاكي الما بعقدو الني
وعديلتك يتباشروا فيها أبان مسوحا مي
أبقى صحيح ولدك وتبقي العِزيزة أمي
واريني في حضنك أمان
يا حلم عمري وعشم باكر
عشان أتلاش في حلمي
عشان أدفى بي ترابك وأقول
تحي وتعيش أمي
تحي وتعيش أمي
يا أُمي

ابدا لكم /الحبوب

التعديل الأخير تم بواسطة ود الحبوب ; 04-09-2011 الساعة 09:57 AM
ود الحبوب غير متصل   رد مع اقتباس
قديم 06-09-2011, 11:08 AM   #2
نبراس السيد الدمرداش
عضـــو
 
الصورة الرمزية نبراس السيد الدمرداش
 
تاريخ التسجيل: Oct 2009
المشاركات: 7,583
افتراضي

مرحب بيك يا حبوب
كل عام و انت بالف خير
و كل عام و كل والداتنا بخير و صحه و عافيه
ربنا يخلي جميع الامهات و يحفظهم و يقدرنا على جزاهم

مرحب بيك تاني و خلينا نشوفك في منتدى الحوار
__________________


اذا جاء نصر الله والحب
ورأيت الورد في الطرقات يمنحك الامان
فاشرع سفينتك العتيقة وامنح الياقوت وجهك
وانتظر فرح الزمان

عصام عبدالسلام


نبراس السيد الدمرداش غير متصل   رد مع اقتباس
قديم 27-09-2011, 07:26 AM   #3
فيصل سعد
عضـــو
 
الصورة الرمزية فيصل سعد
 
تاريخ التسجيل: Sep 2005
الدولة: Calgary, Alberta, Canada
المشاركات: 12,327
افتراضي

لك وافر التحايا و
السلام و الاحترام ..
__________________
اللهم اغفر لعبدك خالد الحاج و تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 27-09-2011, 12:08 PM   #4
ود الحبوب
عضـــو
 
الصورة الرمزية ود الحبوب
 
تاريخ التسجيل: Sep 2011
الدولة: أم روابة
المشاركات: 99
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
لك وافر التحايا و
السلام و الاحترام ..
ولك من القلب وعمق المسام كل المودات االعبيقة بعصير الأمنيات الضارعات بدوام الصحة والعافية ... أدام الله نعمة التواصل والمحبة ... أخي الودود السمح
ود الحبوب
__________________
قال الحبوب خوي روضة السمحة صـافي النية
هاك يا بنية مني الُسعِد مسـوجر شكل أغنية
كارنا الخالد ينضح حكمة وفيه النصح هـدية
وأقول حجيتك مابجيتك خيرا جانا وجاك يا بنية
طولي بالك وصفي النية عشان الكلمة مسولية
وديري بالك على الحنيه يسعدعشك وتبقي هنية
اسمعيني ومجدي وطنـك
خلي عفافك شموخك نخلك
أوع تبـاري الدرب المهلك ِ
عشقك رحلك ووطنك وأهلك

التعديل الأخير تم بواسطة ود الحبوب ; 27-09-2011 الساعة 12:10 PM
ود الحبوب غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 01:54 AM.


زوار سودانيات من تاريخ 2011/7/11
free counters

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir