الذباب

[رأفت ميلاد]

يعيش الذباب فى المناطق القذرة وينقل الأمراض المناطق النظيفة

[رأفت ميلاد]

تظهر هذه الصورة مثال جيد لأجنحة الذبابة فهي رقيقة وشفافة تقريبا، مع عروق واضحة

[رأفت ميلاد]

YouTube

[رأفت ميلاد]

كيفية التخلص من الذباب الفعالة ليس فى الميدات بل فى النظافة

[عكــود]

سلام يا رأفت،

موضوعك ده ضرب لي في وتر ذبابة تلفزيونات السودان!
الملاحظ أن تلك الذبابة وكأنها مقاول يفي بالتزاماته قبل موعد التسليم. تعمل بكل جد واجتهاد ولا تفرق بين قناة سودانية وأخرى، فتعاقدها مع الجميع وترسو عليها عطاءات كل القنوات.
لا تفرز بين عمة حسين خوجلي ووجه نسرين سوركتي ..
لا مساير سلمى السيد ولا صلعة فرفور ..
تنتقل برشاقة بين خمار عفراء ووجه ضيفها ..
القنوات سواسية عندها كأسنان المشط؛ قومية كانت أم خاصّة ..
لا يحبسها عن أداء عملها لا محاحاة من هبطت عليه ولا أضواء الكاميرا.
ونحن من على مقاعد المشاهدين نحاحي ونميل يميناً ويساراً معها، بل ونهش من على أوجههنا ذبابة مُتخَيّلة.

البف باف فيهو أزمة وللّا كيف؟

[رأفت ميلاد]

غايتو يا عمدة أسمح منك ما لاقانى

[فيصل سعد]

المشاركة الأصلية كتبت بواسطة عكــود

البف باف فيهو أزمة وللّا كيف؟

كدي يحاولوا Reid و أن بقى ما نافع فعليهم بالجمكسين،
على الأقل المذيعين و المذيعات يبطلوا رشاقتهم و تصنع
خفة دمهم الزايدة دي و يبقوا تلقائيين شوية
و ان دا كلوا ما جاب نتيجة،، ما فضل يا عمدة إلا تباصر ليك
كم شتلة عميوق كدا و ترشحا في الأستوديو تخليهم
يتشرشحوا تب هم و ضبانة الجن دي


ارقدوا عافية..

[ناصر يوسف]

ننتظر المذيد من قول البوست

قلت لي ضبانة الأستديو يا عكود ؟

ياخي ذكرتني ،،، في يوم من الأيام ونحن بنصور في مشاهد خارجية ليلية في حدائق 6 ابريل لمسلسل الشيمة

في مشهد بيجمع بيني وبين بطلة المسلس ( ليلي) المخرج يقول آكشن ،،، تجي حشرة غريبة ترِك لي في وشي ،،، أقوم أحاحيها والتصوير يقيف

تاني مرة ،، كلاكيت مشهد رقم كده تاني مرة ،، آكشششششن ،،، ويبدأ المشهد ،،،
تااااني يا حشرة السجم والرماد تعالي رِكي في وشي

كلاكيت آخر مرة ،،،

وبدأ تصوير المشهد وكيت كيت كيت بديت اقول في الحوار ،،، فجأة كِدَه الزميلة تهمس لي وتقول ،،،

في نخرة في حشرتك ،،

طبعاً طلعت ليك من الشخصية وفقعتها ليك ضحكه ،،

المخرج مجدي مكي قال لي في شنو يا استاذ ياخ ما تخلونا نكمل المشهد ده

قلت ليه القالته لي زميلتي

ياخي زي ربع ساعة كده الناس دي كلها إتفقعت بالضحك


مسألة ذبابة الأستديوهات ديك يا عكود نحن وين ياخ ما يانا في السودان الواااااحد ده ياخ

يعني عادي جداً تكون ريحتي مُعفففففففففنِة وانا ماشي علي شغلي كممثل ،، مصور ،،، مخرج ،،، مهندس إضاءة ،،، عامل بلاتو ... إلخ

والذباب صديق الروائح المعفنه ولا مو كدي

[عبدالحكيم]

عنتره في وصفه الذباب ..
يقال هو ابلغ بيت شعر في تصوير الذباب ..


وَخَلَى الذُّبَابُ بِهَا فَلَيسَ بِبَـارِحٍ غَـرِداً كَفِعْـل الشَّاربِ المُتَرَنّـمِ

هَزِجـاً يَحُـكُّ ذِراعَهُ بذِراعِـهِ قَدْحَ المُكَبِّ على الزِّنَادِ الأَجْـذَمِ


نجيك عن الذباب من القرآن ...

[بابكر مخير]

إن فهمت صآح
في برضهو "الذئاب"
والإتنين من نفس السلالة..
وسخ ودناوة

[رأفت ميلاد]

المشاركة الأصلية كتبت بواسطة عكــود

سلام يا رأفت،

موضوعك ده ضرب لي في وتر ذبابة تلفزيونات السودان!
الملاحظ أن تلك الذبابة وكأنها مقاول يفي بالتزاماته قبل موعد التسليم. تعمل بكل جد واجتهاد ولا تفرق بين قناة سودانية وأخرى، فتعاقدها مع الجميع وترسو عليها عطاءات كل القنوات.
لا تفرز بين عمة حسين خوجلي ووجه نسرين سوركتي ..
لا مساير سلمى السيد ولا صلعة فرفور ..
تنتقل برشاقة بين خمار عفراء ووجه ضيفها ..
القنوات سواسية عندها كأسنان المشط؛ قومية كانت أم خاصّة ..
لا يحبسها عن أداء عملها لا محاحاة من هبطت عليه ولا أضواء الكاميرا.
ونحن من على مقاعد المشاهدين نحاحي ونميل يميناً ويساراً معها، بل ونهش من على أوجههنا ذبابة مُتخَيّلة.

البف باف فيهو أزمة وللّا كيف؟

غالباً يا عمدة ضبانة التلفزيون دى تكون (عمل) يكفى العين

[رأفت ميلاد]

المشاركة الأصلية كتبت بواسطة فيصل سعد

كدي يحاولوا Reid و أن بقى ما نافع فعليهم بالجمكسين،
على الأقل المذيعين و المذيعات يبطلوا رشاقتهم و تصنع
خفة دمهم الزايدة دي و يبقوا تلقائيين شوية
و ان دا كلوا ما جاب نتيجة،، ما فضل يا عمدة إلا تباصر ليك
كم شتلة عميوق كدا و ترشحا في الأستوديو تخليهم
يتشرشحوا تب هم و ضبانة الجن دي


ارقدوا عافية..

يا حبوب الريد والجمكسين خطر ياخ يقوم يكتل كل أنواع الذباب

[رأفت ميلاد]

المشاركة الأصلية كتبت بواسطة ناصر يوسف

ننتظر المذيد من قول البوست

قلت لي ضبانة الأستديو يا عكود ؟

ياخي ذكرتني ،،، في يوم من الأيام ونحن بنصور في مشاهد خارجية ليلية في حدائق 6 ابريل لمسلسل الشيمة

في مشهد بيجمع بيني وبين بطلة المسلس ( ليلي) المخرج يقول آكشن ،،، تجي حشرة غريبة ترِك لي في وشي ،،، أقوم أحاحيها والتصوير يقيف

تاني مرة ،، كلاكيت مشهد رقم كده تاني مرة ،، آكشششششن ،،، ويبدأ المشهد ،،،
تااااني يا حشرة السجم والرماد تعالي رِكي في وشي

كلاكيت آخر مرة ،،،

وبدأ تصوير المشهد وكيت كيت كيت بديت اقول في الحوار ،،، فجأة كِدَه الزميلة تهمس لي وتقول ،،،

في نخرة في حشرتك ،،

طبعاً طلعت ليك من الشخصية وفقعتها ليك ضحكه ،،

المخرج مجدي مكي قال لي في شنو يا استاذ ياخ ما تخلونا نكمل المشهد ده

قلت ليه القالته لي زميلتي

ياخي زي ربع ساعة كده الناس دي كلها إتفقعت بالضحك


مسألة ذبابة الأستديوهات ديك يا عكود نحن وين ياخ ما يانا في السودان الواااااحد ده ياخ

يعني عادي جداً تكون ريحتي مُعفففففففففنِة وانا ماشي علي شغلي كممثل ،، مصور ،،، مخرج ،،، مهندس إضاءة ،،، عامل بلاتو ... إلخ

والذباب صديق الروائح المعفنه ولا مو كدي

ورينا يا ناصر يوما كنت أتعشيت بى شنو عشان نحدد نوع الحشرة ياخ .. والحشرة دى ما تكون خاتاها ليك ليلى إذا قربت أكتر من اللزوم

[رأفت ميلاد]

المشاركة الأصلية كتبت بواسطة عبدالحكيم

عنتره في وصفه الذباب ..
يقال هو ابلغ بيت شعر في تصوير الذباب ..


وَخَلَى الذُّبَابُ بِهَا فَلَيسَ بِبَـارِحٍ غَـرِداً كَفِعْـل الشَّاربِ المُتَرَنّـمِ

هَزِجـاً يَحُـكُّ ذِراعَهُ بذِراعِـهِ قَدْحَ المُكَبِّ على الزِّنَادِ الأَجْـذَمِ


نجيك عن الذباب من القرآن ...

لا الله يعزك خلينا فى عنترة يقوم يجينا ناس الفتاوى والعمده خاطرو كبير

[رأفت ميلاد]

المشاركة الأصلية كتبت بواسطة بابكر مخير

إن فهمت صآح
في برضهو "الذئاب"
والإتنين من نفس السلالة..
وسخ ودناوة

أتا ما سيد الفهم كلو يا أبو مدينة

لكن أعتقد الذباب ما فصيلة الذئاب .. الذئاب بتاكل بعرق جبينا ما بتاعة فضلات .. أقرب الحيوانات للذباب هم الضباع .. بيستنوا فضلات الشجعان أو الجيف عشان يتغذوا عيلها



قريت هنا فى سودانيات (الضباع هى الحيوان الوحيد الذى يشرع فى نهش الفريسة وهى على قيد الحياة)