إقتراح متواضع لمن يهمهما الأمر!

[كيشو]

المشاركة الأصلية كتبت بواسطة حسين عبدالجليل

لم أتطرق أبدا لمن هو الجاني و من هو الضحية لإقتناعي بأن كلاكما يتحمل مسئؤلية الوضع الحالي .

وجهة نظري أن عادل ورأفت أقرب لأن يكونا ضحيتين من أن يتحملا مسئولية الوضع الحالي، وما دفعني لهذا الاعتقاد هو الطبيعة الإيجابية لكل منهما، فلقد تعودنا أن نرى كلا واحد منهما يجتهد من أجل شرح وجهة نظره والدفاع عنها، فإذا استطاع طرف ثالث أن يضع أي واحد من الاثنين في موضع هجوم أو دفاع فستجد الاثنين في مواجهة قد تطول، ورأيي هذا لا أقصد أن عادل أو رأفت شخصان ضعيفان؛ بل هما يتمتعان بشخصيتين قويتين مستقلتين تماما، كذلك رأيي هذا لا ينفي أن لكل من الاثنين القدرة على المبادرة أحيانا
لقد شهد المنبر منذ مدة محاولات لحوحة لإقناع الأعضاء بوجهات نظر سلبية أو إيجابية حول بعض الأعضاء والمواقف، وقد نجحت تلك المحاولات في اعتقادي فصار من اقتنع أصيلا في المدح أو الذم، بل ربما لن يتراجع حتى لو تراجع صاحب المشروع الأصلي؛ بل ربما يتعرض صاحب المشروع نفسه لسهام بعض من أقنعهم سابقا إذا تراجع أو انسحب

[حسين عبدالجليل]

المشاركة الأصلية كتبت بواسطة كيشو

وجهة نظري أن عادل ورأفت أقرب لأن يكونا ضحيتين من أن يتحملا مسئولية الوضع الحالي،
..........................................
............................................
..........................................
........ بل ربما يتعرض صاحب المشروع نفسه لسهام بعض من أقنعهم سابقا إذا تراجع أو انسحب

الامريكان عندهم مثل ياشيخ كيشو بيقول مامعناه : " إذا كنت في حُفرة وعايز تخرج منها, فأول شيئ تعمله توقف الحفر."

لو الحفِر دا ماوقف , فسيستمر النزول إلي أسفل . و إقتراحي المتواضع دا كل هدفه إيقاف الحفِر ل 6 شهور .

مازلت مؤمن بأن كلاهما مسئول وليس ضحية فيما حدث.

وهما عندهما من قوة الشخصية مايمكنهما من إيقاف هذه المشاكل, إن أرادا, دون الإذعان لأي مزايدة من حليف .

[رأفت ميلاد]

يا حسين فى النكتة القديمة قالوا فى زول ضرب ليهو سجارة طلعت فى راسو وأعتقد أنو بقى حبة عيش .. بقى كل ما يشوف ليهو جدادة يقوم يكورك بفتكرا ماشة تبلعو .. أقنعوهو يا الله إنو ما حبة عيش .. شاف ليهو ديك قعد يكورك .. يا زولك ما أنتهينا من القصة دى .. قال ليهم (أنا أقتنعت لكن البقنع الديك شنو)
الموضوع ده زى حكاية أم ضبيبينة ما عندو حدود .. مشكلتى مع عادل عسوم ما عويصة وعارف إطارا تمام وما محتاج أشرحو عشان كان شرعت فى المضوع بتدور قصة أم ضبيبية من تانى .. صدقنى القصة ما فيها جانى وضحية .. أنا وقفت لحدى هنا وأبداً ما حـ أغير من أسلوبى إذا هابشنى تانى

[عادل عسوم]

المشاركة الأصلية كتبت بواسطة رأفت ميلاد

يا حسين فى النكتة القديمة قالوا فى زول ضرب ليهو سجارة طلعت فى راسو وأعتقد أنو بقى حبة عيش .. بقى كل ما يشوف ليهو جدادة يقوم يكورك بفتكرا ماشة تبلعو .. أقنعوهو يا الله إنو ما حبة عيش .. شاف ليهو ديك قعد يكورك .. يا زولك ما أنتهينا من القصة دى .. قال ليهم (أنا أقتنعت لكن البقنع الديك شنو)
الموضوع ده زى حكاية أم ضبيبينة ما عندو حدود .. مشكلتى مع عادل عسوم ما عويصة وعارف إطارا تمام وما محتاج أشرحو عشان كان شرعت فى المضوع بتدور قصة أم ضبيبية من تانى .. صدقنى القصة ما فيها جانى وضحية .. أنا وقفت لحدى هنا وأبداً ما حـ أغير من أسلوبى إذا هابشنى تانى

عندي 16 بوست انتا الجايي متلب فيهن (وهابشني) ومداخلاتك موجودة ولو حبيت اجيبهم ليك واحد واحد ودا رقم واحد:
http://www.sudanyat.org/vb/showthread.php?t=20566
وكمان اتحداك تجيب لي مداخلة واااحدة اكون قلت ليك فيها انك خريج احداث أو ضبانة أو لمحت تلميحات سمجة زي تلميحاتك الفي موضوع الإيقاف الظالم بتاعي البتظل تلوي بي سببو عنق الحقيفة وهي بعكس تلميحاتك القبيحة تماما!
جيب لي بوست فيهو الكلام دا واوعك تجيب لي مداخلة مبتورة قبل ماتجيب مداخلتك الأنا (رديت) عليها في الأصل عشان الناس تعرف مين المبادر ومين المطارد وبيرد فقط ليس الا؟!
غير كدا ماعندك ابدا مبرر يخليك تقول انو عادل عسوم هو المخطئ عليك...
وفي الختام بس حبيت ألفت نظر الناس لي إطار مشكلتك معاي البتقولا دي وقصة (حجوة ام ضبيبينة) البقولا رأفت دي!!!
قصة (حجوة أم ضبيبينة) الشايل طارك وبتطاعن بيها دي ومرة مرة تهددني بي بوست شليل داك ياتكون شجاع وتقولا بدون الغتغتة الشابكني بيها دي عشان أرد عليك رد راجل لراجل والناس تعرف التفاصيل (طالما اناس بعينهم) راضين بي الوضع دا... او كمان تخلي الخباثات دي وتبقا زول عاوز يكتب ويفيد ويستفيد...
خلاصة الموضوع انا عمري وخلال السنوات دي كلللها ماحصل بادأتك بي سوء يارافت ميلاد وعمري ما شتمتك او كلامي احتوى علي الفاظ قوامها الوسخ والضبان والقرف الحاصل منك دا وصدقني والله انا زاااتي مافاضي ليك عشان اباداك بي حاجة وحتى بوست (رأفت ميلاد مفتيا) جيت اعترفت بي نفسك انك كنت فاهمو غلط لانك كنت مدخل كيشو في الموضوع ولمن صححت ليك المعلومة اعتذرت لي...
فماتتكلم وتقول كلام غير مؤسس واتحداك تجيب لي بوست واحد فيهو (مباداة) مني عليك فيها شتم او كلام (وسخ) خلال السبع سنوات الفاتت دي كلها ...أقسم بالله يارافت اني اعتذر ليك ساعتا وعلي رؤس الأشهاد واخلي ليك المنتدى دا زاتو عشان تواصل تنويرك وتنحف الناس بي ادبك وشعرك وثقافتك وعلمك...
أقسم بالله انك كرهتنا في المنتدى دا من اصلو ...
وهسي الواحد باقي ليهو ساعات بس ومسافر ولسة في اللت والعجن الماعندو نهاية معاك دا

[رأفت ميلاد]

راجعت اللنك المعنى .. غايتو حقو أنا والجيلى يودونا التجانى الماحى طوالى

المداخلة بتاعتى كانت رقم 30 فى الصفحة التانية بتاريخ 6 أكتوبر 2013 .. الـ 29 مداخلة القبلها مافى أى مداخلة من زول تانى عشان نقول تطور فى الأحداث .. هسة البوست طلع من مكانو ونظ 2015 .. محتاجين البوستات دفعة البيوست ده فى التاريخ ده .. أنا ذاتى نفسى أعرف السبب العدائى الدخلنى البوست ده

هو واحد من إتنين يا عادل عسوم لدغنا فى حتة تانية وده رد الفعل أو محتاجين فكى يطلع شيطانا ده

[عادل عسوم]

المشاركة الأصلية كتبت بواسطة رأفت ميلاد

راجعت اللنك المعنى .. غايتو حقو أنا والجيلى يودونا التجانى الماحى طوالى

المداخلة بتاعتى كانت رقم 30 فى الصفحة التانية بتاريخ 6 أكتوبر 2013 .. الـ 29 مداخلة القبلها مافى أى مداخلة من زول تانى عشان نقول تطور فى الأحداث .. هسة البوست طلع من مكانو ونظ 2015 .. محتاجين البوستات دفعة البيوست ده فى التاريخ ده .. أنا ذاتى نفسى أعرف السبب العدائى الدخلنى البوست ده

هو واحد من إتنين يا عادل عسوم لدغنا فى حتة تانية وده رد الفعل أو محتاجين فكى يطلع شيطانا ده

علي قولك بوست انها مواكب احزان (أي كلام) ومابيستاهل التداخل من اصلو!...
فهو لا يعتمر لغة تستحق القراءة ولافيه زاوية نظر ولا يتخلله سياق يناسب الأدباء والمفكرين من أمثال رأفت ميلاد
إما بقية إيرادك فلا يعدو إلا أن يكون جزءا من خبثك المعهود ثم احتماء بالغير!
يارافت انا قلت 16 بوست مش دا بس!...
فمعقول ال16 أكون انا لادغك قبلهم أيها الرجل (الوديع)؟!
...
المهم في كل الأمر حبيت اعمل اقتباس لي مداخلتك (المفيدة) دي لكي تكون في الحفظ والصون في البوست المتواضع دا

[حسين عبدالجليل]

المشاركة الأصلية كتبت بواسطة عادل عسوم

المهم في كل الأمر حبيت اعمل اقتباس لي مداخلتك (المفيدة) دي لكي تكون في الحفظ والصون في البوست المتواضع دا

مافي داعي للمطاعنة غير الكريمة دي . البوست الذي هدفه الاصلاح بين الناس هو بوست غير متواضع . المتواضع هو الاقتراح . ولو عايز تعرف ليه أنا سميته "أقتراح متوضع" بالله قوقل ترجمة "اقتراح متواضع بالانجليزي وهي A Modest Proposal للكاتب جونثان أسويفت .

ذاكرتك ضعيفة ياعادل وعلي العموم أنا بستاهل !

[كيشو]

المشاركة الأصلية كتبت بواسطة حسين عبدالجليل

مافي داعي للمطاعنة غير الكريمة دي . البوست الذي هدفه الاصلاح بين الناس هو بوست غير متواضع . المتواضع هو الاقتراح . ولو عايز تعرف ليه أنا سميته "أقتراح متوضع" بالله قوقل ترجمة "اقتراح متواضع بالانجليزي وهي A Modest Proposal للكاتب جونثان أسويفت .

ذاكرتك ضعيفة ياعادل وعلي العموم أنا بستاهل !

يا حسين ياخي انت تستاهل كل خير والله
كدي نشوف توضيح عادل

[رأفت ميلاد]

المشاركة الأصلية كتبت بواسطة حسين عبدالجليل

مافي داعي للمطاعنة غير الكريمة دي . البوست الذي هدفه الاصلاح بين الناس هو بوست غير متواضع . المتواضع هو الاقتراح . ولو عايز تعرف ليه أنا سميته "أقتراح متوضع" بالله قوقل ترجمة "اقتراح متواضع بالانجليزي وهي A Modest Proposal للكاتب جونثان أسويفت .

ذاكرتك ضعيفة ياعادل وعلي العموم أنا بستاهل !

يا حسين قسماً بالله ما تحريض لكن ده مثال حى للدغات عادل عسوم .. مثلاَ فى مداخلة عيدروس ضرب مثل بالمرأة زى ما بقولوا أهلنا جات تكحلا عمتا وتسببت فى طلاق الزوجين .. فى مداخلة مع عسوم وصفته بفعل هذه المرأة .. ردو علىّ كان (يعنى أنا المرأة وأنت الراجل) رديت عليهو (لا أنا المرة وأنت الراجل) .. ده طريقتة الإستعدائيته للإنسان وإستعداء الناس عليه

وأغرب شيئ يرفض مثل مداخلتى هذه بأنها تحشيد للناس ضده وكلامه كله تحشيد دنيئ للناس ضدى .. هل هناك تحشيد أكثر من وصفى بأنى (حاقد على الإسلام)

[الرشيد اسماعيل محمود]

المشاركة الأصلية كتبت بواسطة حسين عبدالجليل

ياابوبكر أنا خايف علي صحة صاحبي السيد الآمين العام . ناس هناي و فلان و عِلان مشغلنه أوفر تايم في حصة الدين .