اقتباس:
المشاركة الأصلية كتبت بواسطة جيجي
يا فيصل ياخ اللخبتة لزومها شنو:
اتصلح معانا يا باذخ
|
كان ما اتصلحنا معاك انت نتصلح مع منو يا بت يا كنز، بعدين انا حاسد و بغران كيف تردي على حبيبنا الباش الهاش و تفطيني انا السلمت عليك و حييتك قبالوا و قبال ما يعلن التحدي، و طبعا انا زي ما عارفة خصم لدود و ما بخسر بسهولة، عشان كدا وسعنا ماعون التحدي عشان كان اخترتي السلمتي عليه قبالنا، نلقى لينا باذخة من اخواتنا ديلاك تدعمنا معنويا و تخفف آثار العدوان الثنائي و الحلف الجديد الذي يلوح في الافق عشان ما تبقى علينا ميتة و خراب ديار، و كذلك دعما لشعار العودة للبيت الكبير قصدنا تعميم التحدي في المحبة و عدم حصرها في طرفين و كدا.. سوف اتصلح معك شديدا لو ريحتيني شوية الأيام دي من نخنخة عابدة الشيخ دي و تلويق صوتها "من لايوق" على الرغم من أنها فنانة مبدعة و متميزة لا يشق لها غبار..
طبعا لا يفوت. قوة ملاحظتك الدقيقة بأنني لم استخدم أي وش اخدر في هذه المداخلة تأكيدا للشفافية و اديناك الكلام طازج و قطع اخدر من القلب إلى الكيبورد دون أي وساطات و تلويش و تشويش، و مفروض نديدي السيادي الباذخ يجي يتفرج و ياخد ليو نقلة و درس عصر..
تدثري بالمحبة و كثيف الود و التقدير و
الاعزاز يا صديقة، و كوني بالف خير..