أولاد تماضر و الحُـجا و بابكر عباس

معتصم الطاهر · 31-01-2015, 11:07 AM

تماضر دى تماضر الحسن .. ما تماضر حمزة رغم الشبه الكتير فى الحاجات السمحة

من "البنات" البعالجنك بالعلم والمعرفة و الوجه الحسن ..

كتيت موضوع عن تجربتها ..

بابكر عباس كتب قبل دا عن تربية الاطفال فى الغرب ..

نشوف ..

معتصم الطاهر · 31-01-2015, 11:09 AM

كتبت تماضر الحسن
قبل فترة ...كنت جالسه مع طل وطيب في اوضتهم .....وهن جالسات في ركن الاوضة يعبثن بالعاب واشياء كانت امامهن ....رفعت راسي من كتاب كنت اقراة ...صغيرتي طيب كانت غير راضية عن شيء فعلته اختها ....نظرة تنمر واضحة في وجهها ...وبلهجة انجليزية جوردية المخارج تماما كانت تؤنب اختها علي مافعلت ....قمت قلت ليها ياطيب ممكن تتكلمي عربي قالت لي ببساطة شديدة ....وبالانجليزي برضو:
لا ماممكن عشان مابقدر اتشاكل بالعربي
ورجعو للعبهم زاتو وهن لسه ( بتراطنن ) والله انتابني حزن عميق ...وجري شريط في ذاكرتي الموهنة المرهقة ....ليعرض امامي صور تكاد تنبض حياة من شدة اساي وحزني ...وانا اكاد اكون في عمر طيب في سنواتي الاولي بالمدرسة ...وكيف كانت والدتي تفخر باني احفظ قصيدة ابتاه ماذا قد يخط بناني والحبل والجلاد ينتظراني ...وهذا الكتاب الياك من زنزانة صخرية مقرورة الجدران ...
كانت امي تفخر بذلك وتحب نطقي السليم علي صغر عمري وخاصة انا قد تتلمذت علي يد جدي الشيخ سعد ود احمد وحفظت القران وانا يافعة ابنة الخمسة اعوام ...
كنت من محبي والقايمين علي الجمعيات الادبية وطابور الصباح وبرنامجه واذاعة المدرسة والدورات المدرسية التي يجلجل فيها صوتي الابح وهو لايخشي لومة لائم ...مدفوع بحب غريزي وتوق فطري للغة العربية ....ودررها في الشعر والنثر ....
وبكل هذا التاريخ الحافل اتي ببنات (من بطني دي ) عجميات ولسانهن اعرج ...ومذكرهن مؤنث ومؤنثهن شيء لاعلاقة للغة العربية به ....والله انتابني حزن شديد واخسست بمدي تقصيري وعدم اهتمامي الكافي بالموضوع دا بالذات تاركة لمدرسة العربي في المدرسة السودانية هذا العبء ....لحظتها جاتني فكرة وقررت تنفيذها علي الفور وقد كانت انني لابد ان اغير شيء في طريقة حياة البنات ديل وشيء يجذبهم لهذة اللغة الاعجوبة وانتهزت اول فرصة لي ونحن في لندن ان ابحث عن كتاب الاحاجي السودانية بعد ان حفت رجليني بحثا عن ذلك الكتاب في مكتبة العالم العربي في باريس ...زرعت شارع ادجور روود ذهابا وايابا الي ان دلني احدهم علي احد الجخانين التي يحفل بها ذلك الشارع العجيب المكتوب كلو بالعربي في قلب عاصمة الضباب حتي تخال انك في احدي العواصم العربية وخاصة مع ريحة الشيشة وسندويشات الكباب والشاورما والضحكات واللسان العربي ...وصوت ميادة الحناوي والموسيقي الرحبانية التي تشنف الاذان تلون مساءات هذا الشارع ...ذهبت ووجدت بغيتي يرقد بامان في احدي الرفوف في مكتبة عتيقة فاخذته وانا امني نفسي باماني عذاب وانا فتياتي بعد ايام سيتحدثن العربية كاللبلب ويمكن ان ينظمن شعرا كمان ...وعلت وجهي ابتسامة وسالتني طل دا شنو يامامي ...قلت ليها خلاص تاني قصة ماقبل النوم ستكون بالعربي ومافي قصص بالانجليزي ...فنظرت لي بدهشة كان بي مس وقالت لي and so ..قلت ليها مافي سو حنتكلم عربي طلقة باذن الله عما قريب ...وعلاني زهو عجيب بفكرتي العظيمة وطوال الطريق الي البيت في القطار لم احرك عيني من الكتاب العزيز ورايت نفسي انا واخواتي اعتزاز وايناس نجري داخل الكتاب ونضحك كما تعودنا ان نفعل عندما كان العمر طري كعشب علي قارعة طريق ...وصلنا البيت وكلي لهفة لمجيء المساء ...لاحكي احدي القصص للبنات واشوف نتايج فكرتي تلكم العبقرية التي ماخطرت علي قلب بشر ...
وجاء المساء ....
ووضعت كلتاهما في سريرها ورقدت بالقرب من طيب واطفات النور الا من نور خافت جانب سريرها لاتمكن من القراءة ...لبست نضارتي وكلي حماسة واخدت بيبا في حضني وقلت ليهم حنبدا بفاطنة السمحة ( لانو انا بحبها ) طل شالت الكتاب وعاينت ليه من غير اهتمام وقالت لي كتاب اطفال ولا رسمه مافيهو
وانتبهت انا لكدة لاول مرة بس كابرت وقلت ليها عشان تنتبهو وتركزو في القصة يالا نبدا ...وقلت كدة وعزلت قصة فاطنة السمحة الغزت للغول الابرة في نص راسو وسلخت جلدو ...وانا ماعارفة ليه اخترت القصة دي بالذات ...يمكن عشان الغنية الفيها ...ويمكن عشان فاطنة كانت قادرة وقوية وكتلت الغول المهم دا كانت البداية ....وبديت احكي واندمجت وغنا شديد وكواريك وتمثيل لصوت فاطنة وصوت الغول وكنت مبسوطة بشكل ...بعد شوية طل قالت لي ياماما stop
اتخلعت وسالتها مالك قالت لي are you serious you want to tell us this story before going to sleep
قلت ليها اي بالحيل ...قالت لي ياماما
do you think this is suitable for kids espcially biba"s age
Look to Biba
ياماما وطبعا فجاءة انتبهت انو بيبا خاشة تحتي وبترجف من موضوع الزومبي الدخلو ليهو الابرة في نص راسو ولعت نور الاباجورة ولقيت بيبا عينيها مليانات دموع ...بس انا اصريت اسالها قلت ليها انت خفت .... بس المسكينة هزت راسها من غير ماتنضم ...قامت طل قالت لي
she can't sleep now but this is not the problem. ..the problem if she went to school and she is sleep deprived the teacher will ask her وبعد كدة ياماما ممكن يضربوا social service because this is child abuse
امممممك ....
في اللحظة دي بهت الذي مشي فتش الكتاب في دهاليز لندن ...واتوقفت طوالي ...وتماما ...وحسيت بالفرق البينا نحنا وجيلنا وتربية السودان وبين الاطفال الليلة .وسوشيال سيرفس وكيف اشرح انو دي قصصنا في السودان قصص الامسيات الحلوات وقصص ماقبل النوم يعني ..وحسيت انو كلام طل دا منطقي ...بس اللسي محيرني كيف نحنا كنا بنستمتع بالقصص دي ومابنخاف ....ولا نحنا ماكنا اطفال ...ولاشنو القصة يعني
وجاء في رلسي قول سيدنا علي كرم الله وجهه
لاتربوا ابناءكم كما رباكم اباؤكم فهم خلقوا لزمان غير زمانكم ....
زمان عجيب ..وغريب ....
طاطات راسي وانسحبت الي غرفتي بعد ان اعتذرت من فتياتي ورجعت لقصة انجليزية نامت معها طيب في الحال ..
الكتاب حاليا يقبع في راس الدولاب لمن يود الحصول عليه وحكمة ربنا الغلاف الببرة مرسوم عليه لوحة سيريالية كدة تديك احساس انو جني ولا ساحر المهم حاجة كدة مخيفة
نحنا اسطورة ومخيفين ودمويين وكنا اطفال معجزة والله

معتصم الطاهر · 31-01-2015, 11:14 AM

Ghada Abusin I have the same exact struggle! I am now in the bribing phase! it started by us going on vacation to Sudan in 2011 for a month, then we thought it is because me and their dad are the bad influence so we sent them in 2012 for 3 months alone to Sudan and guess what! they taught everybody else English! then I hired an Arabic teacher and Yassin would ask her the reasons for everything she is teaching him! so she quitted! then I thought I will just suck it up and teach them myself and it was an extreme struggle and my blood pressure would go of the roof! now my plan is bribing!

معتصم الطاهر · 31-01-2015, 11:17 AM

الله يا تماضر كلنا بنزف الدمع لما نحس انو اولادنا ما ح يعرفوا يقرأوا القران ويخشعو لجمال البلاغة والبيان فيهو... وكلمة سيدنا على رضى الله عنه قد تخفف عنا وعزاؤنا ان ربنا يرزق الهداية حتى للاعاجم.. ودائما ترن في اذني كلمة شيخنا العالم الجليل احمد ديدات............ your first language is the language you dream with and you swear with ..... so you have to admit that peepa's 1st

معتصم الطاهر · 31-01-2015, 11:18 AM

اقتباس:

حاولى ماعاوزة اخليك تياسى لكن عن نفسى صراحة احبطت بدرى واكتفيت انهم يكتبو باللغة الانجليزية خاصة وانهم مابيدرسوا التربية الاسلامية بالعربى فالحكاية صعبة جدا وشبه مستحيلة لنو اللغة هى الشئ الوحيد البتكتسب مهاراته من محيطك والحمدلله على نعمة بيعرفوا يكتبوا اسمائهم دا فى حد ذاته انجاز فى واقعنا الصعب

مداخلة صعبة

معتصم الطاهر · 31-01-2015, 11:22 AM

تماضر فى مداخلة

اقتباس:

مرة طل قالت لي كلام انا اول مرة انتبه ليه
جات من المدرسة العربي قالت لي ليه كل مايتكلمو عن الاسلام بتكلمو عن النار و punishment ليه ياماما مافي زول بتكلم عن praise وانو ربنا زي مابدخلك النار وبودي جنة .....instead of يقولو لينا ربنا حيزعل منك يقول ربنا حيفرح لما انت تعمل الشيء الكويس ودا ياماما بخلي الناس تكون more willing انها تتعلم الدين ...
وفعلا رجعت لقيت انو ذكر التحفيز والجنان اكثر من الايات الفيها العذاب والعقوبات ....
اثني ياميسون ومريم وانصاف انو طريقتنا زاتها غلط ...
بس مع جري الدنيا والساعات الواحد البقعدها في البيت نسوي شنو ولا نخلي شنو

فيصل سعد · 31-01-2015, 11:25 AM

سلامات يا باش يا هاش و أن شاء الله تكون
بلغت العافية و تمام الشفاء،، سؤالين لك :

انت هسة مدخل المستنير حبيبنا الباذخ في العنوان
ريدة و محبة، و لا عاوز تزيد جرعة تسويق البوست،
و تماضر الحسن اخت د. ناهد ولا تشابه اسماء؟؟

أرقد عافية..

معتصم الطاهر · 31-01-2015, 11:31 AM

ود الخير · 31-01-2015, 11:32 AM

يا سلااااام يا باشا الليلة انت جبت كلام عجيب !!

بعدين يا اخ ما تخليك في دائرة الاختصاص الخليج وكدا

http://sudanyat.org/vb/showthread.php?t=29071

ود الخير · 31-01-2015, 11:37 AM

اقتباس:

المشاركة الأصلية كتبت بواسطة فيصل سعد

انت هسة مدخل المستنير حبيبنا الباذخ في العنوان
..

سبب واحد مافي !!

تحياتي فيصل ،، عند الباشا النجيضة

معتصم الطاهر · 31-01-2015, 11:39 AM

اقتباس:

المشاركة الأصلية كتبت بواسطة فيصل سعد

سلامات يا باش يا هاش و أن شاء الله تكون
بلغت العافية و تمام الشفاء،، سؤالين لك :

انت هسة مدخل المستنير حبيبنا الباذخ في العنوان
ريدة و محبة، و لا عاوز تزيد جرعة تسويق البوست،
.

سلامات يا حبيب

بابكر عندو راى غريب و مرات واقعى عن التربية فى الغربة ..
عشان كدا كتبتو

بعدين عشان يفرّق

بعدين تسويق شنو ؟ بابكر اسهمو تنتمي و ترتبط بالأخرين حاليا
وانا ما برد على عديل الا بالهروب حتى لو ردّ

معتصم الطاهر · 31-01-2015, 11:40 AM

اقتباس:

المشاركة الأصلية كتبت بواسطة فيصل سعد

و تماضر الحسن اخت د. ناهد ولا تشابه اسماء؟؟

.

أخوات فى المهنة و السماحة و الذوق والكتابة

الباقى ما عارفو ..

فيصل سعد · 31-01-2015, 11:56 AM

اقتباس:

المشاركة الأصلية كتبت بواسطة معتصم الطاهر

أخوات فى المهنة و السماحة و الذوق والكتابة

الباقى ما عارفو ..

طيب ما تتحدى نفسك و تتفوق عليها
و تسجل ليهم عضوية في سودانيات
على الأقل تنفحنا بزمالة حميمة..

رأفت ميلاد · 31-01-2015, 08:14 PM

سلامات يا باش

ياخ العقدة دى والحمدلله طلعنا منها زمان .. الهجرات للعوالم التانية دى (أوربا وأمريكا وهلم جرا) ما عندها علاقة بالإغتراب عند العرب .. الإغتراب فيهو مساحة للرجعة كبيرة بالنسبة لنشأة الأطفال .. بيأثر على ذلك ضخامة الجالية وطريق العودة المفتوح على مصراعيه بالعطلات السنوية

هنا نحن بنكفى بـ minimum يعنى كان حاربت المجتمع فى حياة أولادك شوهتهم وجنيت عليهم .. أنا طلعت بالنتيجة بجلسة فى الإسكايب كانت مع الفاتح بندر شاه وسارة بت النيل .. رغم سارة فى عمر ممكن تكون بتنا فى لكن مخها يوزن بلد .. الحديث كان فى إنزعاجنا لفقدان أولادنا اللغة و(القيم) بتاعتنا .. القيم بين قوسين لأنو أكتشفت فداحة الكذبة بتاعتنا فى الكلمة دى

سارة قالت لينا (أنتو ليه عايزين أولادكم يتكلموا عربى ويعيشوا بطريقتكم .. أنتو سودانيين لكن هم لا .. هم إنتمائهم للمجتمع الإتعلموا ونشأوا فيه بالظبط زى ما جصل ليكم) .. الكلام ده دخل راسى وما طلع

أمبارح ولدى الحتالة 17 سنة قال لىّ مبسوط أنو أتعرف على عدد من العرب .. قلت ليهو الناس ديل ما زينا .. قال لىّ الأولاد ديل زيى وأتولدوا أو نشأوا هنا .. قلت ليهو أنا بقول العرب سيئيين .. بس دايرك تعرف حاجة مهمة (نحن بنتكلم عربى لكن ما عرب موش فى لونا بل فى نشأتنا وتكوينا أهم حاجة ما عندنا نقظة نقص أو إستعلاء على غيرنا)

معتصم الطاهر · 01-02-2015, 12:34 PM

اقتباس:

المشاركة الأصلية كتبت بواسطة ود الخير

يا سلااااام يا باشا الليلة انت جبت كلام عجيب !!

بعدين يا اخ ما تخليك في دائرة الاختصاص الخليج وكدا

http://sudanyat.org/vb/showthread.php?t=29071

اقتباس:

المشاركة الأصلية كتبت بواسطة معتصم الطاهر

كل النساء اللائى رجبنا بهن ..

غبن ..

شفت كيف!!!

31-01-2015, 11:07 AM	#[1]
معتصم الطاهر :: كــاتب نشــط::	أولاد تماضر و الحُـجا و بابكر عباس تماضر دى تماضر الحسن .. ما تماضر حمزة رغم الشبه الكتير فى الحاجات السمحة من "البنات" البعالجنك بالعلم والمعرفة و الوجه الحسن .. كتيت موضوع عن تجربتها .. بابكر عباس كتب قبل دا عن تربية الاطفال فى الغرب .. نشوف ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

31-01-2015, 11:09 AM	#[2]
معتصم الطاهر :: كــاتب نشــط::	كتبت تماضر الحسن قبل فترة ...كنت جالسه مع طل وطيب في اوضتهم .....وهن جالسات في ركن الاوضة يعبثن بالعاب واشياء كانت امامهن ....رفعت راسي من كتاب كنت اقراة ...صغيرتي طيب كانت غير راضية عن شيء فعلته اختها ....نظرة تنمر واضحة في وجهها ...وبلهجة انجليزية جوردية المخارج تماما كانت تؤنب اختها علي مافعلت ....قمت قلت ليها ياطيب ممكن تتكلمي عربي قالت لي ببساطة شديدة ....وبالانجليزي برضو: لا ماممكن عشان مابقدر اتشاكل بالعربي ورجعو للعبهم زاتو وهن لسه ( بتراطنن ) والله انتابني حزن عميق ...وجري شريط في ذاكرتي الموهنة المرهقة ....ليعرض امامي صور تكاد تنبض حياة من شدة اساي وحزني ...وانا اكاد اكون في عمر طيب في سنواتي الاولي بالمدرسة ...وكيف كانت والدتي تفخر باني احفظ قصيدة ابتاه ماذا قد يخط بناني والحبل والجلاد ينتظراني ...وهذا الكتاب الياك من زنزانة صخرية مقرورة الجدران ... كانت امي تفخر بذلك وتحب نطقي السليم علي صغر عمري وخاصة انا قد تتلمذت علي يد جدي الشيخ سعد ود احمد وحفظت القران وانا يافعة ابنة الخمسة اعوام ... كنت من محبي والقايمين علي الجمعيات الادبية وطابور الصباح وبرنامجه واذاعة المدرسة والدورات المدرسية التي يجلجل فيها صوتي الابح وهو لايخشي لومة لائم ...مدفوع بحب غريزي وتوق فطري للغة العربية ....ودررها في الشعر والنثر .... وبكل هذا التاريخ الحافل اتي ببنات (من بطني دي ) عجميات ولسانهن اعرج ...ومذكرهن مؤنث ومؤنثهن شيء لاعلاقة للغة العربية به ....والله انتابني حزن شديد واخسست بمدي تقصيري وعدم اهتمامي الكافي بالموضوع دا بالذات تاركة لمدرسة العربي في المدرسة السودانية هذا العبء ....لحظتها جاتني فكرة وقررت تنفيذها علي الفور وقد كانت انني لابد ان اغير شيء في طريقة حياة البنات ديل وشيء يجذبهم لهذة اللغة الاعجوبة وانتهزت اول فرصة لي ونحن في لندن ان ابحث عن كتاب الاحاجي السودانية بعد ان حفت رجليني بحثا عن ذلك الكتاب في مكتبة العالم العربي في باريس ...زرعت شارع ادجور روود ذهابا وايابا الي ان دلني احدهم علي احد الجخانين التي يحفل بها ذلك الشارع العجيب المكتوب كلو بالعربي في قلب عاصمة الضباب حتي تخال انك في احدي العواصم العربية وخاصة مع ريحة الشيشة وسندويشات الكباب والشاورما والضحكات واللسان العربي ...وصوت ميادة الحناوي والموسيقي الرحبانية التي تشنف الاذان تلون مساءات هذا الشارع ...ذهبت ووجدت بغيتي يرقد بامان في احدي الرفوف في مكتبة عتيقة فاخذته وانا امني نفسي باماني عذاب وانا فتياتي بعد ايام سيتحدثن العربية كاللبلب ويمكن ان ينظمن شعرا كمان ...وعلت وجهي ابتسامة وسالتني طل دا شنو يامامي ...قلت ليها خلاص تاني قصة ماقبل النوم ستكون بالعربي ومافي قصص بالانجليزي ...فنظرت لي بدهشة كان بي مس وقالت لي and so ..قلت ليها مافي سو حنتكلم عربي طلقة باذن الله عما قريب ...وعلاني زهو عجيب بفكرتي العظيمة وطوال الطريق الي البيت في القطار لم احرك عيني من الكتاب العزيز ورايت نفسي انا واخواتي اعتزاز وايناس نجري داخل الكتاب ونضحك كما تعودنا ان نفعل عندما كان العمر طري كعشب علي قارعة طريق ...وصلنا البيت وكلي لهفة لمجيء المساء ...لاحكي احدي القصص للبنات واشوف نتايج فكرتي تلكم العبقرية التي ماخطرت علي قلب بشر ... وجاء المساء .... ووضعت كلتاهما في سريرها ورقدت بالقرب من طيب واطفات النور الا من نور خافت جانب سريرها لاتمكن من القراءة ...لبست نضارتي وكلي حماسة واخدت بيبا في حضني وقلت ليهم حنبدا بفاطنة السمحة ( لانو انا بحبها ) طل شالت الكتاب وعاينت ليه من غير اهتمام وقالت لي كتاب اطفال ولا رسمه مافيهو وانتبهت انا لكدة لاول مرة بس كابرت وقلت ليها عشان تنتبهو وتركزو في القصة يالا نبدا ...وقلت كدة وعزلت قصة فاطنة السمحة الغزت للغول الابرة في نص راسو وسلخت جلدو ...وانا ماعارفة ليه اخترت القصة دي بالذات ...يمكن عشان الغنية الفيها ...ويمكن عشان فاطنة كانت قادرة وقوية وكتلت الغول المهم دا كانت البداية ....وبديت احكي واندمجت وغنا شديد وكواريك وتمثيل لصوت فاطنة وصوت الغول وكنت مبسوطة بشكل ...بعد شوية طل قالت لي ياماما stop اتخلعت وسالتها مالك قالت لي are you serious you want to tell us this story before going to sleep قلت ليها اي بالحيل ...قالت لي ياماما do you think this is suitable for kids espcially biba"s age Look to Biba ياماما وطبعا فجاءة انتبهت انو بيبا خاشة تحتي وبترجف من موضوع الزومبي الدخلو ليهو الابرة في نص راسو ولعت نور الاباجورة ولقيت بيبا عينيها مليانات دموع ...بس انا اصريت اسالها قلت ليها انت خفت .... بس المسكينة هزت راسها من غير ماتنضم ...قامت طل قالت لي she can't sleep now but this is not the problem. ..the problem if she went to school and she is sleep deprived the teacher will ask her وبعد كدة ياماما ممكن يضربوا social service because this is child abuse امممممك .... في اللحظة دي بهت الذي مشي فتش الكتاب في دهاليز لندن ...واتوقفت طوالي ...وتماما ...وحسيت بالفرق البينا نحنا وجيلنا وتربية السودان وبين الاطفال الليلة .وسوشيال سيرفس وكيف اشرح انو دي قصصنا في السودان قصص الامسيات الحلوات وقصص ماقبل النوم يعني ..وحسيت انو كلام طل دا منطقي ...بس اللسي محيرني كيف نحنا كنا بنستمتع بالقصص دي ومابنخاف ....ولا نحنا ماكنا اطفال ...ولاشنو القصة يعني وجاء في رلسي قول سيدنا علي كرم الله وجهه لاتربوا ابناءكم كما رباكم اباؤكم فهم خلقوا لزمان غير زمانكم .... زمان عجيب ..وغريب .... طاطات راسي وانسحبت الي غرفتي بعد ان اعتذرت من فتياتي ورجعت لقصة انجليزية نامت معها طيب في الحال .. الكتاب حاليا يقبع في راس الدولاب لمن يود الحصول عليه وحكمة ربنا الغلاف الببرة مرسوم عليه لوحة سيريالية كدة تديك احساس انو جني ولا ساحر المهم حاجة كدة مخيفة نحنا اسطورة ومخيفين ودمويين وكنا اطفال معجزة والله
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

31-01-2015, 11:14 AM	#[3]
معتصم الطاهر :: كــاتب نشــط::	Ghada Abusin I have the same exact struggle! I am now in the bribing phase! it started by us going on vacation to Sudan in 2011 for a month, then we thought it is because me and their dad are the bad influence so we sent them in 2012 for 3 months alone to Sudan and guess what! they taught everybody else English! then I hired an Arabic teacher and Yassin would ask her the reasons for everything she is teaching him! so she quitted! then I thought I will just suck it up and teach them myself and it was an extreme struggle and my blood pressure would go of the roof! now my plan is bribing!
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

31-01-2015, 11:17 AM	#[4]
معتصم الطاهر :: كــاتب نشــط::	الله يا تماضر كلنا بنزف الدمع لما نحس انو اولادنا ما ح يعرفوا يقرأوا القران ويخشعو لجمال البلاغة والبيان فيهو... وكلمة سيدنا على رضى الله عنه قد تخفف عنا وعزاؤنا ان ربنا يرزق الهداية حتى للاعاجم.. ودائما ترن في اذني كلمة شيخنا العالم الجليل احمد ديدات............ your first language is the language you dream with and you swear with ..... so you have to admit that peepa's 1st
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

31-01-2015, 11:25 AM	#[7]
فيصل سعد :: كــاتب نشــط::	سلامات يا باش يا هاش و أن شاء الله تكون بلغت العافية و تمام الشفاء،، سؤالين لك : انت هسة مدخل المستنير حبيبنا الباذخ في العنوان ريدة و محبة، و لا عاوز تزيد جرعة تسويق البوست، و تماضر الحسن اخت د. ناهد ولا تشابه اسماء؟؟ أرقد عافية..
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

31-01-2015, 11:31 AM	#[8]
معتصم الطاهر :: كــاتب نشــط::
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

31-01-2015, 11:32 AM	#[9]
ود الخير :: كــاتب نشــط::	يا سلااااام يا باشا الليلة انت جبت كلام عجيب !! بعدين يا اخ ما تخليك في دائرة الاختصاص الخليج وكدا http://sudanyat.org/vb/showthread.php?t=29071
ود الخير :: كــاتب نشــط::	التوقيع: Qui s'engage sur le chemin arrive من مشى على الدرب وصل.

31-01-2015, 08:14 PM	#[14]
رأفت ميلاد :: كــاتب نشــط::	سلامات يا باش ياخ العقدة دى والحمدلله طلعنا منها زمان .. الهجرات للعوالم التانية دى (أوربا وأمريكا وهلم جرا) ما عندها علاقة بالإغتراب عند العرب .. الإغتراب فيهو مساحة للرجعة كبيرة بالنسبة لنشأة الأطفال .. بيأثر على ذلك ضخامة الجالية وطريق العودة المفتوح على مصراعيه بالعطلات السنوية هنا نحن بنكفى بـ minimum يعنى كان حاربت المجتمع فى حياة أولادك شوهتهم وجنيت عليهم .. أنا طلعت بالنتيجة بجلسة فى الإسكايب كانت مع الفاتح بندر شاه وسارة بت النيل .. رغم سارة فى عمر ممكن تكون بتنا فى لكن مخها يوزن بلد .. الحديث كان فى إنزعاجنا لفقدان أولادنا اللغة و(القيم) بتاعتنا .. القيم بين قوسين لأنو أكتشفت فداحة الكذبة بتاعتنا فى الكلمة دى سارة قالت لينا (أنتو ليه عايزين أولادكم يتكلموا عربى ويعيشوا بطريقتكم .. أنتو سودانيين لكن هم لا .. هم إنتمائهم للمجتمع الإتعلموا ونشأوا فيه بالظبط زى ما جصل ليكم) .. الكلام ده دخل راسى وما طلع أمبارح ولدى الحتالة 17 سنة قال لىّ مبسوط أنو أتعرف على عدد من العرب .. قلت ليهو الناس ديل ما زينا .. قال لىّ الأولاد ديل زيى وأتولدوا أو نشأوا هنا .. قلت ليهو أنا بقول العرب سيئيين .. بس دايرك تعرف حاجة مهمة (نحن بنتكلم عربى لكن ما عرب موش فى لونا بل فى نشأتنا وتكوينا أهم حاجة ما عندنا نقظة نقص أو إستعلاء على غيرنا)
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد