اقتباس:
المشاركة الأصلية كتبت بواسطة Hassan Farah
----------------------------------------------------------
تعرف يا حافظ اصحابك (الوريات) ديل دروبنا تقاطعت معهم فى عدة مراحل....زملاء دراسة فى الاتحاد السوفيتى فى الستينات ثم فى عدن اثناء عملى فى الجامعة وكانت اعدادهم كبيرة ولهم احياء خاصة وهم رغم طيبتهم لكنهم شرسون وكما سماهم البعض The Irish of Africa لا يتحملون اهانة من احد ... خوفوا الصعاليك الروس وحتى ابو يمن يخشاهم ويتجنبهم..... فقط نحن السودانيين احباءهم واظن لا يوجد شعب فى الدنيا يضمر المحبة والمحنة للسودانيين كما الصوماليين...... فى الايام الاخيرة تكاثرت اعدادهم فى جمهورية فلندا المجاورة لنا حتى بلغ عدة آلاف.... هلسنكى تبعد عنا 80 كلم -ساعة ونصف بالفيرى....
مع ترددى الكثير على هلسنكى التقيتهم كثيرا سألتهم ما هو السبب الذى جعل الفلنديين يفتحون لكم باب الهجرة واسعا من دون بقية خلق الله فى العالم العاشر....اجابنى احدهم : السر فى الاسم ...Somalia وSuome...هو اسم فلندا باللغة الفلندية ....الفلنديون يعتقدون ان هناك علاقة نسب بينهم والصوماليين....
انت يا حافظ وريا دى معناها شنو....زول....صديق....
|
و عن حب الصوماليين القاتل انا أكتب يا عم حسن
الطيارة ما وقعت في المحيط و لكن نولت في ارض الله اليابسة
ما في صالة انتظار او مغادرة .... ناسك بلاقوك في باب الطيارة .... و ما شايلين اي ورق
تنزل كدا ينادوك حفيظ حفيظ
يستلموا جوازك و شنطة اللابتوب بكل محبة و جوطة
يلا مفروض تجري معاهم .... انا ما عارف الجري لزوموا شنو و الناس ديل لاحقين شنو؟
ما في اي صف و القوي ياكل الضعيف
كيت كيت بتدفع 50 دولار بتلقي روحك في الاراضي الصومالية
و جوازك مأشر
يلا الفندق أول و لا المنظمة
في النهاية بتفقوا عليك انك تمشي المنظمة تأخد شريحة الاتصال و بعديها الفندق ملحوق
و كل مرة و انت في العربية بسألولك كيف السودان؟
و كيف الاسلام؟
و كيف الكيف؟
يتبع
