فــســبــكــــة
عام نتمنى ان نرى فيه فجرا جديدا
بمعنى الكلمة
بعض خواطري في الفيسبوك
احببت ان اشرككم فيها
(1)
كان الوقت اواخر ليل
وشافع الفجر عنيد بيتاوق
ما بي يروق
وانت بتهمسي
يازول روق
وبينا حروف مليانة ضجيج
تنضح بالشوق
كيفن اهدا ؟!
ونحن بدينا ميلاد ريدنا
وكان الختم الزاهي
كلام بي فوق لي فوق
كانه بدينا نغالط عصب الحس
الفات الطوق
كيفن اهدأ !!
لما اتبلل توب الليل
بي كل ندى الاحساس المابي يروق
بين عاشق صب وحبيب معشوق
وانت تهامسي حنيني
مرات تبسمي
وكم من مرة تدسي القول
وانازي قمري بسوي القوق
وساقنا الليل
وسقنا قصيدا عامرنبضا ليه خفوق
واتقاودنا
خطوة رجع وخطوة تسوق
وفجأة هديت
لما هديتي وقلتي
خلي البينا ينور فوق
للعاشقين
والساهرين
والمالاقين كلمات الريد
وجوة قلوبهم عامر ريد
خلي حروفنا زي نجمات
في عز الليل
خلي غرامنا
مطرا هاتن
بين غيماته تضوي بروق
وبس
|
