الـــــسر الغميــــــــس !!! النور يوسف محمد
حكــاوى الغيـــاب الطويـــــل !!! طارق صديق كانديــك
من الســودان وما بين سودانيــات سودانييــن !!! elmhasi
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار الدكتور الشاعر محمد بادي اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 1 من 2 1 2 > أدوات الموضوع انواع عرض الموضوع 29-04-2013, 07:55 AM #[1] حافظ حسن مختار :: كــاتب جديـــد :: الدكتور الشاعر محمد بادي سلام يا احباب البوست ده لإبداء الإعجاب بالشاعر الدكتور إبن البلد الأصيل محمد ود بادي فهو نار على علم وباتأكيد معروف لدى الجميع.. وقد كرمته خلال الايام الماضية شركة زين للهاتف السيار مشكورة وقد أبدع في السهرة التي تم نقلها من قاعة الصداقة مباشرة .. إلا أننا وفي قمة النشوة والاستمتاع لمداخلته وقصائده فوجئنا كغيرنا بإنقطاع السهرة وحجب الصوت ... ودخول مقدم البرنامج ليعلن لنا عن انتهاء البرنامج!!! http://www.youtube.com/watch?v=WCtemtbECaM حافظ حسن مختار مشاهدة ملفه الشخصي إرسال رسالة خاصة إلى حافظ حسن مختار البحث عن المشاركات التي كتبها حافظ حسن مختار 29-04-2013, 09:07 AM #[2] جيجي :: كــاتب نشــط:: يالاسقيت حمامة قلبي موية السكر وين ماتروح تدور عشها وتتذكر -- يبكي عليك فوادا.. حس بكاه يبكي حبك فيه فرهد.. وشال ثماره متكي حبي انا ليك كتير.. فايت يقيني وشكي زائد في النصاب.. والليلة منو بزكي يالله ياخ الروح لمين تكون عسل لازم تنقط التوقيع: http://m.youtube.com/watch?v=uIbZxhLEUyE جيجي مشاهدة ملفه الشخصي إرسال رسالة خاصة إلى جيجي البحث عن المشاركات التي كتبها جيجي 29-04-2013, 09:17 AM #[3] جيجي :: كــاتب نشــط:: حافظ ياخ شكرا على هذا الجمال جملت صباحنا بالحيل اا جني اي والله ياخ الزول دا اجمل من يمشي على الارض عجبتني قصة برج الفاتح وودونا لغربنا نحن الشرق بخربنا ياخ انا الليلة مامارقة من البوست دا مقيلة هنا وحدروا طواقيكم ساي وسمح الخمج الفوق اسياده التوقيع: http://m.youtube.com/watch?v=uIbZxhLEUyE جيجي مشاهدة ملفه الشخصي إرسال رسالة خاصة إلى جيجي البحث عن المشاركات التي كتبها جيجي 29-04-2013, 09:46 AM #[4] جيجي :: كــاتب نشــط:: ات يا اسامة معاوية الشوايقة ديل مخلوقين من البركاوي ولا ايه التوقيع: http://m.youtube.com/watch?v=uIbZxhLEUyE جيجي مشاهدة ملفه الشخصي إرسال رسالة خاصة إلى جيجي البحث عن المشاركات التي كتبها جيجي 29-04-2013, 09:54 AM #[5] حافظ حسن مختار :: كــاتب جديـــد :: اقتباس: المشاركة الأصلية كتبت بواسطة جيجي يالاسقيت حمامة قلبي موية السكر وين ماتروح تدور عشها وتتذكر -- يبكي عليك فوادا.. حس بكاه يبكي حبك فيه فرهد.. وشال ثماره متكي حبي انا ليك كتير.. فايت يقيني وشكي زائد في النصاب.. والليلة منو بزكي يالله ياخ الروح لمين تكون عسل لازم تنقط اقتباس: المشاركة الأصلية كتبت بواسطة جيجي حافظ ياخ شكرا على هذا الجمال جملت صباحنا بالحيل اا جني اي والله ياخ الزول دا اجمل من يمشي على الارض عجبتني قصة برج الفاتح وودونا لغربنا نحن الشرق بخربنا ياخ انا الليلة مامارقة من البوست دا مقيلة هنا وحدروا طواقيكم ساي وسمح الخمج الفوق اسياده جيجي يا ذوق.. ود بادي بنقول الله يحفظو ... وبجيك راجع بمهلة. حافظ حسن مختار مشاهدة ملفه الشخصي إرسال رسالة خاصة إلى حافظ حسن مختار البحث عن المشاركات التي كتبها حافظ حسن مختار 29-04-2013, 10:07 AM #[6] ماريل :: كــاتب نشــط:: التحايا الشديدة اخ حافظ وانت تنبش بعض مواضع الجمال لتخرج الينا بهذا الرجل الفلتة الكلام عن الشاعر الجميل الدكتور ود بادى يحتاج مزاج موزون وبال مطامن حتى نعطى الرجل شئ من حقه.... بوست موفق جدا اتمنى ان يجد حظه من المتابعة ويخرج بنا من هذه الاجواء المشحونة المهم يا سيدى مشاركتى الاولى ستكون قصيدة ود بادى فى رثاء شاعرنا العظيم اسماعين حسن النص: ارمي الدمعة فوق الدمعتين ياعين بعد الليلة حابسها الدموع لي مين نزيف الدنيا من حد البلد غربي ونزيف الدنيا لاحد البلد شرقي وجوم عامة الليالي العامره كل الدنيا خاتة الخمسة فوق اتنين رحيلك وجعة يا سماعين رحيلك نجعة من دار الفرح والزين رحيلك طعنة في لهات الحبى دريفين رحيلك وقفة فوق درب العليك باكين فيها نهاية المشوار وحد الفرحة والامال وحد الفال وحد الزين ارمي الدمعة فوق الدمعتين ياعين ويعد الليلة حابسها الدموع لمين بعد نزلت سكاكين القدر مسنونة ديل فوق ديل وشربت من بكرينا المعتق حالتو ياالداسنو من السيل وياالمحزون وحرابنا متكلات قدامو فوق مشنكسات الخيل وياالداخرنو من زمن الحساب شفعنا رابطين الحجر بالتيل وفجاءة يجينا من طرف السماء مريسيل ينعب فوق كلنكاكول غراب هابيل ويبقي رحيل رحيل كل الغيوم الهامعة متواسرات رحيل كل الشهور العامرة بالخيرات رحيل الطينة من طرف الجزر يومات رحيل الخضرة قدام منجل الهدام جفاف وممات رحيل البادية فوق برقا وراء نجيمات رحيلك مو رحيل أفراد رحيل اجيال رحيل بلدا تمام وكمال يا العرشت فوق نخل السواقي الشال واتمددت فوق النيل من الشلال وللشلال وياالهاجرت فوق ريش الرهو رحال تظل مرسوم علي باب الليالي سؤال بعد عشعشت في خاطر الغبش موال واتبللت من الموية بين السعفة والبلال بعد عرقك برق في ترابنا حد ما شال واتمددت غادي وجاي يمين وشمال بعد الحال منو البقدر يجيب غربال يغربل روحك المدسوسة في الاجيال وفي نفس الدغش مبثوثة في الشتلة ونداها السال بعد الحال منو البقدر يطاول حرفك المعقود علي برقا حرير وهلال مسطر فوق رقاب البرد فوق الصخرة والتمثال بعد الحال رحيلك ياالمشرشر في مداخل الدنيا كالاوصال رحيلك هزه في العقدة ومجامع الروح كما الزلزال ارمي الدمعة فوق الدمعتين ياعين بعد اليلة حابساها الدموع لمين كتير من شاف ديارو العامرة هاجت فوق درب وداي كتير من عدا فوق درباً بلا يوادع بلا يناشد كبار القوم وياخد راي كتير ياعين كتير الغابوا ماحضروا وكتير الراحوا ما عادوا وكتير البمشوا منو جاي الا الناعي عمرو الناعي ما طاف البلاد من جم وتبكي طويرة الاحزان سنين وسنين مصيرة تساسق المسكينة بين الباسا والباساي ترفرف من سخاي لسخاي وتسال عن صدور مغسولة بالدوباي و تنزل فوق حلقات مجالس الشاي تقول الشيخ وفي الشاشاي تبل الريق من الدمع البيوشل من ارامل الحي وتشرق بالرحيح في الردحه و الووب احي وتمرق من محاري الناس تولول فيها جرس الصي وتصرخ فايقة ياجلابة اقيفوا لي وتسعل ضايقة ما شفتوه زولا لي تضيع فرخاتا في المجهول ويرحل من دريبا الضي آه آه ياطويرة الاحزان آه لو كان تعرفي البي جرحك انتي صاب الريش وجرحا لي مسافر في النسيج الحي دريبي بعيد وحزني فريد ومما رحل البلبل الغريد بسرح في عيون الناس بسـأل ولوسؤالي يفيد كيف الدنيا تصبح دنيا والصيد يبقي ياهوالصيد؟ مين يقدر ينضم عقود منقوشة ترقد في حزوز الجيد ومين يضفر كلام الريد كلو جميل مصيرو يجي ومصيرو يفوت بلاتخليد كتاب الكون يظل مقفول بلا خاتمة بلا تمهيد وحتي النيل مصيرو يكون مجرد موية شاقة البيد منو البيقدر يجيب ليكم خباراتو رقصة موجو في الشاطئ رواويسو , حكاياتو رقاد القمرة جنب النجمة فوق رملا مراياتو ولما تغيب ينوم النيل موشح بعباياتو وزي ما النيل يضيع في الدلتا يتلاشي ويموت مشلول انحنا كمان تفيض امالنا تضيع تنشره في ساحل المجهول وا اسفاي وا اســــــــــفاي وا اسفاي علي حرفاً شمخ في الطول وكيف الليلة في بطن التراب مسبول حرام تبلينا يا ايام حرام تملينا شوق وهيام اتارينا بنشيل من حرفك الجواني يا سماعين ونقعد في حواشي الحضرة وانت تكب علينا غمام وماعارفين حروفك نازفة من شريان من دم القليب الاصلو مابريان لما شربنا لما طربنا واتلفتنا ما لقيناك يا انسان وشفنا روحيتك الشفافة ركبت هودج الاحزان محمل فوق جناج ملكين ودربو علي مشارف الواحد الديان قوايمو شقايق النخل الوقع حزنان مضفور بي سعف يابس مفرش بي كباد اماتنا والحبان مزمل بي حبال صبرا فقدناهو زمان مضلل بالدموع شرقان ........ عجيب ياهودج الاحزان مواسم الهجرة ما حانت ولا زمن الرحيل قد حان نسافر ليك وزادنا الشربه من بحر الحزن والاهه والحرمان وداك اليوم كان وداع الهودج المتهادي كان جامع رجلات الحضر والريف طيور السافل المحزونة جات بي ليله تاركةجناها للريج والمطر والزيف وروح ترهاقه والعباسي وروح أبواتنا وريحة الماضي كلها جات ملوك شايق .. وقف شاويش منكس بي حرابو واقف بي قفاهو تابعو شايل سيف وبعد الليلة كل بنية تلبس فوق صديره اكليل يكون مزروع فيهو قلب الشهيد وانت شهيدنا يا سماعين يا الله .. يا الله .. يا الله بعد ما شلت اسماعين وفات معاهو باقي كلام وباقي حنين يالله بعد الفجعة نظل شاكرين نظل واقفين علي بابك معاي طلبين يكون عبود مع ود توم كذا شاهدين قدام قبر الولي سماعين نظل واقفين يوم الليلة والباكر الي ماشئت يالله الي يوم الفصل والدين وداك اليوم يكون يومنا ونقالد شيخنا سماعين وداك اليوم يكون يومنا ونقالد شيخنا إسماعين وداك اليوم يكون يومنا ونقالد شيخنا إسماعيل التوقيع: تبا للذى يملا كفيه بتبر وتراب...... يكشح التبر على حظوته..... والترابيات فى عين الوطن..... ماريل مشاهدة ملفه الشخصي إرسال رسالة خاصة إلى ماريل البحث عن المشاركات التي كتبها ماريل 29-04-2013, 10:26 AM #[7] ماريل :: كــاتب نشــط:: زمان شديد يا حافظ يمكن قبل اكتر من15 سنة لقيت ديوان لود بادى فيهو قصيدة مطلعا بقول: جنى امدرمان غباتو وجنو مو عارف الشوايقة اظنو الذرة والقمح زارعو والمرتق بنشرب منو السيف والدرق راكزنو للغارة الحصان ساعنو والاسد البحجر الغابة نافش شاربو شافعنا البيرضع دابو يقلع سنو جزء تانى من القصيدة بنتكلم عن بنات بلدو: حلات ايدن مع حبل الدلو الفى البير وسمحات هن بلا منكير المهم الديوان ده عمرى تانى ما شفتو وقدر ما فتشت ما لميت فيهو وما اظن يكون ود بادى واحد تانى غيرو الوقت داك انا فى اولى ثانوى اظن جاتنى رغبة اعمل قصيدة مجاراة لهذه القصيدة فكتبت نص مطلعه يقول: بحب وطنى وبريدو شديد ادوب فى ريدو اتمنالو خيرو يزيد بريدو شمالنا وبالتحديد ولاد شايق كِرام الايد بكان رجالا باسا شديد بكان رجالا ايدا حديد وعينم حمرا نارا تقيد وتحرق كل عدو ورعديد بنات شايق شبيهات صيد قوام فارع يميل ويكيد اليقصدنا واليجى عن ديارنا يصيد البندورو نديهو ويفوتنا سعيد والناباهو الا يتلتولو القيد ومن النيل شربنا الحكمة مجد تليد وشافعنا البيرضع داااااابو رايو سديد وِلِيد شايق ضكر صنديد يقيف فى الدارة والزغرودة حارة شديد تشوف السوط يفتق ضهرو بالتحديد يسيل دمو وجروحو تزيد هنوك محبوتو نارا تقيد وتغرورق عيونا دموع وتبدأ تفيض ولما يشوف دموعا وليد يخت الشالا فوق ضهرو ويفوت الدارة يمشى بعيد فشان عيونا عيون صيد وما بيحمل دموع وليد...... دى قصيدة قبل يتشكل وجدانى القومى بصورة ناضجة رغم انو القصيدة مافيها نعرة قبليةاو تعالى على باقى القوميات او تقليل شأن الاخرين لذلك ما قاعدة اخجل منها وبعتبر انها من بداياتى او من قصائد طفولتى المهم علاقتا بالبوست ده انو مجاراة لودبادى التعديل الأخير تم بواسطة ماريل ; 29-04-2013 الساعة 10:38 AM. التوقيع: تبا للذى يملا كفيه بتبر وتراب...... يكشح التبر على حظوته..... والترابيات فى عين الوطن..... ماريل مشاهدة ملفه الشخصي إرسال رسالة خاصة إلى ماريل البحث عن المشاركات التي كتبها ماريل 29-04-2013, 10:40 AM #[8] حافظ حسن مختار :: كــاتب جديـــد :: اقتباس: المشاركة الأصلية كتبت بواسطة ماريل التحايا الشديدة اخ حافظ وانت تنبش بعض مواضع الجمال لتخرج الينا بهذا الرجل الفلتة الكلام عن الشاعر الجميل الدكتور ود بادى يحتاج مزاج موزون وبال مطامن حتى نعطى الرجل شئ من حقه.... بوست موفق جدا اتمنى ان يجد حظه من المتابعة ويخرج بنا من هذه الاجواء المشحونة المهم يا سيدى مشاركتى الاولى ستكون قصيدة ود بادى فى رثاء شاعرنا العظيم اسماعين حسن تسلمي يا ماريل ما قصرتي... وشاركينا الاستماع http://www.youtube.com/watch?v=czukkGA210g حافظ حسن مختار مشاهدة ملفه الشخصي إرسال رسالة خاصة إلى حافظ حسن مختار البحث عن المشاركات التي كتبها حافظ حسن مختار 29-04-2013, 11:20 AM #[9] النور يوسف محمد :: كــاتب نشــط:: بسم الله الرحمن الرحيم يعجبنى الشاعر فى بادى ،، الشاعر الذى إنزوى وآثر تمانينات القرن الماضى ،، زين صارت تمثل عندى منصة للسقوط ،، مريبة هذه الشركة فى إختيار حراكاتها الثقافية ،، وغامضة فى تسمية من تحتفى بهم ،، حديثه بين القصائد حديث كهف ،، منهكاً ، منبتّاً ، كأنه آتٍ من زمن غابر ،، التحية له فى يوم عرسه ،، فقط الى من يزفونه !!!!!! النور يوسف محمد مشاهدة ملفه الشخصي إرسال رسالة خاصة إلى النور يوسف محمد البحث عن المشاركات التي كتبها النور يوسف محمد 29-04-2013, 01:19 PM #[10] سارة :: كــاتب نشــط:: حافظ يا جميل لك ولبادى ولضيوفك كل المحبة بادى رجل يستحق الاحتفاء به ساعود كما اتفقنا مودتى التى تعلم التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا سارة مشاهدة ملفه الشخصي إرسال رسالة خاصة إلى سارة البحث عن المشاركات التي كتبها سارة 29-04-2013, 03:40 PM #[11] نبراس السيد الدمرداش :: كــاتب نشــط:: سلام يا حافظ شكرا على البوست الفخم وصحي سمح الخمج الفوق اسيادو التوقيع: اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام نبراس السيد الدمرداش مشاهدة ملفه الشخصي إرسال رسالة خاصة إلى نبراس السيد الدمرداش البحث عن المشاركات التي كتبها نبراس السيد الدمرداش 29-04-2013, 03:40 PM #[12] معتصم الطاهر :: كــاتب نشــط:: اقتباس: المشاركة الأصلية كتبت بواسطة النور يوسف محمد اقتباس: بسم الله الرحمن الرحيم يعجبنى الشاعر فى بادى ،، الشاعر الذى إنزوى وآثر تمانينات القرن الماضى ،، زين صارت تمثل عندى منصة للسقوط ،، مريبة هذه الشركة فى إختيار حراكاتها الثقافية ،، وغامضة فى تسمية من تحتفى بهم ،، حديثه بين القصائد حديث كهف ،، منهكاً ، منبتّاً ، كأنه آتٍ من زمن غابر ،، التحية له فى يوم عرسه ،، فقط الى من يزفونه !!!!!! و عليك السلام النور زين ( الثقافية) يديرها أناس يحبون الثقافة و يستغلون ذلك لصالح زين و الحركة الثقافية. نعرف ود بادى ..جدا .. لم ينزوى .. ففى غربته كان يكتب لكنه رجع و لا أريد أن أقول ( من كهف).. فقط ليس بطعم ود بادى. التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 29-04-2013, 09:31 PM #[13] حافظ حسن مختار :: كــاتب جديـــد :: اقتباس: المشاركة الأصلية كتبت بواسطة ماريل زمان شديد يا حافظ يمكن قبل اكتر من15 سنة لقيت ديوان لود بادى فيهو قصيدة مطلعا بقول: جنى امدرمان غباتو وجنو مو عارف الشوايقة اظنو الذرة والقمح زارعو والمرتق بنشرب منو السيف والدرق راكزنو للغارة الحصان ساعنو والاسد البحجر الغابة نافش شاربو شافعنا البيرضع دابو يقلع سنو جزء تانى من القصيدة بنتكلم عن بنات بلدو: حلات ايدن مع حبل الدلو الفى البير وسمحات هن بلا منكير المهم الديوان ده عمرى تانى ما شفتو وقدر ما فتشت ما لميت فيهو وما اظن يكون ود بادى واحد تانى غيرو الوقت داك انا فى اولى ثانوى اظن جاتنى رغبة اعمل قصيدة مجاراة لهذه القصيدة فكتبت نص مطلعه يقول: بحب وطنى وبريدو شديد ادوب فى ريدو اتمنالو خيرو يزيد بريدو شمالنا وبالتحديد ولاد شايق كِرام الايد بكان رجالا باسا شديد بكان رجالا ايدا حديد وعينم حمرا نارا تقيد وتحرق كل عدو ورعديد بنات شايق شبيهات صيد قوام فارع يميل ويكيد اليقصدنا واليجى عن ديارنا يصيد البندورو نديهو ويفوتنا سعيد والناباهو الا يتلتولو القيد ومن النيل شربنا الحكمة مجد تليد وشافعنا البيرضع داااااابو رايو سديد وِلِيد شايق ضكر صنديد يقيف فى الدارة والزغرودة حارة شديد تشوف السوط يفتق ضهرو بالتحديد يسيل دمو وجروحو تزيد هنوك محبوتو نارا تقيد وتغرورق عيونا دموع وتبدأ تفيض ولما يشوف دموعا وليد يخت الشالا فوق ضهرو ويفوت الدارة يمشى بعيد فشان عيونا عيون صيد وما بيحمل دموع وليد...... دى قصيدة قبل يتشكل وجدانى القومى بصورة ناضجة رغم انو القصيدة مافيها نعرة قبليةاو تعالى على باقى القوميات او تقليل شأن الاخرين لذلك ما قاعدة اخجل منها وبعتبر انها من بداياتى او من قصائد طفولتى المهم علاقتا بالبوست ده انو مجاراة لودبادى ماريل اتاريك ماك ساهلة ماشاء الله عليك... يلا انداحي لينا ... وطلعي المغتغت.. ويسلم ود بادي حافظ حسن مختار مشاهدة ملفه الشخصي إرسال رسالة خاصة إلى حافظ حسن مختار البحث عن المشاركات التي كتبها حافظ حسن مختار 29-04-2013, 10:38 PM #[14] أمير الأمين :: كــاتب نشــط:: ثلاثة شعراء اذكرهم على منصات الشعر فى الجامعة ود القدال ودبادى ومعز بخيت معز بخيت لم يخرج ابداً من جلباب "غزل فى إمرأة" حتى بعد مرور الكثير من السنين وبافتراض تراكم التجربة الشعرية التى تضيف/تصقل/تجود التجربة فى عمومياتها إلا اننى اجده يقف حتى الان فى محطته الاولى تلك. ود بادى رغم اشعار الحلمنتيش الجميلة التى ادهشنا بها يبقى هوس اعجابه بالشاعر الكبير ود حد الزين وغربته خصماً على شاعريته ومعرفة الناس به. ود القدال الوحيد الثابت/المتغير تطورا فى تجربته الشعرية اضافة وفتحا لمنافذ جديدة اخرى. أمير الأمين مشاهدة ملفه الشخصي إرسال رسالة خاصة إلى أمير الأمين البحث عن المشاركات التي كتبها أمير الأمين 30-04-2013, 10:55 AM #[15] حافظ حسن مختار :: كــاتب جديـــد :: اقتباس: المشاركة الأصلية كتبت بواسطة النور يوسف محمد بسم الله الرحمن الرحيم يعجبنى الشاعر فى بادى ،، الشاعر الذى إنزوى وآثر تمانينات القرن الماضى ،، زين صارت تمثل عندى منصة للسقوط ،، مريبة هذه الشركة فى إختيار حراكاتها الثقافية ،، وغامضة فى تسمية من تحتفى بهم ،، حديثه بين القصائد حديث كهف ،، منهكاً ، منبتّاً ، كأنه آتٍ من زمن غابر ،، التحية له فى يوم عرسه ،، فقط الى من يزفونه !!!!!! اخي النور لك التحية دي وجهة نظرك طبعا...لكن دعنا ننظر لود بادي كشاعر الهب مشاعر الكثيرين من ابناء الشعب السوداني. حافظ حسن مختار مشاهدة ملفه الشخصي إرسال رسالة خاصة إلى حافظ حسن مختار البحث عن المشاركات التي كتبها حافظ حسن مختار صفحة 1 من 2 1 2 > تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 03:39 AM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2024, vBulletin Solutions, Inc.