مشتاقة لي اهلي الحنان

[عزو الحاج]

قدر ما اوصف واعبر عن شوقي ليكم ما بقدر وحقيقي منعني منكم الشديد القوي وبهدي ليكم جميعا الكلمات دي

سالين عليك كل العباد الجوانا منك والمشوا يوماتي سيرتك احلي زاد لي زول غيابك اوحشو يتنسم الاخبار عليك ما السيرة ساكت تنعشو

[عادل عسوم]

مرحب حباااابك عزو
نِعُمَ العَوْدُ انه أحمدُ

سالين عليك كل العباد الجوانا منك والمشوا
يوماتي سيرتك احلي زاد لي زول غيابك اوحشو
يتنسم الاخبار عليك ما السيرة ساكت تنعشو

ما أجمل الكلمات!
كل المودة

[عزو الحاج]

عادل يا راقي ازيك كيف اخبارك ليكم كميه من الأشواق والتحايا

[نبراس السيد الدمرداش]

مرحب حبابك
واليوم السعيد الليله جابك

مشتاقين يا بت

[عزو الحاج]

ازيك يا نبراس والله انا السعيدة انا رجعت اكتب من تاني في بيتي ومع اهلي البحبهم والله الفترة الفاتت كميه من الأحداث السيئة والحلوة وكلها في راسي مسؤولية البيت بس الحمدلله وكنت مفتقداكم بشده

[زول الله]

مرحب بيك عزو في دارك
وحمدا لله على السلامة





اقول قولي هذا واستغفر الله لي.................

[عزو الحاج]

اهلين زول الله مشتاقين كيف اخبارك والله يسلمك وتسلم

[بابكر مخير]

لو قلتي ليا "يا راقي"
بسحب مداخلتي طوااااااالي


كيفيك يا المليح زيك
شوف بالله تجمعنا أرض طيبة وتفرقنا ظروف جاحدة
ليك شوق أكتر مما تصوري


بالله عليك لو لا التقاليد والمحن
كان ختيت أيقونة الفي شمال البوكس الفوق ديك
بس خايف كلام عوزآل

[عزو الحاج]

اهلين بي حبيبنا وتاج رأسنا انا فعلا ما حاقول ليك يا راقي عارف ليه لانك أعلي من الرقي نفسه والله اكتر زول نفسي اشوفه ليك وحشه وشوق بحجم احترامي وتقديري ليك وانت تقول العايزو وتعمل العايزو ولا يهمك من كلام العوازل انت عارف انا ما بشتغل بي كلام الناس انت المهم