طــــرد الفنان جمال فرفور من صلاة الجمعة

[زول الله]

هل نحن في دولة تصبغ الفنانين بدمغة الفسق والفجور ؟؟؟
هل رأسمال ذلك الإمام وعلمه هو أن يطرد الفنان من الصف الأول لأنه في حسبانه فاسد؟؟
أين ذلك من تقريب ناقة أو بقرة أو حتى بيضة لمن يأتي مبكراً سابقاً لآخرين في صلاة الجمعة؟؟؟
هل صلاة الجمعة حكراً على الملتحين وأصحاب الجباهـ المصبوغة بالسواد ؟؟؟
أدهشني جداً:
موقف إمام المسجد الذي طرد فرفور من الصف الأمامي لصلاة الجمعة بحجة أنه من الفاسقين.
وأحزنني جداً:
موقف الفنان جمال فرفور الذي رضخ لرغبة ذلك الإمام وتراجع الى الصف الخلفي.






اقول قولي هذا واستغفر الله لي.............

[ام التيمان]

المشاركة الأصلية كتبت بواسطة زول الله

هل نحن في دولة تصبغ الفنانين بدمغة الفسق والفجور ؟؟؟
هل رأسمال ذلك الإمام وعلمه هو أن يطرد الفنان من الصف الأول لأنه في حسبانه فاسد؟؟
أين ذلك من تقريب ناقة أو بقرة أو حتى بيضة لمن يأتي مبكراً سابقاً لآخرين في صلاة الجمعة؟؟؟
هل صلاة الجمعة حكراً على الملتحين وأصحاب الجباهـ المصبوغة بالسواد ؟؟؟
أدهشني جداً:
موقف إمام المسجد الذي طرد فرفور من الصف الأمامي لصلاة الجمعة بحجة أنه من الفاسقين.
وأحزنني جداً:
موقف الفنان جمال فرفور الذي رضخ لرغبة ذلك الإمام وتراجع الى الصف الخلفي.






اقول قولي هذا واستغفر الله لي.............

هذا الامام الفاسق المنافق
وضع كتابه وراء ظهره

[نبيل عبد الرحيم]

زول الله
المشكلة إنهم يحرمون الغناء والرقيص رغم إن رئيسهم لا يترك مناسبة وإلا رقص.
وأتفق معك إن موقف الفنان فرفور أحزنك لأنه من وجهة نظرى فيه إهانة للفن عموما

[ود الخير]

المشاركة الأصلية كتبت بواسطة نبيل عبد الرحيم

زول الله
المشكلة إنهم يحرمون الغناء والرقيص رغم إن رئيسهم لا يترك مناسبة وإلا رقص.
وأتفق معك إن موقف الفنان فرفور أحزنك لأنه من وجهة نظرى فيه إهانة للفن عموما

البشير بيعرض ما بيرقص!

[نبراس السيد الدمرداش]

المشاركة الأصلية كتبت بواسطة ود الخير

البشير بيعرض ما بيرقص!

صبحكم الله بالخير
اسي يا خالد الكلام دا كلو مافي شيء وجعك غير رقيص/عرض البشير

ونعم الامام و الهادي
هو منو عشان يحدد فلان فاسق او فاجر
حكم عليهو كيف؟عشان بيغني؟؟
ياخي موش يمكن فرفور دا عند ربنا احسن منو هو نفسو
الناس دي بتدخل في علم ربنا و في ضماير الناس
خلو ما بين العباد ومابين رب العباد

[ود الخير]

المشاركة الأصلية كتبت بواسطة نبراس السيد الدمرداش

صبحكم الله بالخير
اسي يا خالد الكلام دا كلو مافي شيء وجعك غير رقيص/عرض البشير

ونعم الامام و الهادي
هو منو عشان يحدد فلان فاسق او فاجر
حكم عليهو كيف؟عشان بيغني؟؟
ياخي موش يمكن فرفور دا عند ربنا احسن منو هو نفسو
الناس دي بتدخل في علم ربنا و في ضماير الناس
خلو ما بين العباد ومابين رب العباد

أهلاً نبراس وصباح الخير

البزعل يا نبراس إنو أصبحت موضه، الواحد يختم
ليك كلامو برقيص البشير والموضوع يكون ما عندو
أيه علاقة بالبشير
فمداخلتي ردة فعل طبيعيه. لانو فرفور معروف عنه وأعلن
رسمياً وتغنى للمؤتمر الوطني، يبقى الحدث دا ما عندو أيه
علاقة بالبشير وزي دي بالآلافزز
عليك الله مش حاجه تزعّل؟؟؟

[ود الخير]

انتبهت الأحزاب السياسية لأهمية إشراك عناصر الوسط
الفني بالسودان في الترشيحات لخوضها إعتماداً على الجماهيرية
والشعبية الكبيرة التي تتمتع بها قبيلة الفنانين وبعد الأنباء التي وردت
عن انسلاخ المطرب الجماهيري (محمود عبد العزيز ) من الحركة الشعبية
علمت المصادر بان صراعاً حزبياً كبيراً يدور هذه الايام بين تحالف
قوي الشعب العاملة (المايويين) وحزب المؤتمر الوطني –
الحزب الحاكم بالسودان- بعد محاولاتهم الجادة ترشيح الفنان الجماهيري
جمال مصطفى (فرفور) لعضوية المجالس التشريعية عن قطاع الخرطوم
بحري اذ حاول الحزب الأول إستمالته لقبول الترشيح إعتماداً على
(مايوية) والده فيما تدخل المؤتمر الوطني بقوة في الأمر تاركاً الباب
مفتوحاً على مصراعيه لـ(فرفور) لقبول مهمة الترشيح . الا ان الفنان
الشاب كان قد حسم موقفه السياسي حينما أعلن في حديثه لصحيفة فنون
مساندته للمؤتمر الوطني ، واكد دعمه له في الإنتخابات المقبلة .


منقول

[نبيل عبد الرحيم]

أهلاً نبراس وصباح الخير

البزعل يا نبراس إنو أصبحت موضه، الواحد يختم
ليك كلامو برقيص البشير والموضوع يكون ما عندو
أيه علاقة بالبشير
فمداخلتي ردة فعل طبيعيه. لانو فرفور معروف عنه وأعلن
رسمياً وتغنى للمؤتمر الوطني، يبقى الحدث دا ما عندو أيه
علاقة بالبشير وزي دي بالآلافزز
عليك الله مش حاجه تزعّل؟؟؟

أنت زعلان ليه ناسكم يحرمون الفن والرقيص ورئيسك بيرقص فى أى مناسبة
تحب أنزل لك فيدوهات ؟
أنا أرى أن الموضوع له صلة بالموضوع وليس أنت من يحدد
وأنا طرحت تسأل كيف المهوسين يحرمون الفن ويقفون أعراس لمجرد أن هناك رقيص وأختلاط وفى نفس الوقت رئيسهم يرقص ؟
هل الرقيص عيب ولا حرام ياأخ .
حلوه بيعرض تشبيه جديد
__________________

[طارق صديق كانديك]

المشاركة الأصلية كتبت بواسطة ود الخير

فيما تدخل المؤتمر الوطني بقوة في الأمر تاركاً الباب
مفتوحاً على مصراعيه لـ(فرفور) لقبول مهمة الترشيح . الا ان الفنان
الشاب كان قد حسم موقفه السياسي حينما أعلن في حديثه لصحيفة فنون
مساندته للمؤتمر الوطني ، واكد دعمه له في الإنتخابات المقبلة .

منقول

بخيت وسعيد عليكم ياود الخير

[عبدو منصور]

الموضوع /
طرد الفنان جمال فرفور من الصف الاول الى الصف الثانى !!!
يعنى هو ( جوة الصلاة )
والامام الناهى والأمر هوالذى قرر ( تخفيض هذة الدرجات )
من الناحية الدينية صلاة جمال مقبولة ولة أجر درجات الصف الثانى
المفروض !!! جمال يقاتل من أجل الصف الاول
حتى يترك الامام ( يكورك)
يابولييييييييييييييييس !!!

[ناصر يوسف]

المشاركة الأصلية كتبت بواسطة زول الله

أدهشني جداً:
موقف إمام المسجد الذي طرد فرفور من الصف الأمامي لصلاة الجمعة بحجة أنه من الفاسقين.
وأحزنني جداً:
موقف الفنان جمال فرفور الذي رضخ لرغبة ذلك الإمام وتراجع الى الصف الخلفي.


اقول قولي هذا واستغفر الله لي.............

لووووووووووووووول
عجبني للمارقوت ،،،
قلت لي تراجع للصف الخلفي
هو ظاااااااتو ما خلفي ياخ
والله وبرغم إني ضد الفعل القبيح بتاع الإمام المتخلف ده
عِلا إني مبسوووط منو
ديني أنا ياخ أداهُ ليك في حنانو ظاتو ياخ تاخ ترااااااااااخ

[بدر الطائف]

الغربية انه فرفور ده قالو كان وكيل نيابه ومحامى.
بعدين يا امام السجم انت يعنى الناس البيصلوا ورى ديل كلهم فاسقين ولا شنو.

[جيجي]

المشاركة الأصلية كتبت بواسطة بدر الطائف

الغربية انه فرفور ده قالو كان وكيل نيابه ومحامى.
بعدين يا امام السجم انت يعنى الناس البيصلوا ورى ديل كلهم فاسقين ولا شنو.

مش يمكن فاسق عشان انضم للمؤتمر الوطني
ياخ خليه يطردوا

[نبراس السيد الدمرداش]

المشاركة الأصلية كتبت بواسطة ود الخير

أهلاً نبراس وصباح الخير

البزعل يا نبراس إنو أصبحت موضه، الواحد يختم
ليك كلامو برقيص البشير والموضوع يكون ما عندو
أيه علاقة بالبشير
فمداخلتي ردة فعل طبيعيه. لانو فرفور معروف عنه وأعلن
رسمياً وتغنى للمؤتمر الوطني، يبقى الحدث دا ما عندو أيه
علاقة بالبشير وزي دي بالآلافزز
عليك الله مش حاجه تزعّل؟؟؟

صباحك عافيه
والله عن نفسي لا زعلتني لا شيء
الزعلني عرضتك برا دارة الموضوع الاساسي واقول ليك علاقة البشير شنو
البشير رب البيت ولما يعرض بيكون نتاج انفعالو مع الغناء ايا كان نوعو
اهن الغناء دا بيغنوهو ناس فرفور الرجعو الامام للصفوف الخلفيه
يعني فرفور موالي رجعوهو الصفوف الخلفيه ووصف بالفسوق
ناس قريعتي راحت يطردوهم من المسجد ولا كيف
ياخي دي صلاه والصلاه صله بين العباد وربنا
موش صله بين منتمي المؤتمر الوطني وربنا
عشان نتكلم عن الانتماءات


انت الصفوف الخلفيه دي مشكلتها شنو مافيها اجر صلاة الجماعه ولا المصليين مالهم
ياخي دا بقى امام كيف اساء للامامه والمسجد والمصلين وللاسلام ذات نفسو

[احمد زين]

بعيدا عن انو فرفور مؤتمر وطني ولا فنان ولا غيرو

المعروف انو الصف الامامي في الصلاة دايما يكون فيه الناس العلمين بامور الدين ويحفظون قدر من القرآن يمكنهم من اصلاح الامام اذا اخطأ
بس الامام ده القال ليهو انت اعلم من فرفور منو
او القال ليهو انو فرفور ما بعرف في امور الدين زي الناس التانيين منو

ده امام جاهل بس لا يستحق ان يقيف في الصف الاول ناهيك عن انو يصلي بالناس

بالامس قريت راي مجموعة من اامة المساجد في الصحف اليومية وكلهم غلطوا الامام الجاهل ده بس الغريب انو ناس الشئون الدينية سادين دي بي طينة والتانية بي طينة برضو