اقتباس:
المشاركة الأصلية كتبت بواسطة أمين محمد سليمان
و عليكم السلام و رحمة الله و بركاته يا أشرف و خالد .
اسمحو لي أرد عليكم سوا لتشابه الفكرة
الاشكاليه الانا شايفها هنا ... ياها قصة ( الرصانة في النقاش ) ... غير كدا أنا شايف الناس تكسب زمنها و to move on !!
البوست أصلا ما كان عن سرقات عسوم.... لانو أنا ما جبت غير حاجة حاجتين ...عينات فقط لبيان سبب من أسباب سخريتي من هذا الرجل !!
و عادل عسوم بالتأكيد ما هو الزول الوحيد البكذب... و يسرق... و يدلس... و يكابر... في سماء الاسافير السودانية ... لكنو بالتأكيد الزول الوحيد البكذب... و يسرق... و يدلس... و يكابر ثم لا يجد في نفسه حرجا إنو يتراذل على الناس بل و يقل أدبو عليهم ...و من ثم يمشي في الارض مرحا كانو ما عمل أي حاجة !!
عشان كدا مسألة مطالبة عادل باعتذار دي حيرتني جدا منكم ... عادل لو كان بشر طبيعي ...ما كان وصلنا هنا ذاتو ...و لا كان في بوست اتفتح ... و لا كان في كلام اتقال أصلا !!
و متحير جدا من كلامك يا خالد عن مصداقية عسوم الفي المحك دي !!
ياخي الجيلي ليه سنينا عددا - تبع المؤامرة الشيوعية للنيل من عسوم - بجيب ليه سرقتو لمقال محمد زغيبة ... عسوم ما سأل فيه و لا إشتغل بيه الشغلة ...فما الجديد الان ؟!!
بعدين الزول ده ما غبيان من كلامكم ده ...لكن ما عندو رد يردو ... انتو دايرنو يعمل شنو يعني ؟!!
و الحقيقة إنو جاء و رد لبكة بكوبي بيست من واحد من بوستاتو ...و قال ليه لو عرفت منو الاشاد بالبوست ده بتقوم تقيف على حيلك ... تماما زي الزول القالو ليه سرقت البتاعة دي ليه ...قال ليهم المريخ مرشوش اتنين !!!
عشان كدا أنا شايف إنو الناس تكسب زمنها و تحاول تطلع بال moral of ما حدث ... و كل زول و قرايتو !!
ياخي في ناس هنا ...في البوست ده ذاتو ... قالو ليك ما شايفين أي سرقة أدبية و لا تدليس ...و إنو المسألة مؤامرة شيوعية للنيل من عسوم ...و إنو ده ترصد قد يؤدي لموت التواصل و المحبة في سودانيات ...ياخي في ناس كانت دايره تحرد المنتدى من شدة ما البوست ده كعب !!
عشان كدا زي ما قلت ليكم حقو ناخد ال moral و نمشي لقدام... لكن قصة إنتظار عسوم يعتذر دي أحسن منها نرجى المريخ يتأهل بكرة !!
|
ـ
دا رأيي أنا يا سيد أمين .. وما زلت عليه !
ما عدا الحتة بتاعت الشيوعيين دي فللحق أنا في الفترة الاخيرة أعدت تعريفي لمجموعة لوبي أمال
وغيرت وصفها من الشيوعيين الى وصف آخر ..
قلت أنها ما سرقات لأنو الرجل ماخدينه بمقاييس لا تتناسب على الاطلاق مع ما يكتبه بكل ما فيه ..
كتابات عادل عسوم زيها زي أي كتابة اسفيرية هنا ، لكن رُفِعت ليها المعايير بالشكل المجحف دا
فقط لتغطية السبب الحقيقي لمداقرته وملاواته ..
وهو الخلافات القديمة بكل ما فيها من قبح ..
ما نقوله هنا يا سيد أمين لم يكن أبداً دفاعاً عن عادل عسوم
وكان جيت للحق أنا أبداً ما مدحت كتاباته ، ولا حتى قريت أكتر من سطرين تلاتة في أغلب ما يكتب ..
اللهم الا مواضيع الخلافات المعتادة ..
وفي بقية ما يكتبه أراه متكلف في لغته بشدة لذلك لا أجد في نفسي دافع لقراءتها ..
ميله لاستخدام أسلوب كتابة متقعر يقف حاجز بيني وبين ما يرد فيها ..
لذلك لم أعترض على مهاجمته من بوابة السرقة الادبية الا لأني أرى أنها تستخدم كساتر لتغطية فعل غير حميد
وقد ( قد ) يؤثر على نهج الكتابة في سودانيات ..
وفرقت بين نهضتك للتصدي لهشام آدم وثمنتها لأني أرى أنها كانت في موضعها الصحيح ..
فهشام آدم طرح نفسه في الاسفير وفي الواقع ككاتب وأديب ومؤلف وصاحب نهج الحادي مجاهر ..
دا التصدي ليه فرض عين ..
اما تطبيق نفس المبدأ مع عادل عسوم وما هو الا كاتب منحصر في كم موضع اسفيري لأسباب خاصة
ومحاولة خمّنا كمتابعين بإقناعنا بأن تطبيق نفس المبدأ لأن ما ينقله هو سرقات اسفيرية ..
فللحق دا هو أبو الاستغفال والاستحمار وأمه كمان ..
ما قلناه أن امال والجيلي تحجرا في خلافهما مع عسوم في حقبة زمنية ماضية ما زالا يتمترسان فيها
وينقلا منها قبائح ما عاد لها معنى ولا تفيد بل تؤثر سلباً ..
وما قلناه أن هذا النهج سيئ مع أنهم حاولوا تبريره بشتى السبل ..
كوزنة عادل ..
سقوط عادل ..
سرقات عادل ..
وما الى ذلك .. الهدف واضح وهو اغتيال عادل عسوم اسفيرياً تصفية لخلاف قديم ..
مع أن كتاباته ( والقارئ لا يحتاج الى وصاية وهو حصيف يا سيد امين )
قد تناول مصداقيتها بمنتهى الرقي د.زين والاستاذ حسين بالاسئلة التي لا يجد لها عسوم إجابات أو إجاباته عليها غير مقنعة ..
المؤدى الطبيعي كان أن القارئ استناداً على السؤال والاجابة أو الهروب من الاجابة قد كوّن رأيه فيما كتبه عادل عسوم ..
يبقى السخرية والكلام الما عنده معنى اللاحق دا كله ما في داعي ليه
وما حيفضي الا الى مزيد من الشحن والتباغض ..
دا كلامي كان .. وما زال على ما هو عليه
ـ