أولاد الإشلاق

[علاءالدين عبدالله الاحمر]

طبعا ذكرتني قشلاق القسم الجنوبي امدرمان غرب حي أبوكدوك حاضرة امدرمان جنوب
أيام فعلنا فيها مايمليه صبانا انذاك لكن للأمانة كنا مجرمين جدا ، فقد كنا نصطو علي مخازن السلاح في قسم جنوب الضواحي ونسرق علب البارود والبلي اللذي يستعمل كطلقات لنوع من البنادق استعملت في أيام محمد احمد المهدي . كنا نخرج جماعة وبحكم اننا أبناء عساكر كان تسكعنا في أروقة القسم لا يقابله اعتراض لأنا كنا نؤدي أعمال جيدة من تشزيب الاشجار إلي تنظيف المسجد وسقاية المزروعات والشتول ، كنا عصابات أربعة داخل القشلاق ، أولاد الطاش وهم غالبيتهم أبناء اللواء الطاش وهم يحتلون الجذوء الشمالي من الاشلاق يعاونهم أبناء قفيلة وبعض الأشخاص ، يليهم حلة القش وهولاء قبيلة النوبة وهم كثيرين عمل أبائهم في كواجينا وواو وبحر الغزال بجنوب السودان وعندما عادوا للشمال اسكنوهم في هذا القشلاق مع بعضهم ، ثم نحن شياطين الاشلاق كما يطلق علينا وفي الشرق حلة يور ثم حلة التوتونية واللتي خرج منها لاعب الخرطوم ٣ وليد بشارة ولاعب أهلي عطبرة السابق طارق بشارة ، كانت الحرب طوال الصيف بين إبناء القشلاق يستعمل فيها السياط والنبلة ولكن بحكم اننا شياطين القشلاق فقد طورنا اسلحتنا لنتمكن من سد فرق الأجسام بيننا نحن صغيرو الحجم والأخرين العمالقة فكنا ننتشر داخل قسم الشرطة عند الثانية ظهرا في تناسق يمكن كل فرد من رؤية الاخر ولنا اشاراتنا الخاصة وراندوك خاص يدخل اثنان لداخل السلاحليك ويقومان باجتزاب الحديث مع المخزنجي وعادتا يكون صول ويذهب المختار منا حبوا إلي داخل المخزن ويقوم باخز علب البارود ويصعد إلي المنور المطل علي خلفية الحراسات ويرمي بها إلي واحد اخر ينتظر فرصة خلو الجو ويحمل العلب ويقذفها إلي خارج أسوار القسم حيث ينتظر اخرين يسرعون بها نحو مبني مجمع جوازات امدرمان حيث يجلس الزعيم وهو أكبرنا سنا وقدمه اليمني معاقة بسبب حقنة وهو يتولي الباقي ، صنعنا بندقية نحشوها بأرود وحصي صغير أول من جربنا فيه تلك البندقية هرب إلي بيتهم ولم يعد يلعب أو يجلس معنا إلي ان تفرقنا بسبب الرحيل عن السكنات هذه ، كنا بحق شياطين القشلاق لما امتذنا به من ذكاء يحير أهالينا ، وكان الاباء جميعا واحد هم جميعا يتولون تربية وتأديب أبناء بعضهم دون ان يعترض احدهم أو يتبرم بل إذا حدث وعرف الوالد انك ضربت من أحد الجيران يقوم بضربك مرة أخري فيستحسن عدم معرفة أحد ممن في البيت من الكبار بشيء ، كنا إذا القينا القبض علي ولد من خارج حلتنا نقوم بربطه عاريا إلي عمود النور ونجرب فيه اسلحتنا الجديدة

[عبدالحفيظ]

المشاركة الأصلية كتبت بواسطة علاءالدين عبدالله الاحمر

طبعا ذكرتني قشلاق القسم الجنوبي امدرمان غرب حي أبوكدوك حاضرة امدرمان جنوب
أيام فعلنا فيها مايمليه صبانا انذاك لكن للأمانة كنا مجرمين جدا ، فقد كنا نصطو علي مخازن السلاح في قسم جنوب الضواحي ونسرق علب البارود والبلي اللذي يستعمل كطلقات لنوع من البنادق استعملت في أيام محمد احمد المهدي . كنا نخرج جماعة وبحكم اننا أبناء عساكر كان تسكعنا في أروقة القسم لا يقابله اعتراض لأنا كنا نؤدي أعمال جيدة من تشزيب الاشجار إلي تنظيف المسجد وسقاية المزروعات والشتول ، كنا عصابات أربعة داخل القشلاق ، أولاد الطاش وهم غالبيتهم أبناء اللواء الطاش وهم يحتلون الجذوء الشمالي من الاشلاق يعاونهم أبناء قفيلة وبعض الأشخاص ، يليهم حلة القش وهولاء قبيلة النوبة وهم كثيرين عمل أبائهم في كواجينا وواو وبحر الغزال بجنوب السودان وعندما عادوا للشمال اسكنوهم في هذا القشلاق مع بعضهم ، ثم نحن شياطين الاشلاق كما يطلق علينا وفي الشرق حلة يور ثم حلة التوتونية واللتي خرج منها لاعب الخرطوم ٣ وليد بشارة ولاعب أهلي عطبرة السابق طارق بشارة ، كانت الحرب طوال الصيف بين إبناء القشلاق يستعمل فيها السياط والنبلة ولكن بحكم اننا شياطين القشلاق فقد طورنا اسلحتنا لنتمكن من سد فرق الأجسام بيننا نحن صغيرو الحجم والأخرين العمالقة فكنا ننتشر داخل قسم الشرطة عند الثانية ظهرا في تناسق يمكن كل فرد من رؤية الاخر ولنا اشاراتنا الخاصة وراندوك خاص يدخل اثنان لداخل السلاحليك ويقومان باجتزاب الحديث مع المخزنجي وعادتا يكون صول ويذهب المختار منا حبوا إلي داخل المخزن ويقوم باخز علب البارود ويصعد إلي المنور المطل علي خلفية الحراسات ويرمي بها إلي واحد اخر ينتظر فرصة خلو الجو ويحمل العلب ويقذفها إلي خارج أسوار القسم حيث ينتظر اخرين يسرعون بها نحو مبني مجمع جوازات امدرمان حيث يجلس الزعيم وهو أكبرنا سنا وقدمه اليمني معاقة بسبب حقنة وهو يتولي الباقي ، صنعنا بندقية نحشوها بأرود وحصي صغير أول من جربنا فيه تلك البندقية هرب إلي بيتهم ولم يعد يلعب أو يجلس معنا إلي ان تفرقنا بسبب الرحيل عن السكنات هذه ، كنا بحق شياطين القشلاق لما امتذنا به من ذكاء يحير أهالينا ، وكان الاباء جميعا واحد هم جميعا يتولون تربية وتأديب أبناء بعضهم دون ان يعترض احدهم أو يتبرم بل إذا حدث وعرف الوالد انك ضربت من أحد الجيران يقوم بضربك مرة أخري فيستحسن عدم معرفة أحد ممن في البيت من الكبار بشيء ، كنا إذا القينا القبض علي ولد من خارج حلتنا نقوم بربطه عاريا إلي عمود النور ونجرب فيه اسلحتنا الجديدة

علاء الدين سلام
اتخيلت انك واحد من اولاد اشلاق غرب لان قصتك بالكربون من نوع القصص والحكايات البتحصل دائما في اي اشلاق ، وبحكم وقوع اشلاق غرب في منطقة راقية ودا ياهو السبب الخلت ناس الحكومة دي يقبلوا عليها عايزين يبيعوها لانهم بيفتكروا مفروض العساكر ما يكونو قاعدين في المناطق الاستراتيجية البتجيب ليهم القروش دي ، واولاد الاشلاق دائما كنا بنطلع مجموعات زي كلامك بس نحن في غرب كانت اهتمامتنا غير بنمشي غابة الخرطوم وبنلقى عربات السكة حديد مقرشة هناك وفيها خشب مقطع بعناية الظاهر عليها مهوقني وبنقوم نسرق الخشب دا وبنجيبو البيت وامهاتنا بيدونا عليها بقشيش لانهم بيستعملوها للمطبخ ، وبرضو كان في واحد رئيس عصابة مشهور في الخرطوم اسمه مصطفى الكضمي كان بيضرب الشباب بدون سبب مرة ربنا رماه في شر أعماله ضرب ولد من اولاد الاشلاق ، العصابة اتحركت عليه وبخطط محكمة جدا ولقنوه درسا ومن اليوم داك لو لقى واحد في الحاج يوسف كان بيسأله يقول ليه انت من اولاد الاشلاق قبلما يمارس هوايته وأخيرا وقع اتفاقية صداقة غير معلنة مع اولاد كل الاشلاقات في الخرطوم

[عبدالحفيظ]

المشاركة الأصلية كتبت بواسطة خالد غالي

سلامات يا انبابتود

متابعة وبنجادعك مرة مرة

مرحبتين يا غالي ، في الانتظار عشان تحمس الطار

[هشام ديدي]

المشاركة الأصلية كتبت بواسطة Anbabtode

كنت تلميذ في مدرسة الخرطوم غرب واحد جنب سينما الخرطوم غرب طبعا غرب اتنين في شارع علي عبداللطيف جنوب السفارة الامريكية سابقا ، من الصباح بقوم باخد 25 قرش وبمشي كداري سوق الخضار ( الزنك ) واشتري لحمة ربع كيلو والخضار وابرشم لي قرش وارجع الباقي مع اللحمة والخضار والسلطة وبعد دا اقوم امش المدرسة برضو كداري ، ودا برنامج ثابت يوميا وطبعا انا بالنسبة لي كان برنامج مربح قرش في اليوم باكل بيه ساندوتش قدر الضربة ولما انتقلت للخرطوم الاميرية الوسطى مع اولاد الذوات (وانا دخلت المدرسة دي بي ضراعي كنت الثامن على مستوى الخرطوم ولو ما كده ما كان عندي طريقة فيها ، وبعد دا كله كانو عايزين يطفشوني المدارس الصناعية قالو انت طويل ، دي حكاية تانية كمان بحكيها ليكم ) القرش دا كان بيجيب البسبوسة لما طلعت جديدة من مرطبات الخرطوم جنب المدرسة

انت صاحب كلوده والانسان..تحياتي

[عبدالحفيظ]

المشاركة الأصلية كتبت بواسطة هشام ديدي

انت صاحب كلوده والانسان..تحياتي

لا والله

[عبدالحفيظ]

من مشاهير اولاد الاشلاق الغربي،الموسيقار الاستاذ يوسف الموصلي .
وطبعا معظم أبناء العساكر متشربين بي دم العسكرية لذلك معظم ابناء الاشلاق انخرطوا في العسكرية وتلقاهم ضباط شرطة وسجون وجيش ، وكذلك من الإرث المهم جدا في الاشلاق اذا الأب وصل سن المعاش كان يضحي بالابن الكبير يدخل الشرطة عشان يحافظ على البيت الحكومي ، او اذا توفى الاب فيتم تعيين ابنه في الشرطة لتستمر الاسرة في البيت ويربي الولد اخوانه الصغار ، طبعا الآن بيتمنو الزول يموت عشان يفضوا البيوت ويبيعوه ..

[مواهب عبد العزيز نقد الله]

المشاركة الأصلية كتبت بواسطة Anbabtode

(وانا دخلت المدرسة دي بي ضراعي كنت الثامن على مستوى الخرطوم ولو ما كده ما كان عندي طريقة فيها ، وبعد دا كله كانو عايزين يطفشوني المدارس الصناعية قالو انت طويل ، دي حكاية تانية كمان بحكيها ليكم )

أنبابتود : يا ملهم الحرف المعانى .........
كالعادة تضمخ الأجواء بطيب شذاك وعلمك حيثما حللت ....


البوست ضاج بالذكريات والتفاصيل الحبيبة وتوثيقى بدرجة ممتاز فلك الشكر أجزله ....
* ولسه راجيين الحكاية

[عبدالحفيظ]

المشاركة الأصلية كتبت بواسطة مواهب عبد العزيز نقد الله

أنبابتود : يا ملهم الحرف المعانى .........
كالعادة تضمخ الأجواء بطيب شذاك وعلمك حيثما حللت ....


البوست ضاج بالذكريات والتفاصيل الحبيبة وتوثيقى بدرجة ممتاز فلك الشكر أجزله ....
* ولسه راجيين الحكاية

مشكورة استاذة مواهب على الكلام الحلو والمجاملة الرقيقة ، الحكاية يا مواهب بدت يوم معاينة التلاميذ للقبول بالمرحلة الوسطى وانا وولى أمري طبعا كنا في غاية السعادة لان قبولي بالخرطوم الاميرية اصبح قاب قوسين او ادنى ، لاني زول ما فاتوني في كل مدارس مديرية الخرطوم غير 7 اولاد يمكن يكون فيهم بنات كمان ، وانا اخوي الكبير ولي امري جينا ودخلت على لجنة القبول في المدرسة وقررت اللجنة تحويلي للقبول بالمدارس الصناعية لاني صحتى كويسة وطويل ويمكن قايلني عائد 5 سنة ، سبحان الله انا لا ولد قاضي ولا ولد دكتور مشهور ولا ولد وزير ولا راعوا للنبوغ الاكاديمي بتاعي وطبعا الخرطوم الاميرية كانت قبلة اولاد كبار موظفي الدولة مع انها كانت جميلة ومستحيلة ، وكانت مشكلتي انا ما عندي شهادة ميلاد ، ورفض أخي تحويلي للصناعية وقال ليهم انتقلوا للخطوة التالية وهو عرضي للقمسيون الطبي ليحدد عمري بالضبط ، وتم تكليف احد الاداريين لاصطحابي ومعي خمسة تلاميذ لمقابلة القمسيون الطبي وفعلا دخلنا وقابلنا اللجنة وتم فحصنا فحصا دقيقا وسألونا اسئلة منكر ونكير ووصلوا لدرجة انهم فحصوا منطقة العانة لعلهم يجدون آثار عنف على الشعر ووجدوا المكان سالما وسليما وبدون اي تدخل اجنبي، وسلموني شهادة تسنين ادق من شهادة الميلاد الاصلية توضخ ان عمري لم يتجاوز الحادي عشرة من السنين ومنذ ذلك العام احتفل كل يوم 1 يناير بعيد ميلادي ، ورغم انف ناس اللجنة قبلت بالخرطوم الاميرية وكمان في السنة الاولى تم تعييني الفة الفصل واصبحت امارس سلطاتي بتاعت اولاد الاشلاق.. بس في درس مهم جدا هنا لازم نستفيد منه ان ناس اللجنة كان ليهم الحق وولي امري كان ليه الحق والفيصل كان المرجع الذي تم اخنياره من قبل اللجنة وولي الامر وهذا دلاله على ان كل شي يتم وفق القانون واللوائح والاجراءات السليمة .. حليل الخدمة المدنية بتاعت زمان ..

دي الحكاية يا مواهب ما بتستحق تكتبي فيها قصيدة والا رواية والا حتى ترجمة هههههه

[نغم]

المشاركة الأصلية كتبت بواسطة Anbabtode

مشكورة استاذة مواهب على الكلام الحلو والمجاملة الرقيقة ، الحكاية يا مواهب بدت يوم معاينة التلاميذ للقبول بالمرحلة الوسطى وانا وولى أمري طبعا كنا في غاية السعادة لان قبولي بالخرطوم الاميرية اصبح قاب قوسين او ادنى ، لاني زول ما فاتوني في كل مدارس مديرية الخرطوم غير 7 اولاد يمكن يكون فيهم بنات كمان ، وانا اخوي الكبير ولي امري جينا ودخلت على لجنة القبول في المدرسة وقررت اللجنة تحويلي للقبول بالمدارس الصناعية لاني صحتى كويسة وطويل ويمكن قايلني عائد 5 سنة ، سبحان الله انا لا ولد قاضي ولا ولد دكتور مشهور ولا ولد وزير ولا راعوا للنبوغ الاكاديمي بتاعي وطبعا الخرطوم الاميرية كانت قبلة اولاد كبار موظفي الدولة مع انها كانت جميلة ومستحيلة ، وكانت مشكلتي انا ما عندي شهادة ميلاد ، ورفض أخي تحويلي للصناعية وقال ليهم انتقلوا للخطوة التالية وهو عرضي للقمسيون الطبي ليحدد عمري بالضبط ، وتم تكليف احد الاداريين لاصطحابي ومعي خمسة تلاميذ لمقابلة القمسيون الطبي وفعلا دخلنا وقابلنا اللجنة وتم فحصنا فحصا دقيقا وسألونا اسئلة منكر ونكير ووصلوا لدرجة انهم فحصوا منطقة العانة لعلهم يجدون آثار عنف على الشعر ووجدوا المكان سالما وسليما وبدون اي تدخل اجنبي، وسلموني شهادة تسنين ادق من شهادة الميلاد الاصلية توضخ ان عمري لم يتجاوز الحادي عشرة من السنين ومنذ ذلك العام احتفل كل يوم 1 يناير بعيد ميلادي ، ورغم انف ناس اللجنة قبلت بالخرطوم الاميرية وكمان في السنة الاولى تم تعييني الفة الفصل واصبحت امارس سلطاتي بتاعت اولاد الاشلاق.. بس في درس مهم جدا هنا لازم نستفيد منه ان ناس اللجنة كان ليهم الحق وولي امري كان ليه الحق والفيصل كان المرجع الذي تم اخنياره من قبل اللجنة وولي الامر وهذا دلاله على ان كل شي يتم وفق القانون واللوائح والاجراءات السليمة .. حليل الخدمة المدنية بتاعت زمان ..

دي الحكاية يا مواهب ما بتستحق تكتبي فيها قصيدة والا رواية والا حتى ترجمة هههههه

ابناتود التحية ليك والله قاعدة اقيف كتير فى السرد و الحكى للممارسات البتقع على الاطفال و فيها من العنف و الاضهاد الكثير يعنى هسى اللجنة دى مرطشه ول حقاره عديل كده لامن تمارس الفعل البشع ده وهو لولا رفض اخيك اكان حرمت من التعليم رغم انف نبوغك و شهادتك غايتو لو كنا صحى بنتمسك بى حقوقنا كويس و نقيف للظلم فى وشو القبيح اكان الحال مو حالنا اسى

وفى الاصل دوما الادبيات هى البتسلط على افعالنا الوحشه المجهر و تطلعا زى ماهى من غير تنميق ومط ولولوة دى طبعا ما اشادة لانو كلماتى ماقدر السرد الهنا المضمخ بى قيمنا الانسانيه مع التركيز على السوالب
وخلينى كدى بى طلب صغنونى ان تواصل فى النقل الحى وانفض الجراب مرات

وبسعد صباحك
مع مودتى

[عبدالحفيظ]

المشاركة الأصلية كتبت بواسطة نغم

ابناتود التحية ليك والله قاعدة اقيف كتير فى السرد و الحكى للممارسات البتقع على الاطفال و فيها من العنف و الاضهاد الكثير يعنى هسى اللجنة دى مرطشه ول حقاره عديل كده لامن تمارس الفعل البشع ده وهو لولا رفض اخيك اكان حرمت من التعليم رغم انف نبوغك و شهادتك غايتو لو كنا صحى بنتمسك بى حقوقنا كويس و نقيف للظلم فى وشو القبيح اكان الحال مو حالنا اسى

وفى الاصل دوما الادبيات هى البتسلط على افعالنا الوحشه المجهر و تطلعا زى ماهى من غير تنميق ومط ولولوة دى طبعا ما اشادة لانو كلماتى ماقدر السرد الهنا المضمخ بى قيمنا الانسانيه مع التركيز على السوالب
وخلينى كدى بى طلب صغنونى ان تواصل فى النقل الحى وانفض الجراب مرات

وبسعد صباحك
مع مودتى

مرحبتين حبابك نغم واسمك لو حركي والا حقيقي حلو
وفعلا يا نغم احيانا بتعترض طريق الاطفال مطبات ما عندهم فيها يد ، تخيلي كيف كانت المعايير للاختيار للمدارس الصناعية يعني القدرة العقلية والنبوغ ورغبة الطالب المتفوق ما عندها قيمة عند الناس ديل .. على اي حال انتصر لي أخي وكان فرصة طيبة ان اجلس بجوار ابناء الذوات والفقراء ومحدودى الدخل مما اتاح لي فرصة التعامل مع مختلف الفئات ، وحفزني ذلك لاواصل الدراسة الاكاديمية حتى تخرجت في جامعة الخرطوم والحمدلله على كل حال ، واصبح ذلك جزءا من التاريخ ... وشكرا ليك على المداخلة القيمة التي تذكرنا دائما ان نحافظ على حقوق الاطفال المهضومة. و كان على نفض الجراب هين لكن بيحتاج لمساعدة القراء لتحفيز المخيخ على ان يتذكر ويسترجع ما مضى
وجمعة مباركة

[ZEIN ABDALLA]

سوق الزنك بالخرطوم