أولاد الإشلاق

[عبدالحفيظ]

المشاركة الأصلية كتبت بواسطة ZEIN ABDALLA

غردون ما كتلناهو، لكن شفنا صالة غردون الموسيقية(GMH) كانت
بشارع الحرية بالقرب من جامع فاروق....... كان فيها فرق موسيقية
وراقصات اوروبيات وعشان تتأكد اسأل رأفت ميلاد

صالة غردون طبعا كانت من المعالم الرئيسية للخرطوم بالليل ومقهى اتني بالسوق الافرنجي وسوق الخضار الذي تحول الى برج الواحة بقدرة قادر ، ومشروب الشعير البارد والليمون في صينية الامم المتحدة ومطعم الاخلاص وبار كيشو من معالم شارع البلدية

[أمير الأمين]

المشاركة الأصلية كتبت بواسطة Anbabtode

صالة غردون طبعا كانت من المعالم الرئيسية للخرطوم بالليل ومقهى اتني بالسوق الافرنجي وسوق الخضار الذي تحول الى برج الواحة بقدرة قادر ، ومشروب الشعير البارد والليمون في صينية الامم المتحدة ومطعم الاخلاص وبار كيشو من معالم شارع البلدية

يعنى ننتظر لينا سماية و لا شنو ؟


تحياتى

[عبدالحفيظ]

المشاركة الأصلية كتبت بواسطة أمير الأمين

يعنى ننتظر لينا سماية و لا شنو ؟


تحياتى

يا أمير شايفك حمرت ( بار كيشو ) ، كيشو طبعا كان علم من أعلام الرياضة في السبعينات القرن الماضي وكان قطب كبير في نادي الهلال ، وكان زول طزيان وكان البار يقع قبل تقاطع شارع الحرية مع شارع البلدية ب حوالي 20 متر يفتح جنوبا وكان من أشهر معالم شارع البلدية وافتكر الآن موقعه تحول لبنك جوبا وجزء من محلات سلا للحلويات ..

[ZEIN ABDALLA]

المشاركة الأصلية كتبت بواسطة أمير الأمين

يعنى ننتظر لينا سماية و لا شنو ؟


تحياتى

كيشو هو قطب فريق الهلال واسمه محمد كمال راشد وكان لديه فندق كيشو ويقع عند تقاطع شارع البلدية مع شارع الحرية فى الركن الشمالى الغربى وكنا نذهب فى المغرب لمشاهدة جكسا على الطبيعة وبعض لاعبى الهلال وهم فى قعدة ونسة مع كيشو. ما متأكد من قصة البار، لكن اظن
ان حلويات(سلا) بتاعة ناس عبدالرحمن سلاوى اخذت مكان البار.
يا امير حلويات وباسطة وبسبوسه والمؤمن حلوى ومافى سماية جديدة

[عبدالحفيظ]

المشاركة الأصلية كتبت بواسطة ZEIN ABDALLA

كيشو هو قطب فريق الهلال واسمه محمد كمال راشد وكان لديه فندق كيشو ويقع عند تقاطع شارع البلدية مع شارع الحرية فى الركن الشمالى الغربى وكنا نذهب فى المغرب لمشاهدة جكسا على الطبيعة وبعض لاعبى الهلال وهم فى قعدة ونسة مع كيشو. ما متأكد من قصة البار، لكن اظن
ان حلويات(سلا) بتاعة ناس عبدالرحمن سلاوى اخذت مكان البار.
يا امير حلويات وباسطة وبسبوسه والمؤمن حلوى ومافى سماية جديدة

صحيح يا زين بس افتكر الاسم مصطفى كمال راشد وبرضو فندق الامباسادور في شارع الحرية تبعه

[أمير الأمين]

المشاركة الأصلية كتبت بواسطة ZEIN ABDALLA

كيشو هو قطب فريق الهلال واسمه محمد كمال راشد وكان لديه فندق كيشو ويقع عند تقاطع شارع البلدية مع شارع الحرية فى الركن الشمالى الغربى وكنا نذهب فى المغرب لمشاهدة جكسا على الطبيعة وبعض لاعبى الهلال وهم فى قعدة ونسة مع كيشو. ما متأكد من قصة البار، لكن اظن
ان حلويات(سلا) بتاعة ناس عبدالرحمن سلاوى اخذت مكان البار.
يا امير حلويات وباسطة وبسبوسه والمؤمن حلوى ومافى سماية جديدة

كنا طمعانين فى الخروف
بس برضو حلويات سلا مكسب

[أمير الأمين]

اظن منطقة الخرطوم غرب كانت تشمل بيوت
كبار موظفى الدولة ابان عهد الاستعمار
حكى لى احد الاقرباء الذين كان يعمل والده
سكرتيرا للمفتش العام عن منزله الكائن فى تلك
المنطقة .. هذا الموظف اسمه عبدالله وقيع الله
والد الفنان الخطاط عثمان وقيع الله عليهم الرحمة
كان مشهورا بانضباطه الشديد حتى بعد نزوله الى المعاش
وتحول الى رفاعة للسكن...اكله فى مواعيد محددة ..ذهابه الى
السوق .. حتى عند زياته الاسرية كان يطرق الباب ثلاث مرات فقط
بعدها "يخر" راجعاً...

[عبدالحفيظ]

المشاركة الأصلية كتبت بواسطة أمير الأمين

اظن منطقة الخرطوم غرب كانت تشمل بيوت
كبار موظفى الدولة ابان عهد الاستعمار
حكى لى احد الاقرباء الذين كان يعمل والده
سكرتيرا للمفتش العام عن منزله الكائن فى تلك
المنطقة .. هذا الموظف اسمه عبدالله وقيع الله
والد الفنان الخطاط عثمان وقيع الله عليهم الرحمة
كان مشهورا بانضباطه الشديد حتى بعد نزوله الى المعاش
وتحول الى رفاعة للسكن...اكله فى مواعيد محددة ..ذهابه الى
السوق .. حتى عند زياته الاسرية كان يطرق الباب ثلاث مرات فقط
بعدها "يخر" راجعاً...

فعلا الخرطوم غرب كان مقسم ، غرب شارع على عبداللطيف كان فيها البيوت الحكومية وبيوت الاشلاق وشرطة ورئاسة السجون والمدارس المصرية وجامعة القاهرة والمعهد الفني ( جامعة السودان حاليا ) ودار الرياض وسينما غرب والمدرسة الابتدائية 1 وشرطة المرور وحديقة الحيوانات والادارة المركزية للكهرباء وفندق الخرطوم والقراند اوتيل ، اما بين شارع الحرية وعلى عبداللطيف كان معظم سكانها من الاقباط وبيوت الصحة وبين شارع الحرية وشارع القصر سوق الخضار والسفارة المصرية والبنوك وميدان الامم المتحدة وميدان ابوجنزير والوزارات وكليات الطب والصيدلة وكمان ابو صليب ...

[عبدالمنعم الطيب حسن]

المشاركة الأصلية كتبت بواسطة Anbabtode

ومطعم الاخلاص

مطلع التمانينات جدا ،كنا نجيب الطماطم من واوسي ، ونبيعا في سوق الخرطوم ، وكنا ناكل عدس وكبدة في الفطور في مطعم الاخلاص ،
واكان ما اخاف الكضب اقول في الحتة دي في كافتيريا اسمها
( على خفيف ) ...

[عبدالحفيظ]

المشاركة الأصلية كتبت بواسطة عبدالمنعم الطيب حسن

مطلع التمانينات جدا ،كنا نجيب الطماطم من واوسي ، ونبيعا في سوق الخرطوم ، وكنا ناكل عدس وكبدة في الفطور في مطعم الاخلاص ،
واكان ما اخاف الكضب اقول في الحتة دي في كافتيريا اسمها
( على خفيف ) ...

مطعم الاخلاص يا استاذ منعم كان مشهور جدا بالفول والقراصة بتاعت الحلفاويين وكانو اصحابها ناس مهذبين واي واحد ممكن يأكل عندهم حتى ولو ما عنده قروش ، والشارع البعديهم كان في اشهر استديو واشهر كافتريا في السطوح وحديثا جاء مطعم الامريكين وهو ملاصق لبنك مصر سابقا والذي تحول الى النيلين والجانب الآخر كان عمارة ابو العلا ومعرض المارسيدس وشرق البنك طبعا كانت حديقة الامم المتحدة لكن يوسف عبدالفتاح لم فيها وبهدلها وقال المكتبة الخضراء