خريجو جامعة أسيوط لمزيد من التواصل

[كيشو]

المشاركة الأصلية كتبت بواسطة Kamal Mahjoob

نداء إلى كيشو
يا عصام يا كيشو رجاء أن تسحب صورة مكي دي لانها لخبطت علينا الصفحة عاجلا غير آجل ..

صورة مكي دي فرصة ما بتتعوض
أنا ناوي ابيعها إذا ضايقتك اشتريها

[شبارقة]

إلى جميع الأسايطة.. سلام .. مبروك البيت الجديد .. الحمد لله معانا مفتاح ..ما حنكون مظللين زي زمان ..عندنا غرفة عديل كده .. أنتظرونا فلدينا الكثير المثير الخطِر..مع تحياتي للجميع

[كيشو]

المشاركة الأصلية كتبت بواسطة Kamal Mahjoob

نداء إلى كيشو
يا عصام يا كيشو رجاء أن تسحب صورة مكي دي لانها لخبطت علينا الصفحة عاجلا غير آجل ..

انا كتبت ردي قبيل

[كيشو]

المشاركة الأصلية كتبت بواسطة شبارقة

إلى جميع الأسايطة.. سلام .. مبروك البيت الجديد .. الحمد لله معانا مفتاح ..ما حنكون مظللين زي زمان ..عندنا غرفة عديل كده .. أنتظرونا فلدينا الكثير المثير الخطِر..مع تحياتي للجميع

عاصم مرحب بيك
ومنتظرينك من زمان

[Kamal Mahjoob]

عاصم كيف حالك
خلاص يا شباب سيبو السلام الكتير دة وابدأوا في الموضوعات ... مكي سخن (المديدة) ... الزوول الشارد
هيا
كيشو الصورة دي بلاش ما ح اقبل بيها ... إما صغرها أو أمسحها عندنا باقي نظر دايرين نحافظ عليهو نشوف بيهو الطريق بس

[د/ كمتور]

إخوتي الأسايطة السلام عليكم جميعا- كم فرحتنا غامرة بأن يمتد هذا التواصل عبر ( سودانيات) 0
فالشكر لأسرة المنتدى وهي تمنح الاسايطة عضويتها أملين نحن الأسايطة أن نكون إضافة حقيقية لهذا المنتدي0
كمتورا

[د/ كمتور]

مرحب ألف بكيمو الجاهز - كيشو - كباشي - ميكي- منير ( ما سر هذه الكافات)0

[مكي محمد الحسن]

السلام عليكم
يا اسايطة كفاية ترحيبات ..في زول بيرحبوا بيهوا في بيته
اها عودة للذكريات الاسيوطية

كنت حا اسال ناس د. كمال محجوب ود.عصام كمتور عنهم
فهم قد تخرجوا من كلية التربية 86 اي قبل 21 عاما
تري اين هم الان وما هي اخبارهم ؟؟؟
كان ما دكاترة بروفسيرات في الجامعات
اكيد بيكونوا وزراء تربية وتعليم
يا نزلوا معاش
يا مغتربين في الارض عن الوطن الام
مرحب بيهم وياريت لوا واحد يدلهم علي الطريق هنا

للذين لم يتعرفوا عليهم بعد من اليمين لليسار
صلاح باسطه - الصادق احمد السيد - احمد الخضر

[مكي محمد الحسن]

الاخ كيشو الصورة العاجباك وما داير تنزلها
علقت ليكم من كاميره الويب كام قبل ما تدللها في السوق
انت متاكد انها الاصلية ؟؟ لانوا الكاميرا لسه موجودة
ممكن ارسل نسخة منها لاي زول علي الايميل الخاص
قولك شنو لسع داير تبيعها ولا مستغني؟؟

طبعا في ناس كده دائما عندهم كبونات المطعم المركزي
وشخصنا كان منهم عندما سكن المدينة الجامعية في السنة الرابعة
وشاركني الاخ عبد المنعم منصور علي الغرفة كما استاجرنا
شقة شاركنا فيها الاخ زهير ابوسن ايضا
هذه الصورة داخل الحرم الجامعي مع بعض الزملاء
المصريين من محافظة الوادي الجديد

[kabashi]

العزيز منير العوض
تحياتي ... ياخي ما باركنا البنت مارديت علينا لا شكراً ولا عقبال عندكم يكون زعلت في إبعاد الكيزان والكوزات عنها ولا النسيب الإتحادي هو السودان الجديد فيه كيزان علي الحلف الحافظ الحمدو ما نخليه ، كان ماقريت مداخلتي اجر أقراها وقول امين ما تبور البنية .

[kabashi]

المشاركة الأصلية كتبت بواسطة مكي محمد الحسن

الاخ كباشي الحاج
يازول وينك انت اختفيت كده عملنا ليك (مس كول) بلغة ناس السودان
في بوست سودانيز اون لاين كذا مره ..قمت قلت يمكن الكباشي حردان
من صاحب الموقع والبخش الموقع زاتو..
اها يازول اسع انت هنا حاضرا لكن لك وللجميع
والله يا ناس اسيوط لسع البوابة القديمة بتاعت عبد القيوم
( د.كمال محجوب ) هناك زوارها كثار ما تحرمونا الطلة
وسوف احاول مع د.كمال ود.الزوول نقل بعض من الحوار والمداخلات
هنالك ايضا ...وصاحب الحوشين د.كمال محجوب ده الدكتوراه حقتوا
في ال Copy & Paste بتقدير عام امتياز مع تبادل المداخلات
او نسيانها في اضابير مكتبت وارشيف ايميله الخاص؟؟
يا اخوانا وين د.عصام كمتور؟؟

ميكي كيفك
والله لا زعلان ولا حردان لكن بس زنقة عمل كان معي زميل نزل إجازة فتضاعف العمل وكان الله في العون ولكن رغم ذلك لم إنقطع فكل ما وجدت فرصة طالعت بوستكم الرائع ..
أما صاحب الموقع خليه ح نوريك فيه يسمي موقعه بإسم السودان ويمنعنا من الدخول ونحن سودانيين بالميلاد ـ حلوة بالميلاد دي ـ ونحمل توقيع وزير الداخلية على كل أوراقنا الثبوتية إنشاء الله حنرفع عليه قضية بواسطة حقوقينا الاستاذ الكبير عصام كيشو الذي تبرع مشكوراً باتعاب القضية لدعم البوست الجديد .

[منير]

المشاركة الأصلية كتبت بواسطة kabashi

العزيز منير العوض
تحياتي ... ياخي ما باركنا البنت مارديت علينا لا شكراً ولا عقبال عندكم يكون زعلت في إبعاد الكيزان والكوزات عنها ولا النسيب الإتحادي هو السودان الجديد فيه كيزان علي الحلف الحافظ الحمدو ما نخليه ، كان ماقريت مداخلتي اجر أقراها وقول امين ما تبور البنية .

الاخ العزيز كباشي السلام عليكم ورحمة الله وبركاته
الله يبارك فيك وبعدين يا اخوي نحن الاتحاديين ديل حبايبن (جناح القصر)
واقول ليك شد حيلك للانتخابات واستعد للتحالفات الماخمج

[Kamal Mahjoob]

شباب وكهول البوست
تحياتي
أنا اليوم في إجازة العيد ،، ولأنني سوف أحج (طبعا الحج ده عندنا في مكة) كل سنة وبقى لينا نوع من الإدمان ، لكني سوف أغيب اسبوع تمام زي ما قال هاشم ميرغنى ... ميكي عشان انتو ما عندكم حج أبقى على الحوشين عشرة
منير ، الحاج حمد ، كيشو .. جمعوا الناس هنا وبلاش اتكالية
تحياتي ودعواتكم لنا

[كيشو]

المشاركة الأصلية كتبت بواسطة kabashi

أما صاحب الموقع خليه ح نوريك فيه يسمي موقعه بإسم السودان ويمنعنا من الدخول ونحن سودانيين بالميلاد ـ حلوة بالميلاد دي ـ ونحمل توقيع وزير الداخلية على كل أوراقنا الثبوتية إنشاء الله حنرفع عليه قضية بواسطة حقوقينا الاستاذ الكبير عصام كيشو الذي تبرع مشكوراً باتعاب القضية لدعم البوست الجديد .

جاهزين جاهزين لي تسجيل السودانيين في الموقع داك وكلو بالقانون
يا كباشي عارفك ما بتحب الهتافات
الجماعة ديل كان سألوا عن صلاح البرلوم حفيد عبد الله ود سعد (هل تذكره، وتذكر قصتك معاه؟)

[شبارقة]

أهلنا الأسايطة ..سلامات

كُل عام وأنتم بخير ... ويا حاج كمال ويا كل الناويين الحج .. ماتنسونا من الدعاء الصالح