لمة عجائز مرفوع عنهم القلم

[معتصم الطاهر]

اقتباس:
المشاركة الأصلية كتبت بواسطة همس الشوق

أأأي بالله كلموا

انا زاتي لو ما لاقانا لا بيني لا بينو

بس وحاتك يا باش محل من هو قاعد بنصلو
ضيف عزيز علينا

وعقبالك ما نحتفي بيك بينا يا ذوق

همس
بالمناسبة رسميا كدا انا بريدك جدا ..
والاسباب معروفة و كتيرة و بشاركونا فيها ناس كتار ..

لكن الخال فى يد العمدة ..
فوجهى كلامك للعمدة .. و80% من اللوم بقع عليهو ..

[همس الشوق]

المشاركة الأصلية كتبت بواسطة معتصم الطاهر

اقتباس:
المشاركة الأصلية كتبت بواسطة همس الشوق



همس
بالمناسبة رسميا كدا انا بريدك جدا ..
والاسباب معروفة و كتيرة و بشاركونا فيها ناس كتار ..

لكن الخال فى يد العمدة ..
فوجهى كلامك للعمدة .. و80% من اللوم بقع عليهو ..

تسلم يا باش
وانا زاتي برييييييييييييييدك ولأسباب كتيره وجميله

ودام الود والإحترام بينا

[همس الشوق]

اتصلت على الخال وهم مرططططططططططططب في الرويس المدينة الجميلة

يا سلام صوته ينم عن شخصية فريده .. هادي ....تخرج من بين أحرفه أصألة إبن البلد ...

الباقي لمن نلاقيهو

[ناصر يوسف]

المشاركة الأصلية كتبت بواسطة همس الشوق

اتصلت على الخال وهم مرططططططططططططب في الرويس المدينة الجميلة

يا سلام صوته ينم عن شخصية فريده .. هادي ....تخرج من بين أحرفه أصألة إبن البلد ...

الباقي لمن نلاقيهو

عاوزه نصيحتي ليك يا بت عمي ؟؟؟ ...

قرِّضي علي التلفون وبس

وأخير ليييييييييييييييييك ما تقابليهو ووووووووووووووجاًَ لُوجَا

بتصيبك ( أُم كَعكَلولية أُم فِرتِق)

[ناصر يوسف]

عزيز إزيك وما تنسي معاك حبوب الضَغِك الإنزيمي بتاعة صاحبي وصاحبك داك

[بدور التركي]

الصور مهمة بالنسبة لنا
ما تنسوها...


تحياتي العميقة للجميع

[عبدالعزيز خطاب]

المشاركة الأصلية كتبت بواسطة ناصر يوسف

عزيز إزيك وما تنسي معاك حبوب الضَغِك الإنزيمي بتاعة صاحبي وصاحبك داك

نصوري يا حبيب

مشتاقين والله

النوم سلطان واليوم احد وجدت مكالمتك متاخراً

بعد أسبوعين بالتمام والكمال حبوب الضغط الانزيمى ستكون مع صديقك

يا يوم بكره ما تسرع تخفف لي نار وجدي

شوق شوك

[عكــود]

عزيز اللذيذ،

ياخي ليك وحشة يعلم بها الله!

الخال وصل بحمد الله ومنوّر والله.
سيرتك ما فكّيناها ونَفَسك معانا بالكتبتو بالواضح وبالدسّيتو خوفاً من الفاضح.
عمّك مخيّر مشحتف وراجي زيارة الخال بفارغ صبر، وقال عندو أوضتين واحدة ليهو والتانية مخلّيها لي شنو كده ما عارف، وراجي بيها الخال.

اللمّة هنا فاقداكم، وكل الأسرة تسأل عنّك ومتوحّشاك.

أخلّيك مع الصور الحينزلها الخال بعد شوية ومعيّتنا الزوول والجو الحَسَن.

[همس الشوق]

المشاركة الأصلية كتبت بواسطة ناصر يوسف

عاوزه نصيحتي ليك يا بت عمي ؟؟؟ ...

قرِّضي علي التلفون وبس

وأخير ليييييييييييييييييك ما تقابليهو ووووووووووووووجاًَ لُوجَا

بتصيبك ( أُم كَعكَلولية أُم فِرتِق)

يا ناصر دا كلام شنو ؟؟؟؟
أم كعلكوليه دي شنو ... ؟؟؟

[ناصر يوسف]

المشاركة الأصلية كتبت بواسطة همس الشوق

يا ناصر دا كلام شنو ؟؟؟؟
أم كعلكوليه دي شنو ... ؟؟؟

أُم كَعلَكُولية دييييييييييييييييي يا ستييييييييييي

ما ياهي ظااااااااتها بت عَم الجِمِتِّي ( مَع تعطيش الجيم)

تحية للعمدة عكود والزول وبن عمنا خالد و د. بابكر مُخير الله في ريدو علي قول عزيز اللذيذ

[بابكر مخير]

نجف بالجد
وعضة زيتها مالي الخد
[mtohg=undefined]http://sudanyat.org/vb/attachment.php?attachmentid=931&stc=1&d=1293540770[/mtohg]

[عبدالعزيز خطاب]

عندنا السودانين أقوال؛ بث شوقي بدري ساكت ما جابها في "محن سودانية" منها:
* سيرتك لا من قريب ولا بعيد ما طريناها
(ودي بتتقال لتهدئة الخواطر في الوكت أنه يكونو نفشهو جبانهو)
* والله إتذكرناك، لكن بالخير
(ودي تعني بكل وضوح أنه موضوع الونسة كانت المخااطب)
وإحنا أمس التقينا مع الخال د ولاقيت معاهو شاب قمة في الحلاوة والأريحية (أحمد جدعة، ناس البركل الحلويين) ..
والغريبة أننا يا عزو (أنا الأسعد) ...
سيرتك لا من قريب ولا بعيد ما طريناها ولمن جآت عابرة، إتذكرناك بالخير..........
والخاااااااااال د يشهد على كلامي دآ

عمو مخير الله في ريده البنريدو

إهتزت النجوم وماجت الكواكب وكان ظني في محلة
عرفت أن تلك اللحظة ليس لها شبيه وذلك الزلزال كان سببه لقاء كرري والبركل
فوجدت نفسي بلا ريش
نتفه من نتفه!! وانا عافي ليكم

الدعم المعنوي وغرفة إدارة العمليات وإعلان المنطقة عسكرية ممنوع الإقتراب والتصوير..
والتحلية جبنة في قهوة بالخالدية والمضيفة هيلين الحبايب زيكو وزحمه سليمان بفيدوكم بمقعدي القصي حيث باقي من عطر دلقته

يا بيكو والله لمة أتمناها وادفع ما تبقى من عمر إلا لحيظات أسعد بها بينكم..
أمنياتي لكم كاملة والحب والتحية لكل من تلتقوه وتسعدون بمؤانسته ..

بغراااااااااان وميت كمد
عزيز

[بابكر مخير]

العمدة عكود
زول كله ذوق وأحاثيث، تقوم تتصل بي خلود..
يرد هو عليك عشان ما يكسف المتصل، فخال د ديما في الحمام ودآ خلق لكثير من المتصلين لبث،،
يكون عملها معآك؟؟

لكن كمان لمن قولتي
اقتباس:
المشاركة الأصلية كتبت بواسطة همس الشوق
يا سلام صوته


هنآ الواحد بقآ بين إتنين، هل هو كالعادة العمدة الرد عليكي ولا خلود!! خلث من الحمام ..
يا ريت لو توضحي لينا شوية لأنه الموضوع بيهمنا..
هل كان الصوت مع ال"يا سلام" دي..

طاعم

لأنه لو كان "طاعم" فوهو كان هو وهو ما يتميز بيهو الخال د في جميع الحواث
لوووووووووووووووووول

[همس الشوق]

المشاركة الأصلية كتبت بواسطة بابكر مخير

العمدة عكود
زول كله ذوق وأحاثيث، تقوم تتصل بي خلود..
يرد هو عليك عشان ما يكسف المتصل، فخال د ديما في الحمام ودآ خلق لكثير من المتصلين لبث،،
يكون عملها معآك؟؟

لكن كمان لمن قولتي
اقتباس:
المشاركة الأصلية كتبت بواسطة همس الشوق
يا سلام صوته


هنآ الواحد بقآ بين إتنين، هل هو كالعادة العمدة الرد عليكي ولا خلود!! خلث من الحمام ..
يا ريت لو توضحي لينا شوية لأنه الموضوع بيهمنا..
هل كان الصوت مع ال"يا سلام" دي..

طاعم

لأنه لو كان "طاعم" فوهو كان هو وهو ما يتميز بيهو الخال د في جميع الحواث
لوووووووووووووووووول

قالوا يا بت البدري قومي بدري شوفي كان تنقدري

وانا إتصلت بدررررررررري عكود كان نائم
وإستفرده ...

لكن هو الخال..د ممنوع من الصرف ولا شنو ؟؟؟؟؟

[بابكر مخير]

اقتباس:
المشاركة الأصلية كتبت بواسطة همس الشوق

قالوا يا بت البدري قومي بدري شوفي كان تنقدري

وانا إتصلت بدررررررررري عكود كان نائم
وإستفرده ...

لكن هو الخال..د ممنوع من الصرف ولا شنو ؟؟؟؟؟



الخال يمآ!!
دولار أمريكاني
ماهو قرش براني
خروووف محشي ما طبخة برياني
شيفون عديييييييل ما هو دمورية تتباع في سوق الزياني
شوفتهو قمر وقولهو نغم،
عات دآ شوف عيني وسمع أضاني..
صرفهو حتى إن كان ممنوع
برضنا حنتصرف معاهو..
وخليك سوداني