بعد عملية ناجحة .. الخال يعود للبيت

[imported_فيصل سعد]

المشاركة الأصلية كتبت بواسطة عكــود

المداخلة السابقة مهداة لفيصل سعد . .
مع أحلى الأمنيات.

يا عكود انا من الحمة و الصداع و الخبيتة من انتخابات المجلس، هديتك دي ما بدورها تب :D :D انا ما بطيب و ما ببرد بطني الا تنزلوا صورتة في العنبر مع السسترات الحنان "بضم الحاء" ديك :D:D:Dعشان تآمنوا البحلقة و التآمل و "الهبش" خلي لا تجيب سيرته، بس اوعاك قريبك الشقي يشخت في حيط المستشفي؟

[معتصم الطاهر]

المشاركة الأصلية كتبت بواسطة فيصل سعد

بس اوعاك قريبك الشقي يشخت في حيط المستشفي؟

دا حالتو قال بكتفي بينا نحن
أها يا فيصل ..
دى معلومة جديدة ..

[معتصم الطاهر]

المشاركة الأصلية كتبت بواسطة عكــود

أنا ما بقطف زهور خدودك بس بعاين . . بعيونييييي،
.

عارف يا عكود
الزول لما يصل مرحلة البحلقة فقط ..
زى أخونا حمد ..بتاع المثل ..
ما قادر يعمل حاجة و يقعد يكورك " أنا حمد .. أنا حمد "

[معتصم الطاهر]

المشاركة الأصلية كتبت بواسطة عكــود

محروم من كثير من المعافرة، المشروعة منها وغير المشروعة.
لكنّي أرى في ذلك خيراً كثيراً للبلاد والعباد،
فالأخ غير أنّه معروف بالشتارة، فهو علاوة على ذلك لا يخلو من شلاقة أيضاً.
.

سمعت بالمثل " نوم الظالم عبادة "
زي البنطبق هنا ...

[imported_عبدالرحيم ابراهيم العبيد]

حمدا لله علي السلامه
وأنشاء الله أجر وعافيه

[imported_جلال محمد جلال]

المشاركة الأصلية كتبت بواسطة عكــود

في محادثة تلفونية، عرفت أن الروح عال العال غير أنّه محروم من كثير من المعافرة، المشروعة منها وغير المشروعة.
لكنّي أرى في ذلك خيراً كثيراً للبلاد والعباد،
فالأخ غير أنّه معروف بالشتارة، فهو علاوة على ذلك لا يخلو من شلاقة أيضاً.

دحين آعكود... آخوي ...
الكلام دا ما بودي التونج ؟؟؟
هو الحيكومات هناك نايمة على أضنينها ؟؟

[imported_منال]

المشاركة الأصلية كتبت بواسطة جلال محمد جلال

دحين آعكود... آخوي ...
الكلام دا ما بودي التونج ؟؟؟
هو الحيكومات هناك نايمة على أضنينها ؟؟

حكيومات تجى و حكيومات تزول

لكن يا خالد ياخى بركة السلمت من البنج ... و كنت بره الحوداث فى الخرتوم محل البنج بفوت فى كسر بسيط ... تبرا يايابا ... بركة الجيت صادى لبيتك و سريرك خليت هضربة المستشفى و قطف الزهور ..

اتمشى بس حدك البيت خروج ممنوع ... و الكى بورد ممنوع اللمس و الاقتراب

اخير قرب تعال ما تبتعد

[imported_Fanar]

عين ياخ
قولو ليهو ما يرجع المنتدى الا بحجاب كااارب من شيخ حلتو

[imported_بشرى ازرق]

ألأخ خالد وألأسرة الكريمة

ألف ألف حمدا لله على السلامة ونجاح العملية وانشاء ا لله شرك مقسم على الدقشم . والدقشم ديل بالمناسبة كل من تجاوز الخمسين ربيعا ومافى داعى لذكر الأسماء .

[imported_خالد الحاج]

سلام للأحباب..
وجدت اليوم من يكتب لي :(
أخوكم (عضير) لما أزال ...
سأعود شاكرا و (....) فلي في هذا البوست شجون وأشياء أخر :mad:

[معتصم الطاهر]

المشاركة الأصلية كتبت بواسطة عصمت العالم

انحنا..جينا..وكيا..للمابينا...

..

الياباك يا يابا ان شاء الله يتنطر

مالك بيابوك فوق شنو؟

بكاى وحكاي !!!

[imported_Soma]

حمد لله على السلامة يا خال..

و يا رب تكون آخر الآلام .. وتكون كفارة ..