راكوبة المجادعات.. النمة والدوباي

[مي هاشم]

يا شباب
كلكم بدون فرز

ازيكم

[مي هاشم]

المشاركة الأصلية كتبت بواسطة النور يوسف محمد

بسم الله الرحمن الرحيم
سلام معشر الهمباتة
سجمان , طارق , مى هاشم
معتصم , احمد أبو مازن , سارة
...........................
رائعين والله
فرجتو همنا الله يفرج همكم
ونيابةً عنكم عزمت ليكم دكتورة هيفاء عبد الستار
ودعيتا لزيارة الراكوية
من خلال قراءتى لبوستها ( عجن صندل )
الظاهر عليها متمكنه من الشغلانية دى
يا مى هاشم
عليك الله ناديها بى جاى
بى رمية رميتين

مرحب حباب النور.. جيتك دحين مشكوره
والدعوة منك تب جايزة للدكتوره
تدلف لا جوه..بصندلا وعجنتا وبخورا
وناديناها التمرق تنم..حان دورا

[مي هاشم]

المشاركة الأصلية كتبت بواسطة بابكر مخير

هي دحن ما اليها كانت! والدآ قريب
نفاسآ ملازما الرقاد فييي عنقريب
كيفن بعد الدايات
جيهة؟
وهي القالت كان قسم تعذيب..
غايتو لا عجب ولا مني خلوعتن بصيب
بس نقول ممكن وكل شي ممكن
ما هو بقى مافي شيتن غريب ولاهو عجيب

نفسا صِح..وحقيقة والده قريييب
مجيهة بعد عذابي شِن يعني الغريب!!
ولا تذكر الدايات والله أبو غريب
وسخانة وكمان برضو بتفضي الجيب

[مي هاشم]

المشاركة الأصلية كتبت بواسطة صلاح الدين هجو النحاس

يمين بالله ماعينى وقعت الا الحينو
تتلوكزو وتتكوضمو فوق الفات مقيلو
ناس دواس ورواس تحمدو سيدو
زى ماقال ناصر اللكز واحلييو
نفس واحد تلقاك فى دنقيلو

واااه
ياناس الراكوبه ام جدعن نى
سلاما يلف رويحاتكم من البارى الحى
مانامت نورات عيونكم من النضمو ضى
بفوتكم سلام اهو متدلى الحى

حباب البادراب.. اهل الليل واللالوبة
أهل المديح والطار اسيادي ناس النوبة
بجاهم نجول في الحضرة نشرب كوبا
مني ومن صلاح يا ربي تقبل توبة

[مي هاشم]

المشاركة الأصلية كتبت بواسطة سمورية

اهل الراكوبة سلام
يسعد صباحكم يارب زى ما اسعدتو صباحى

سمورية صباحك زين منورة الراكوبه
تسلمي يا الحنينة داخراك ساعة الحوبه
يحفظك الاله ومن العيون محجوبه
ينزل رزقه وافر وكل النعم مصبوبه

[مي هاشم]

المشاركة الأصلية كتبت بواسطة ناصر يوسف

[align=right]لاااااااااااااااااااااا إله إلا الله

محمد رسول الله


ده كلللللللللللللللللللللللللللللو ؟؟؟

خمسسسسسسسة صفحات فاتتني ؟؟؟


إنشاء الله المسدار والمجادعه والنم ده ينفعكم يا رب


قريت البوست ده كلللللللو بي نفس واااااااحد

يوديني مرة هنا ومرة هناك

يطلع بي فوق فوق فوق فووووووووووق

في علالي الفرح

ويا سجمان

يا سجم السجم ظاتو

ما كان تلكزني وتقول لي أبقي داخل حديقة الفرح الخرافية دي


ووووووووح


وتاني شنو غير


وووووووووووح دي


مارقه من جووووووووووَه جُوات الزول


طارق كنديك

ومي هاشم

وساره

وود الزين و ...


كللللللكم


أحبكم جت عليكم



جايكم تاني ومتحكر فوق ضُل راكوبتكم السمممممممحة دي





الجبنه




الجبنه يا بت العم




جيبولنا الجبنننننننننننننننننه [/align]

ودّ عمي..اها جبنتك جايي هديك
مع ناس ساره وطارق ولد كانديك
و ود الزين الفحل أصبر دحين بيجيك
ومعتصم والعمده و.. و... وعييييييييك...

[مي هاشم]

المشاركة الأصلية كتبت بواسطة طارق صديق كانديك

حاميني المنام أنا فوق رقادي مسهد

يقدل يمشي زي ظبي الخلا البتوهد

ياناضح المسك زيد في أذاي وأشهد

ياهدهد سبأ .. أنا في رجاك أتنهد

الحاميني المنام وبكّى طرفي سِهِر
والعذب رويحتي وقلبي منو فِتِر
من نفحات رويحتو وطيب شذاه سِكِر
ما بحمل بعادو أكان قريب بشِبِر

[مي هاشم]

المشاركة الأصلية كتبت بواسطة فيصل سعد

[align=center]سلامات يا شباب:

اقول يا الجيلي* ابو العباس
اشوف العافية ليك لباس
حبيبي
انت ما بتنقاس
الوحيد في قلوبنا
ماخد الكاس
حبيبي ..

* الجيلي احمد "ابو اليشا"[/align]

[align=center][flash1=http://rafatmilad.com/ramia.mp3]WIDTH=400 HEIGHT=50[/flash1][/align]

حباب سعد مرحب جيتك هسي..
سهيت والعفو والله تب ماك منسي
اريتك بالعافيي والعفاف دوم مكسي
ويحفظك الكريم من الجنون والإنسِ

[مي هاشم]

المشاركة الأصلية كتبت بواسطة سارة

حّرم بت عزاز وفوق المخدة تنوم

ست كل البنات من حلفا للخرتوم

مبرومة قوام وزيك يمين معدوم

كان شافك فقير بنسى الفرض والصوم


لقيتنينى كيف يا فردة






*فوق المخدة تنوم كناية للعز والجاه

* كان شافك فقير الفقير المقصود هو الشيخ او حافظ القران

لقيتك ...


بت العزاز حاشاها مِي نوامّه
تخدم للضيوف في الحلّة مِي حوّامه
ضامر هافا من كتر الصيّام قوّامه
إن شافا الفقير تقوم عليه اللوّامه

*قوامة :من القيام للصلاه ليلاً
*اللوامة:النفس اللوامة (تقول ليه المرا بقت اخير منك؟؟فيبغر ويعمل)

اها لقيتيني كيف..

[مي هاشم]

المشاركة الأصلية كتبت بواسطة أحمد محمد زين حسين

الليلة الخريف طالق علي نَسّامو
طراني المفرهد في ربيع ايامو
الخلاني سهران والخلائق نامو
فاطر بَسْمو ناير خَدُّو حالي كلامو

أحمد ود الزين..والله ما بتتلاحق عدييييييييل..براحة علينا
واعذرني على وجع الشوف والزغللة..ما بيتكبر الخط..


الليلة البريق فتّق علي آلامي
وطرّاني الرّسول وجدد عليّ هيامي
ان ما زرت قبره يا خلّي واندامي
صليت علّ يشفى بها سقامي


اللهم صلّ وسلّم وبارك عليه

تصبحوا على خير

[معتصم الطاهر]

الليلة البريق فتّق علي آلامي
وطرّاني الرّسول وجدد عليّ هيامي
ان ما زرت قبره يا خلّي واندامي
صليت علّ يشفى بها سقامي

الليلة مى طنشت عديل أشعارى ..
و كأنوا بالجبر السرى انكتب مسدارى ..
با حليل القلب الدوام حارى و طارى ..
نست يوم كنا الشعر و هي غلاف أسفارى ..

[احمد زين]

المشاركة الأصلية كتبت بواسطة مي هاشم

الليلة البريق فتّق علي آلامي
وطرّاني الرّسول وجدد عليّ هيامي
ان ما زرت قبره يا خلّي واندامي
صليت علّ يشفى بها سقامي

يا رب العباد تسمع دعوتها وتجيبا
سهل خطوتهاعلشان تزورو حبيبا
بي بركة نبيك اديها كل نصيبا
وفي القبة ام رخام تكرف نسيم من طيبا

[معتصم الطاهر]

المشاركة الأصلية كتبت بواسطة مي هاشم

الليلة البريق فتّق علي آلامي
وطرّاني الرّسول وجدد عليّ هيامي
ان ما زرت قبره يا خلّي واندامي
صليت علّ يشفى بها سقامي


اللهم صلّ وسلّم وبارك عليه

الليلى البريق فتّح على جروحي
ذكرنى النبي والروضة أم نعيما فوحي
إن ما زرت بيتو و ابكاى و نوحي
صليت ليتو يسمع نجواى وبوحي

ألف على الحبيب ..

[مي هاشم]

المشاركة الأصلية كتبت بواسطة معتصم الطاهر

الليلة مى طنشت عديل أشعارى ..
و كأنوا بالجبر السرى انكتب مسدارى ..
با حليل القلب الدوام حارى و طارى ..
نست يوم كنا الشعر و هي غلاف أسفارى ..

أعفي لي.طناشك اصلي ما قاصداهو..
قريت مسادرك موزون نغم شايفاهو..
مشغول القليب بالفارقو وبهواهو..
ماك عارف براك قلبي والجوّاهو..

لك العتبى

[مي هاشم]

المشاركة الأصلية كتبت بواسطة أحمد محمد زين حسين

يا رب العباد تسمع دعوتها وتجيبا
سهل خطوتهاعلشان تزورو حبيبا
بي بركة نبيك اديها كل نصيبا
وفي القبة ام رخام تكرف نسيم من طيبا

آمييييييييييين

رب العباد يتمو لي مقصودي
وتسهل خطوتي وازور هناك مريودي
واحفظ ديني لا افوت عنو حدودي
عيني على الصيام وركوعي ثم سجودي