دوما أكون مع موعد مع ذات العذابات والأوجاع كلما غنى أبواللمين...
بتتعلم من الايام مصيرك بكرة تتعلم
وتعرف كيف يكون الريد وليه الناس بتتألم
...
ياااااه
كم تتجسد فيها (سنار) ...
وكم تنبري من بين أهداب موسقتها (ليلاي)!
وتتزاحم الاسئلة...
متين عرف الهوى قلبك ؟!
متين صابك بآهاتو ؟!
متين سهرعيونك ليل طويلة ساعاتو ؟!
وحاتك لسا مابتقدر تقاسم قلبي دقاتو !...
أسئلة أسالها لقلبي تارة ...
وتارة أصوبها الى خيالها ...
ولكن...
لا مجيب ...
لا مجيب...
لا مجيب...
فأفرد أشرعة سفن خيالي...
وأبحر ماخرا لجة السنوات...
وهنااااك عند خط التقاء الأفق بالسماء...
لكأني بها...
قمر منير...
بل كوكب درّي...
أو...
لعلها شمس ابراهيم...
...
..
.
تشف الروح...
وتتغشى النفس مشاعر من خوف وحنين
فتنساب الكلمات من فيه ابواللمين:
اقابلك وكلي حنيه ...
وأخاف من نظرتك ليا ...
وأخاف شوق العمر كلو يفاجأك يوم في عينيا...
ورا البسمات كتمت دموع ...
بكيت من غير تحس بيا...
...
وترتسم صورتها البهية على صفحات كتب الكيمياء ...والفيزياء ...والأحياء
...
..
.
كل الرموز ليلى...
وكل المعادلات ليلى...
وكل الرسوم ليلى...
...
الكل يردد بكرة الامتحان
وانا أردد مع ابواللمين:
وبكرا الريد ...
بدون مواعيد ...
يزورك ياحياة عمري...
تقول ياريتني لو حبيت ...
زماااااان من بدري ...
فأدع كل الكتب جانبا لأخاطب خيالها وأقول:
تعااااااال...
تعال فرح ليالينا ...
تعاااااال ...
تعال قبل السنين تجري
...
..
.
|