22-06-2009, 06:22 AM
|
#[24]
|
|
:: كــاتب نشــط::
|
اقتباس:
المشاركة الأصلية كتبت بواسطة رشا حاتم
وشلتك جوة في عيوني
حلفت معاك اكون انسان
وكنت بلاك جرح خاطر
برفرف رمشو في النسيان
ويتاور في الالم شوفو
كل ما يزور خيالو حنان
|
رشا صباحك زين
اليك من اندى اشعار خالد شقورى
مسافة السكة
كنت بقصِر المشوار لو عارف متين أرجع
كنت بحدد الميعاد وأبقى من الزمن أسرع
إلا مصيري في الأيام هي البتقول وأنا البسمع
وما لاقاني يوم في الدنيا زولاً حظو كان فاتو
مسافة السكة وأرجع ليك معايا الشوق وغُنواتو
أنا البهواك وقلبي عليك وأنا الزول البِحب زاتو
مسافة السكة مهما تطول برضي مصيري أرجع ليك
ألم حزن السنين الفات وأقيِّل في ظلال عينيك
ألمِّع بالحروف دنياي وأخاف أحزاني ترسى عليك
ألِِم باقي العُمر تحنان وأقول للناس حِكاياتو
ما يهِمك كلام الناس وحاتك إنتي ما ناسي
أنا البحسِب عشان ألقاك ثواني الفرقة وأنفاسي
وعارف لوعتك يا روح كيفن إنتي بتقاسي
وأعمل إيه مع الأيام مع قلبي وصباباتو
مراسيك وين عشان أرتاح وأعِوض قلبي عن صبرو
معاك بحصِد من الأفراح حصاد زولاً زرع عُمرو
أنا الراجيك ولي جِراح مُناي بي إلفتك يبرو
والآقيك في زمن نشوان تصُب للحب غماماتو
[p5s][/p5s]
حضر كليمات الحنان زادو الغنى وشوقو الرحل
وأول محاوله للوصول داير مع النسمات يصـل
وآخر محاولة للوصول كانت رحيلو مع الشعاع
إستنى فى الليل القمر ساب الأرض مقدار ضراع
وإستنى قارب الهم رسى فى مشرع الشوق المطاع
مسك الشعاع وبدا الطلوع بين الغيوم كان خبرو شاع
|
|
|
|
|