[عماد علي]

سلام

مبر
سنه الله ولن تجد لسنه الله تبديلا

زول الله
تصدق لو قلت ليك بطني طمت من البحصل فى البلد كان من زعيط واللا من معيط, الأيامات دي زاتو بقيت اعاين للبلد من وجهة نظر تانيه, يعني لو تعرف انو السودان زمان لمن كان مستعمره ما كان تابع لوزاره المستعمرات البريطانيه, كانت ادارته بتتبع للتاج الملكي مباشره لأنو نظرتهم للسودان ما كبلد مستعمر لأ, كانو بعتبرو البعملو فيه ده تنميه بشريه وتطبيق لنظريات تقدم وفعلاً كانو ماشين كويس خالص, اشبه ليك الوضع كده زي الحله البطبخو فيها لكن طفو النار قبل ما تستوي كويس, اها الناتج لا بقى مواد اوليه نافعه واللا هي طبخه ممكن تتاكل, يلا يا اخوي من الزمن داك ولحدي هسه ولحدي ما يرث الله الأرض وما عليها حيكون ده حال السودان وكمان وحاتك من سئ إلي اسوأ زي ما إنت شايف.
لمن تتمعن فى وضع البلد الكان عليه والوضع الحالي حتلقى إنو السودانيين بنطبق عليهم بيت الشعر " نعيب زماننا والعيب فينا .. وما لزماننا عيب سوانا " نظريه رزق اليوم باليوم الشغال اي سوداني فى اي حته فى العالم دي واحده من مصايبنا الجايبانا ورا, انا احتكيت بكثير من المشاريع الضخمه الفى البلد وكل يوم جديد يهل عليها بتلقى الناس لسه فى (حا وتر) حقت اول امبارح وفى النهايه حتى لو المشروع انتهى بتلقاه عدي من وشك.

فشنو قوم لف إنت لأني ما بعرف الف.

تحياتي