[نبراس السيد الدمرداش]

المشاركة الأصلية كتبت بواسطة وهاد ابراهيم محمد

تحياتي للجميع..

هذا الرد كان بتاريخ 15/1..

ومن بوست شباب شارع الحوادث:
ثم كان رد الأخت نبراس:
[/I]


ربنا يقدر الجميع على فعل الخير.. لكنه رد محبط جداً بحسب مداخلتها الأخيرة في هذا البوست (ثم انو العمل الخيري)..
بعد شهر من المطالبة بالصبر.. تمنيت لو أنها قالت ان هناك تحرك فعلي تمَّ وأن الأموال بطرفها بالفعل بدأ تحريكها في أمرٍ ما.!!!

انما الخير يظل خيراً أينما زُرِع..
وليؤجر الله الجميع, فاعلين وناوين فعل.
وربنا يزلل الصعب.

سلام يا وهاد

وانا آسفه لاحباط اصحاب الاموال وكل الدعموا المشروع سواء بمالهم او باستقطاع وقتهم بالجري وحضور الاجتماعات واستلام الاموال (الرفض يتحمل مسوؤليتها كتيرين باسباب وبدون اسباب)

مشروع افطار طالب مرتبط بالمدارس والان شارف العام على النهاية عشان كدا فضلنا انو المشروع ينطلق مع بداية العام الجديد ونكون اعدنا حساب الميزانية من اول وجديد نسبة للغلاء الحصل الفترة الفاتت وحتى نتفادى اي اشكال يقيف في وجه التنفيذ

وانا لما طلبت الناس تصبر شوية عشان انا واحمد زين ساعيين ومجتهدين في الكيفيه السليمه البتنفذ بيها الافطار وفعلا قبل يومين بس توصلنا لاتفاق مع سيده حتقوم بتنفيذ الافطار لانو اطفالها بعانوا من نفس المشكله وما بمشوا المدرسة لايام لانو ما عندهم حق الفطور
حنوفر ليها المواد ومتابعتها مسوؤلية احمد زين مباشرة بالتعاون مع ادارة المدرسة كل اسبوع حيسلمها ما يكفيها لعمل الافطار

بخصوص الاموال بطرفي وحركتها
انا لا املك احرك اموال بدون مشاورة اصحابها وطلبت انهم يراسلوني في الخاص لانو بعضهم قرر يحول مساهماتو في مشروع الافطار لمشروع شباب شارع الحوادث
وحتى لمشروع الافطار ما اقدر احركها بدون اكلمهم انها حتمشي وين ويتعمل بيها شنو ومتين وكيف

اتمنى اكون جاوبت ليك على تساؤلاتك واذا لسه عندك اسئلة بخصوص الافطار واموال الناس انا حاضرة