[رأفت ميلاد]

المشاركة الأصلية كتبت بواسطة شوقي بدري

الغالي رأفت لك كل الود . وانشاء الله تكوع ومستمخي . قبل ايام نشرت موضوعك بتاع الصعوط في الراكوبة ، ووجد تجاوبا كبيرا . الاخ محمد الصوفي يداخل وهو سعيد وقال كنت معاه في مدني الثانوية 1973 .
في السنة دي انا يادوب خليت شغل العتالة في الميناء وغسيل الشبابيك وعملت لي مكتب وكروت وسكرتيرة وعملت فيها مدير ز من هني وطالع كل زول يعرف دفعته ذي ما بقولوا ناس الجيش . الصوفي ده بيكون رباطابي ما كدي ؟؟

سلامات يا شوقى

حاولت تنشيط حساب قديم فى الراكوبة عشان أفتش الصوفى .. فشلت عشان إيميلى القديم سقط

تعرف الصوفى من أولاد مدنى 100% لكن قصة الأنتماءات التانية دى فى زمنا ما كانت بتلعب دور زى ما أنت عارف .. ياخ صاحبى ودفعتى الجيلى العركى ومن بيت ناس شيخ العركى عديل .. ما خطر فى بالى يوم أنهم عركيين

القصة زى أمدرمان .. يعنى تقسيم الناس من الدباغة من بانت من حى المدنيين وعلى هذا المنوال .. فما عارف الصوفى رباطابى ولّ لا .. لكن من ناحية القطامة قطيم

ما يقوم يقلب علىّ حسن فرح .. أنت وبابكر هينيين وملخبطين زى حالاتنا