اقتباس:
المشاركة الأصلية كتبت بواسطة تاج السر الملك
فيصل سعد
المرة دى فططان مافى ...جبت لينا الغنا من لغاليغو (ماسمعت اي حاجة ... لا الغنا ولا لغاليغو)
محمد ابو عاقلة
جبنا ليك الكبدة ضربتها
الفول ..لحستو
الكمونية...ابيت تدى الجنبك
الباسطة....دخلت بيها الحمام
و تقول راقد سلطة؟؟؟ ما راقد من التخمان
جبنا سيرة السوكى ، مشيت قطعت بنزين
عموما أعمال السنسميليا دى كلها مربوطة مع بعض و الفايلات مفكوكة ، الا الأنستوليشن مرات بعصلج..و انت نجيض بتكودو( من كود) و بتشفرو
شكرا لك على الزمن الذى تمنحه متفضلا لقراءتى و المجادلة، فذلك احب الى نفسى من مرور الصحن الساخن دون ان اتلذذ بمشهد الصرخة تخرج من فم الملامس، و لمن بيننا جعليون يكتمون الصيحة...لكن بنوالى ارسال الصحون الساخنة و يمكن صاجات جاية.
لكما الود
|
عودة باردة لمعادلة صحن مسخّن ...
تاج يا فردة ..
قلنا الانستولر (كِلِك على عجل) قد (والعهدة على الراوي) يهنّق وبما إنو السورس كتيرة من اسكربتات وجافات وكودات لا قِبِل لي بها ... لذا لا استبعد حدوث أي (سنفكة) في الانسوليشن ولا أدري لمن ترجع المصيبة ...
على كلٍ ... الغُلات ولا صمّت الخشم ... وبعدين لم تجي ترمي لينا أنجيلا طاااخ كدا بدون إحم بتكون بوظت الداتا وبالنسبة لي بَق ... بقت شرايين الراس ... وانكتم حسي ... ثم خلعت سستمي المغفل ... ومتى ما وقع بصرنا لنفك نحسنا تجدنا قد بشتناها وقعدنا ... لا ايد لا كراع ... والمشكلة ما تقوم لي قايمة بعد كدا ... فكل منّا يُريد أن يرمي قدام ... فأرجوك ما تعصلج لينا الانستوليشنات بالله ... انت عاوز تكتب عن النملة ... وكراع القملة ... وبزاق النحلة التريان ... وتنقط .. نقط نقط ... اها عليك الله خلينا نلحس من الحاجة دي ما يسد الرمق ...
القارئ ... طرف المعادلة الآخر ...قال عندو راي ...
وبعدين نشوف حكاية الصاجات المسخنة دي ... وربما نستخدمها إذا وحلنا ..
وماذا عليك اذا وحلنا!!!
هي وحلةٌ.. تُدمي الفؤاد وتسعد القلب المُعنّى ...
بلا شلوطة بلا سخانة معاك
