الموضوع: من سحــارة ذكريــات البلد (7) - الله جابو ود أم زين يحفظ مكانته
عرض مشاركة واحدة
قديم 02-09-2021, 11:14 PM   #[6]
بابكر مخير
:: كــاتب نشــط::
الصورة الرمزية بابكر مخير
 
افتراضي

يابا الحبيب والله ليك حق تعتز بذكريات بلدن جميل، ناسهو هم الجمال..
اتذكر مرة..
رجعت من الشغل ولقيت شمطة بين السيدة حسب سيدها (أم العيال) ومحجوب وهو زراعي وكان يهتم بي حديقة صغيرونية في بيت العايلة الكنت مع جنآي ساكنينهو..
أول ما شافني، قال ليا الحمد لله الجيت، والله الرباطابية دي نشفت ريقي..
ردت عليه عليهو وقالت ليهو؛ نان هو ما ظاتو رباطابي...
قلت ليهو مع فعلن أنا رباطابي لكني. عات الحقيقة ما بتغيب أنكم إتوا الشوايقة، ريقكم في الغنآ رويان ورجالكم ناسن حنان ونسوانكم سماحتن كاملة وما في ذلك كلام..
أرضكم مويتها زاقية نخيل وإحنا مويتنا حوفا مرآ وسايبانا حجار، تتصور يابا أنهو إتو ناس البركل وإحنا الجزيرة حجر.....
حبي للشوايقة كان من أيام الروضة والكتاب فقد كانت صادقتي مع حسن محمد أحمد كالخوة قوة وأتذكر أكتر فنان عشتهو مع معايشتي طربا ومقسمة بين أبراهيم عوض وهو؟؟ أبو عبيد حسن.. وهزني اليوم خبر وفاته عليه الرحمة..
كانت بيناتنا صداقة ومني ليهو محبة..
هو من أحيآ ليلة عرسي مناصفة مع المرحوم الأخير الحبيب بدر الدين عجاج.. فلهم من كل الدعاء الخالص بأن ينعموا في جنان الله..
التوقيع:
بابكر مخير غير متصل   رد مع اقتباس