عماد ازيك ديامية كبيرة جاتك
يا عماد الايام دى برا الخرتوم و تابعت البوست و دموعى سالن وصف مشاهد مباااالغة ... و انا الاتولدت فى ديم القنا شميت ريحتو من القضارف بحروفك دى و سوق الديم و الجزارة عمر و عبد الحفيظ و محل الكمونية و الملوحة و مطعم الاخلاص و الكوارع و المغالق و دكان جون الترزى و موريس شيخنا المرحوم الفكى على ... الديم ياهو الديم لا بتغير و لا شتين
و بقالاتنا و قاعد العامود و اللستك ... الى ان تطورت و بقت اندية شبابية و دى عارف فكرة منو ... اها النجى للزراعة الخضراء بتاعت الديامة تعرف عربية الترحيل بتجى من جبرا الصحافة و العمارات ثم الديم و نمشى نمرة -2 كل الركاب قالو زراعة الديم خضارا جميل و منورة حتى اكان النيم و دقن الباشا عشان كدا شجرتكم شبكت فى شجرة الجيران بالمحنة و المودة البينا يا ديامة ... و شفت كيف فى العزاء البيوت فى الشارع كلها تفتح و يبقى الحوش 1000 متر لمن ما نقدر نكنسوا ... الديامة متفردين فى علاقاتهم الاجتماعية و ترابطهم ....
الديم بجييب ظريف و الفتريتا ما بتقى رغيف
بلاقيك محل النمة و اللمة ... ضرورى
|