اقتباس:
المشاركة الأصلية كتبت بواسطة رأفت ميلاد
سلامات يا دياب
بصراحة علماء الدين ديل هم الخسروا الدين .. بأعتقادى هم عقدوهوا عشان ياكلوا منو عيش .. كان ملاحظ علماء الدين الأوائل كلهم تقريباً عاشوا فى زمن الممالك الأسلامية أى على بلاط السلطان أمير المؤمنيين مرفهين فى أمن وأمان. ما بعيد من الحاصل فى الزمن المهبب ده
الأسلام ظهر فى بيئة عادية شديد .. ده إذا ما قلت يغلب عليها الجهل. ودخل فى الأسلام بأقتناع الكثيرون .. والإيمان تمييز بالعقل بين واقعهم وبين الدعوة .. الناس ديل ما أظن كانوا علماء .. بالتالى القصة ما دايرة الفهم الشديد الحاصل ده
الغريبة قوقل بقى أعظم العلماء فى عصرنا المتميز ده .. كدى قوقل (إذا صبر القاتل) مية فى المية تلقى القاتل الحقيقى (فى الحالتين) عند الصابرين وعند الما صابرين هو الله .. ده إذا ما مات ناقص عمر
قتأمل*
* الحقوق محفوظة لـ حسين ملاسى
|
تحياتي روفي
مرة كنا في بيت جارنا العلامة الذائع الصيت وهو رمز اسلامي علي قول احدهم له قعر وجري الحديث عن الكهانة في الأديان ولاحظت انه صامت فبادرته ايه يادكتور ماسمعناك فقال : انتو في بيتي وأنا عالم دين ورئيس حزب اسلامي تشربو الشاي بتاعي وتستنكرو فتاوي العلماء وهسي لو قلت رأي تقولو منحاز قومو من بيتي نمشي برة نوريكم الدين بفهمي ضحكنا وخرجنا تاركيه غاضبا
العلماء ياسيدي وكهان الديانات جميعها يعتقدون انهم لسان الله في الأرض وان فتاويهم حق وغيرها باطل هذا غير الفتاوي البيش اللتي تفصل علي مقاس السلطة أو لازاحة الأعين عن أمر ما كما في حادثة ختان الاناث قبل فترة