اولا الاستقلال الاقتصادي للمرأة او على الاقل المشاركة في الانتاج ثم ياتي بعده العيش الكريم يعني عيش مع توفر الحاجيات الضرورية للحياة من طعام متوفر وعلاج وتعليم مجانيين .ودي كلها ما بتحصل الا يكون معاها ديمقراطية في الحياة السودانية .عشان الانسان السوداني يكون متعايش مع جاره المختلف عنه دينيا وعرقيا وبالتالي مع المرأة اذا كانت ابنته او زوجته .
هل كل الحاجات المذكورة فوق تلغي مسألة الشيلة؟ الشيلة في رأيي احتياج اقتصادي وتعويض عن تربية البنت (لازالت معتبرة عبْ ) وامتحانا لمقدرة العريس القادم انه ما يرجعها ليهو تاني بحجة العسرودخلت فيها البوبار واستمراء المسالة . هل من الممكن التحدث عن مساواة من تشيل الشيلة مع البدفع الشيلة؟ هل ينظر دافع الشيلة بمساواة لجابية الشيلة؟ هل تم زواج تم في السودان بدون شيلة ؟ كم في المية يعني؟
في اعتقادي ده الجزء الاساسي من معاناة المرأة في السودان وهو الورا كل الحاجات البتحصل ليها وعليها بعد الباسها لباس ديني مزيف .
في رأيي لو ما اتناقشت المواضيع دي حيكون نقاش فوقي .
|