الحبيب دكتور سيد
لو لا الكلام الفي بوردك طويلة كنت إقتبستو كمرجعية لي حلاوة اللغة والأدب والتأدب وزيادة على كدا أنها كتبتها إتا بي ذاتك وحلاتك.
لكن الحبيب ودا كلام جد حتى لو زعلك، وانا عارفك ما بتزعل مني؛ لأني قريبك وصديقك وحبيبك ومنك وبيك وليك.
كلامك مرفوض
وبالله لو بي عامل السن وأنا عارف أنك سيد الأدب ذي ما إنتا سيد قنات
ولا لي عامل الأقدمية العسكرية، ما الإنضباط إنتا شاربو ودارشو (دارسو)
ولا يا أخي بي حق خوة سودانيات الراضعين منها وماكلين منها وعايشين فيها
تأني كلام ذي دا ماعايزينو
عايزين ميثاق المحبة
يحمينا
يرعانا ويراعينا
ما نزعل زول فينا
ولا يزعل زول مننا
ودا يا هو شعارنا
الخاتاهو ود الحاج وإلتزم بيهو
وإحنا يا نا ماشين وبنحاكيهو
قال ليك حالد
(الماعندو محبة ما عندو الحبة)
وقاليك مولانا
(انت انسان نبيل الخطى صادق العزم و العزيمه صبورا على المكاره و المحن و رمزا للنضال الصامت)
وقالت ليك الحنينة حنينة
(فيا دكتورنا الكريم هل ترانا بقلبك و عقلك معك)
وقال ليك الأديب الإنسان شقليني
(ونتعطر بخمر رؤيتك ، ونعُب من النفس الباهرة)
وقال ليك الأديب الشاعر وكل الجمال
(فما الذي يدعوك لوداع من أحببت ؟)
وبقول ليك عن جد،
حتى لو أحدت إجازة، عاوزك تتمم يوماتي وإعتبرها الدايرو داك
لك الحب والشوق وإنت معي كل لحظة
|