[بابكر مخير]

المشاركة الأصلية كتبت بواسطة سالم أحمد سالم

اقترح عليك أن تقوم بعملية تسجيل بالصوت والصورة لكل ما كتبت
وأنا متأكد أثناء عمليات السجيل سوف تضيف الكثير مما تعوقه
عملية الكتابة .. بعدين التسجيل أسهل لأنك حسب ما قلت لا تعرف الطباعة
بالمناسبة يوجد برنامج يجعلك تملي على الكمبيوتر الذي يكتب ما تمليه عليه
والاستاذ خالد الحاج يساعدك في الحصول على البرنامج

يا أهل هذا المنبر أدفعوا معي في هذا الاتجاه حتى يستسلم الأستاذ شوقي
للتسجيل

الحبيب سالم
أولن تبادي، سلام
تنين، كل عام وإتا بخير
تالتن مرحب بيك، ما أصلي كنتا غرقان، ودران وتايه
رابعن والأهما؟؟؟؟
زمااان شوقي قدمني هنا لسودانيات وخلاص قلتا ود الخال، صاحبني وأقوم ياهو أناصحو...
قلتا ليهو هنا متل كلامك دآ..
وعينك ما تشوف إلا النور، ما عيني شافت نجوم الغايلة والعاب نارية نص النهارية....
سكتا وسلمتا أمري لي الله،،
يمكن يوم يقول والله ود عمتي كلامو صاح...
الحبيب الغالي، أضم صوتي ليك وخليها تبقى ذي ما تكون...
بروف قاسم بدري عندو قولة لا زالت تطربي مسمعي..
"دقة تفوت ولا حدي يموت"
بس الحبيب أسرك، سر...
شوقي دآ ذي شجرة الدليب، برمي ضلهو برآ..
ما بعيد كلامك يكون وقعهو إيجابي وشكرن ليك على النصح
دمت