[هيثم علي الشفيع]

المشاركة الأصلية كتبت بواسطة رأفت ميلاد

سلامات يا هيثم

تعرف أنا ما بفوت ليك موضوع .. لكن عنوانك جابنى جرى .. قلت هيثم قلب ولّ شنو .. ولقيتك قلبت قلبة ما مطمنة

تعرف قصة تمشى لدكتور نفسى عندنا مفهوما بليد شديد .. لكن والله شايفك محتاج شديد .. الأنت فيه ده درجة من (الدبشرن) ومحتاجة علاج .. الموضوع ده ما تهملو

أول ما جينا هنا كنا بننتقد الطب بتاع الخواجات .. نقول (لامن يغلبم العلاج يقولوا ليك حالة نفسية) .. المشكلة بتاعتنا بنقرن الحالة النفسية بالجن البطقع

ياخ حالتك ما عجبتنى شوف ليك دكتور نفسانى .. أنا عندى دكتورة زى العسل بزورا شهرياً بسبب وبدون سبب

عمنا رأفت كيف حالك؟؟

ما تتخيل كلامك الفوق دة عجبني قدر شنو...

لكن يا عمنا نسيت حاجة مهمة خلاس....
إنت قايل بلدنا دي فضل فيها طب؟؟؟؟ كان نفسي كان غيرو؟؟؟

الموضوع الذكرتو في البوست دة بيتكرر علي في فترات كتيرة جداً ، واقتنعت تماماً بي قصة الطبيب النفسي...لكن تصدقني لو قلت ليك مشيت لي تلاتة؟؟؟
وتعاملم معاي كان (مهبب جداً) بالنسبة لي وكان بيقولوا كلامات شفتها فارغة
نوع (ردد : أنا سعيد...أنا سعيد كل صباح)
(ما تستسلم لي أحزانك ودبرستك وخلي علاقتك قوية بي ربك)
........
....
فقلت النطرح القصة دي على ناس سودانيات
يمكن يلقوا لي حل

وكان لي الدكتورة الزي العسل دي..............فتشتها لمن حفيت
ألقاها زي العسل تطلع نساء وتوليد
ألقاها بتشبهني...تطلع نفسانيةgap

تطير عيشتي أنا ياخ