اقتباس:
المشاركة الأصلية كتبت بواسطة تاج السر الملك
تأريخ العنف 4
ثم لا تلبث اصوات الجهادية أن تتعالى عبر الأزرق الآخر الذي سيلتقي بنهر الحساء ذات نهار قادم، و حينما كتبت النجاة لبعضهم ، هتفوا في صوت موحد
(يا ناس اب حراز هوى..مهروا نسوانكم فوق الصبي ده)
.
|
جهادية الحلبونا ؟
معانا زميل مصري - في سوق الخردة في جدة - لما يجيه زبون يتلولو معاهو بقول ليهو :
ما تِحلِب معانا صافي يا واد ؟!
حلب لحلب الجهادية ديل ما يحلبوا معانا صافي بقى !!
القال ليهم مصعانين منو ؟ هو التِمِهر دا ساي ؟
و الله يا ملك كتابة سوتا فينا تب تحلق بينا فوق سقف العالم لتسقطنا في عمق الواقع الصادم
بعد ما نتمدن تمرقنا من لندن ديك نطرأ الحمير البلدن
بالنسبة لي تراجعت الشعرية و معاها الرمزية لصالح السرد لحدي ما المساعدي - مساعد الحلة - عملها واضحة وشينة كمان . . . لما ما احتاجت مترجم !!! . . . و بي كدا هزم آخر احتمالات المثاقفة البدت اول رحلة اللوري مع حضارة الغرب . . . ( استغربت لوصفها من قبل ( هانس ) ذات نفسو بـ" المقيتة " او نحو ذلك )
كرم وفادة ضيف . . . ثم صلاة . . . بالمناسبة ( هانس ) قال لما حل المساء المسكين حرم حتى فرصة انو يدرك انو في المساء للمسلمين ثمة صلاتين الاخيرة اسمها العشاء البعدو ما في اختشاء بما يبرر اخراج الزجاجة الخضراء و سائلها الشفاف ( الطيب) على حد تقديره هو . . . لكنها - العشاء - ما اظن تبرر الحجات الخرجت و دخلت تاني دي . . . الخواجة ما قال راية هل هي برضو ( طيب ) ؟ و لا الشي ما جديد عليه ؟
و الله يا مساعدي السويتها رقدت دريش . . . يا اخوي ( مافي اختشاء ) دي كان مطيتها لحدي بكرة ما بتستر عورة فعلك دا
صراحة ناس اللوري احرجونا في المثاقفة دي . . . الجماعة ما زالو يلعقو جراحهم من غزوات مصطفى سعيد لسه . . . دا عنف يستاهل كرت احمر
يا تاج متابعين تاريخ العنف و بتمنى ربنا يحضرنا زمن ربة شعرك تمر بوادي عبقر " ام نخيل " و صويحباتها لتؤرخ لنا شعراً عنف الطلاب او " هولاء " كما ورد في نص / فيلم حديث متداول اليومين ديل في الخرطوم
التعديل الأخير تم بواسطة قيقراوي ; 15-02-2009 الساعة 12:57 AM.
|