اقتباس:
المشاركة الأصلية كتبت بواسطة يحي عثمان عيسي
اجتماع رئاسة الاجهزة الامنية
بسم الله والحمد لله نبدأ
- الجديد شنو
- سعادتك الزوبعة العاملاها شركو وطواتكو
- ايوه ده موضوع امني هام
- مقترحاتكم
-
طيب اكتب حيث ان المشروع ذو صله بالامن القومي وله تداعيات اخري يحول المشروع بامر جمهور سيصدر الان الي جهاز الامن
- سعادتك جي فاكس الامر وصل
- لكن سعادتك ما شرحت لينا جهاز الامن حيستفيد شنو من المشروع
- اقول ليك بعد ما المشروع ينجح ونتأكد من انتاج الوطاويط تجاريا حنلزم كل مواطن سوداني بشراء وطواط الرجال وطواطه والحريم وطاويط . بعد داك وبالتنسيق مع الجهات التقنية سيتم زرع جهاز داخل الوطواط متصل بجهاز اخر مربوط في يد المواطن والجهازين بي ارقام محدده متصلين ببرنامج الحاسوب المركزي بجهاز الامن . طبعا بي سعر يتم تحديده وفق دراسات الجدوي لاحقا
- الهدف منو شنو سعادتك
- كدي خلي واحد واطي تاني يوطوط حرم قبل ما وطوطتو توطوط نكون وطوطناهو
هتافات : واط واط واط ويط ويط ويط
(هي لله هي لله لا للسلطة ولا للجاه )
يا
[justify]
يحي مالك علينا عاوز تجهض لينا مشروعنا قبل ما يبدا .. ذكرتني صديق من الجزيرة قال كان عندهم عرس في قريتهم وابو العروس متزمت جدا قال ما عاوز اي حفلة .. بعد تعب الجماعة اقنعوه .. انه هي مره في العمر ومناسباتنا قليلة وعاوزين نفرح .. قاليهم خلاص تعملوا حفلة لكن على شرط ما في راجل يقوم يرقص .. الجماعة على مضض قالو ليه ماشي .. راح جابوا فنان من مدني .. ولسوء الحظ الفنان الجابوه كان عدنو استراتيجية ( حلوة استراتيجية دي ) انه يخلي الموسيقى تبدا في الاول ويجي شايل المايك من الداخل وهو يرقص الى ان يصل المسرح وبعيدها يبدا يغني( عامل فيها راغب علامة ) .. والجماعة اصحاب الحفلة الاقنعوا عمك ما عندهم فكرة .. لكن فجاه يشوفوا ليك الموسيقى بدت وصاحبنا جايي يسكسك من بعيد طلع المسرح .. بس لحقو ليك ( انزل يا ..... هي متين بدت عاوز تفرتكها)
هسع انت مالك عاوز تيس لينا وطاويطنا وتفرتق المشروع قبل ما يبدا ..
[/justify]