[حافظ حسين]

المشاركة الأصلية كتبت بواسطة فيصل سعد

سلامات يا سلفي و ان شاء الله روقة .. سؤالك طبعا مبني بالنسبة ليك كما تفضلت .. و رؤيتك ما بنقدر و ما من حقنا ننسفها ليك .. لكن ممكن ناكد ليك انه الاحترام ديدننا خلق و اخلاق و ما تشيل هم ابدا في الحتة دي .. احتمال الهظار الكتير و التلقائية و العفوية تسببت في ظنونك دي .. لكن كمان يا صاحب "من خلى عادتو قلت سعادتو" و نحن معروفين في هذا المنبر و منذ تأسيسه ناس "ونسة و طق حنك" و اجتماعيات و ما عندنا كثير اهتمام بمواضيع الثقافة و السياسة و الفكر و الايدلوجيا .. و دا برضو احتمال بولد عدم احترام و كدا في مخيلة اصحاب و رواد تلك المدارس يا وريف .. و اتمنى الاجابة دي تكون مقنعة ليك و قبل ان ننتقل للسؤالين البعدهم احب ان اسجل لك ملاحظة صغيرة يا حافظ يا اخوي و هي انك في كتاباتك المختلفة هنا في المنبر تحاول ان تبتعد عن العنصرية المضادة في منافحتك للعنصرية و عدم شخصنة و عنصرة المفردات باللون و الجنس و القبيلة .. و انا بالنسبة لي برضو شعرت بحقد و حسد في تداخلك في موضوع زواج نجل الدكتور الشفيع خضر من فتاة صينية .. و دي مواضيع اجتماعية و بها خصوصيات اسر و افراد .. و في الافراح الناس بتهني و تبارك و هي ليست مناسبات للسخط و اللوم و العتاب فتلك لها ميادين و ساحات اخرى كما تعلم و انت سيد العارفين ..

و نواصل .. بعد وصول عمنا قرقاش صاحب البوست
عشان يدينا الضؤ الاخضر و يعتمد الاستضافة ..

are u serious
علي العموم بجي راجع ربما في بوست منفصل عشان ما أخرب علي قرقاش بوسته