[أبوبكر عباس]

أمريكا المشيت ليها أنا دا، قبل شهر، فيها يتم متابعة تلاميذ المدارس؛ لرصد المتفوقين ومتابعتهم وديل هم البسوقوا البلد مستقبلا والباقين عتالة، بالمناسبة العتالة ديل فيهم مليونيرات، لكن برضو عتالة.
في السودان لو حذفنا أنبياء الدين، بنلقى الجميع بشكل أو بآخر قاعدين بتحولوا لعتالةـ ببساطة نحن بلد المساواة في العتالة.
فعلا نحنن،
إبداع نهي نهي!!

نسيت أستثني أغاني الحقيبة!!!
الجاقريو كان ماشي بزقاقات أبروف ومعاهو سرور، شافوا ليهم بت دايرة تدفق موية البلاعة في الزقاق، البت لمان شافتم؛ إدّست ورا الراكوبة، الجاقريو أنشد:
حاول يخفي نفسو، غيّر إتجاهو
سطع النور في أفقو وكل المار رآهو
شفناهو شفناهو
قبل ما يدخلو الزقاق التاني، سرور كان لحنها