[admin]

كتبت دكتورة بيان :

الضرب بيت الضيافة هم مجموعة حماد الإحيمر وأذهري جودة . اللواء بتاع الدبابات- تي 55- الروسية.
العساكر العملوا 25 مايو. شباب متعلم وكانوا طالعين من تجربة أكتوبر وواعين قاموا بي مايو 69 وكانوا متخيلين أنهم حا يلقوا حاجة ولقوا نفسهم مجرد عساكر. كان معاهم محجوب برير ومحجوب كان بيفتكر إنو هو العمل الإنقلاب وصاحب الفكرة. العساكر قالوا ليهو يا سعادتك نحن طلعنا ساكت ، قال ليهم ما تخافوا بناخد حقنا.
زميلنا المهندس فائز حسين أحمد حسين كان عامل دعوة عشاء في منزلو بمناسبة زواجو كان مزمل غندور من المدعويين قابلو محجوب برير وقال ليهو أنا بسلمك البلد دي بس قول لي أنا موافق. مزمل خاف ومشي لي جعفر نميري محجوب كان جادي لكن مزمل شك فيهو وخاف يورطو. قام نميري وداهم مصر بقيادة محجوب لدراسة –تي 55- وهناك إتوطدت العلاقة بينهم وجو جاهزين لي إنقلاب. محجوب قابل بابكر عوض الله وقال ليهو أنا جاهز وبابكر وافق ليهو لكن سعد بحر قام كشف المسألة وفصلوا محجوب من الجيش.


أما 19 يوليو فقامت بدبابات عبد المنعم محمد أحمد ودي دبابات إنجليزية لأنهم كانوا خايفين من العساكر بتاعين الدبابات تي 55 . قام العساكر بتاعين الدبابات تي 55 كسروا المخازن بتاعة السلاح وضربو القصر وبيت الضيافة. وإتفاجؤا بخروج نميري في ميدان كتشنر-ميدان الشهداء-
صلاح عبد العال ركب عربتو وإفتكر ديل "الزنوج الأحرار" ومشي الإذاعة وبدأ يردد لقد عدنا. العساكر لقوا محمد إدريس (دبابة) في الشارع قالوا ليهو ارح ذيع لينا البيان وقالوا ليهو نحن ثورة جديدة. بعد كده تم حل مجلس الثورة والعساكر أخدوهم ودوهم ليبيا لحضور إحتفالات الفاتح وخلوهم هناك. وعملو رئاسة الجمهورية.

العزيز خالد
من الافادة اعلاه هناك خلط كبير فى الوقائع..
مثلا ان يحضر لهذه العملية اب شيبة و الهاموك... بحيث يقيموا حراسات
ثم بعد ذلك يأتى الاحيمر و وجودة الذين تم تسريحهم من قبل الانقلابين لقتل الاسرى
الذين تم حبسهم فى الاصل تأمينا للانقلاب..
ثم ان الاحيمر وجودة اتو الى القصر لتخليص نميري.. وكان ضباط المدرعات يهتفون عائد عائد يا نميري
وكما انهم دخلوا للخرطوم من الشجرة من الناحية الغربية.. حيث حاصروا القصر..
و القتل فى بيت الضيافة الذي يقع فى الجهة الشرقية كان عن قرب.. والدليل تقرير التشريح ان هناك حروقات تدل على قرب المسافة التى تم بها اطلاق النار..
والى الان اتمنى ان تأخذ روايات حراس الحراسات الاحياء اذ ان الحردلو قد تم اعدامه
وتبقى حراس القصر وحراس جهاز الاستخبارات..
كلاهما اقروا بوصول محادثة تلفونية تعلن لهم فشل الانقلاب وتطلب منهم تصفية الاسرى
ومنها علم ان المتصل هو اب شيبة..بشهادة الناجين...


مما قاله اللواء كسباوي

التحضير تم بواسطة.. العقيد محمد حاج حسين ابو شيبه.وعبد المنعم محمد احمد الهاموش قائد اللواء الاول مدرعات...وكان سند الانقلاب من الحرس الجمهورى.

ورفضت قوات اللواء الاول. صف الضباط الاشتراك..مجموعة..ازهرى جوده.والاحيمر...وتم تسريحهم..وحجر السلاح...

الافادة الاولى تناقض الافادة الثانية..