[الوليد عمر]

من مشاركة الأخ العزيز محمد أحمد :

المشاركة الأصلية كتبت بواسطة محمد أحمد

جاءني "ابن أبيه - زياد محمد أحمد - مُحَـمبـِـكاً ، ضارباً ومضروباً في عكـّة بمناسبة مناداتهم بيــا " زول يا زول يا حبــّة بنادول ، في لحنٍ سعودي بهيج تصحبه صفقة أما الوجه . حيث درج أقرانه في الصف الثالث الإبتدائي بممازحتهم ، هو وإثنين من اصدقائه السودانيين ، حينما تُـعجـِز أؤلئك الحيلة في السـخرية بهؤلاء الأزوال .. فطيــَّبتُ من خاطره ، وأفهمته بأنّها شرفٌ لهم ، والزول هو ، وهو ، وهو و : زولي ما بنقاس ، زولي فايت الناس ، وبي يرهب الفُرَاس ، زولي شايل الكاس (بس ياالجدّك العباس دي ، خلـّيتا لي أوان آخر لامن نصفى على شيئ من الهوية وووينو الليلة وينو الزول .. وقد نشغـِّل المسجِّل وندِّيها عرضـَة عرضـَـتَـيْن

فطاب بها ، وطبتُ ، وطيـّبها لصدَيقَـيه ، وكان ان كتلو للسـاخرين منهم " الدُّش" في إيدهم ! [/color]،،

أكتر السودانيين عرضة لإساءة فهم هذه المفردة هم الموجودون خارج السودان خصوصا فى الدول العربية حيث يطيب لهم التندر بالشخصية السودانية لإختلافها عنهم فى الشكل والمضمون والقيم والأخلاق وحيث أن السودانى فى الغربة جاد للغاية فى عمله وفى حياته ولا يسمح أبدا بأن تشوبه الشوائب .. لا يجد الإخوة العرب ما يتندرون به عن السودانيين إلا فى العبارات والألفاظ التى يستخدمونها بالتعبير عن أنفسهم .. ومنها كلمة يازول ..

أذكر مرة أن أحد الزملاء الأردنيين وهو يعمل معى فى دبى .. كان كثير التندر ب " يا زول .. يا زول .. يا حبة بنادول .."
فقلت له : نحن نخاطب بعضنا بمفردة أجمل بكثير مما تخاطبون به بعضكم البعض ( يا زلمة ) حيث أن يا زلمة أصلها زلم وهى تعنى الصنم أو التمثال وحيث كان العرب يضربون الأزلام ويعتقدون فى مشورتها قبل القيام بعمل ما وأخبرته عن كلمة زول و دلالاتها فى اللغة العربية .. (فبهت الذى سخر ) .. ولم يهزأ بهذه المفردة (السمحة ) بعد ذلك ..