[عصام اليقين]

اقتباس:
المشاركة الأصلية كتبت بواسطة وجدي الأسعد الأسعد
العزيز عصام
كان ردي بناء علي الرمية دي:

المهم
عليك الله كلم د. حيدر دا خليهو يسأل حجازي سؤال استنكاري (ترى كم لبثنا في مرقدنا هذا؟)
كلام حجازي المنقول على لسان د.حيدر
اداني احساس انو حجازي وحيدر ديل عبارة عن حجارة ملقاة في الطريق
وقاعدين يتونسوا سوا التاني يقول للاول (في شنو؟ الحاصل شنو؟! الزول دا مالو لابس كدة؟! وين الجلود الكان بلبسها؟! ووين الحيوانات ووين الديناصورات؟!)
الأول يقول للثاني (أي واللاي دا يا ربي يكون من شنو؟!)
التاني يقول ليهو (يكون من القهر، فالقهر يهلك الانسان ويبيد الأشجار ويقتل الديناصورات) gap



على العموم فهنالك حجا زوزو باليابان يقول ان الشباب ضايع وسبب ضياعه التكنولوجيا وأيده الكاتب الكوري حيدا ياماكي
بينما هنالك كاتب امريكي اسمه حجازورج ارجع ضياع الشباب الى القوى الرأسمالية وايده في ذلك مؤلف مكسيكي يدعى حيداباتا

وغايتو نحن ما عارفين نصدق منو زاتو!!
نصدق حجازي بتاع القهر ولا نصدق حجا زوزو بتاع التقنية ولا نصدق حجازورج بتاع الترطيبة تؤدي للتهلكة
بس لو الحجازيوون اتفقوا قطع شك الحيدارفة ح يوقعوا علي نص الاتفاقية وهم مغمضين gap




سلامات وجدي

طبعا ماترمي اليه في تحليلك عين المنطق، ولكن الموضوع هنا المرحوم محمود، ولربما لانه محمود شخصيه عامه، ولذلك اغلب الكتاب او المحللين ابدواء رايهم في حاله التدهورالتي حصت له قبل وبعد وفاه، لسبب بسيط لان كل مصايب الوطن تجمعت في شخصه، لكونه شخصيه عامه، واي تغير في الشخصيه العامه يلاحظ من الكل، خصوصا بعد ظهوره في برنامج اغاني واغاني، وحتي انا قد نزلت موضوع هنا في المنبر ادنت فيه قناه النيل الازرق ، لقدرتهم في تعديل التصوير قبل العرض، لانو كان مسجل، ولكن كل كاتب يغني علي هواه، منهم من ادخل صراعاته السياسيه او الحزبيه في تحليله، لان الموضوع يخص شخص مهم لدي اغلب فئات الشعب السوداني ولذلك الكتاب انتهزو الفرصه لسرد الاراء السياسيه، الحزبيه، او الشخصيه، ولكن مصائب محمود من المؤتمر الوطني او الحزب الحاكم لاتخفي علي سوداني، ولربما كانت اسبابها ليست ذات علاقه بالحزب الحاكم وكانت مع اشخاص من الحزب الحاكم ، ولكن الظاهر لربما يسهل التصويب للحزب الحاكم، خلاصه، كلنا شركاء في اهمال الوطن، ولذلك العلاج مهم

تحياتي