متوسداك
جميل هذا الليل
يجعلهاعارية امامك متوسداك |
يا أمهم سلامات
. . بالنسبة للكاف في آخر متوسداك هل هي الكاف الجنسية التي تفيد التأوه والاثارة أم هي راجعة لليل علماً بأن التعري في ظلام الليل لا يُفيد المشاهد شئ اذ يبقي الخيال كما هو .. لا واقع يُنظر . ثم الود قائم قيام النهار والمحبة |
الكاف الجنسية دي شنو كمان؟؟:D
|
اقتباس:
اقول قولي هذا واستغفر الله لي................. |
اقتباس:
ديك مافيها كاف.... |
اقتباس:
دي ما قايلة بتفوت على فطنتك النحوية.. مش في حاجة اسمها "اسم جنس جمعي"... الكاف الجنسية نفس الشي ياخ:rolleyes: |
اقتباس:
ده الاخدناه من الدراسة باللغة العربية اذ انها تُعلم الحروف الابجدية وتبعد الحروف الحسية :D ( من الضرورة في حال الكتابة ان تحاور الكاتب بلغة يفهمها ) قالها ارستوس فيلسوف يوناني مافي :p ربما من الضرورة الآن فتح بوست يشرح الحروف الحسية وربما ساحدثكم عن القاف كحرف قنت جايا من يقنت |
سلام ام التيمان، هديه ليك،كلامك ذكرني باغنيه فرحانه بيك كل النجوم http://www.youtube.com/watch?v=7axuKDgocEo فرحانه بيك كل النجوم كلمات الشاعر : مدني النخلي فرحانه بيك كل النجوم لا نام بريقا ولا انطفى ما الريده يا ام قلبــاً ندى ذاد القلوب المرهفه وانشاء الله طول ما حبي ليك لا يطل حزن لا يكون جفا شفتيني كيف...؟ شفتيني كيف انا ببقى بيك سيد الفرح والريد براى تشرق شموس زمن الهنا ويرحل جفاف عمرى وصباى وانشاء الله طول ما عمري ليك ما تنجرح عزة هواى بحلم معاك... بحلم معاك انو الحزن غيمه وخلاص رحلت بعيد وانو اللي باقي من الزمن ومن عمرى كلو بعيشو عيد انشاء الله طول ما حبي ليك ما نعيش زمن قاسى وعنيد جيتي ومعاك.. جيتي ومعاك جاني الصباح عْم الشروق حزن الحروف يا طيبه زي دفقة طمي بالخير غشت جدب الجروف انشاء الله طول ما عمري ليك ما نلاقي يوم قسوة ظروف تحياتي |
متوسداك بالزاف
|
اقتباس:
أَلْهَاكُمُ التَّكَاثُرُ (1) حَتَّىٰ زُرْتُمُ الْمَقَابِرَ (2) كَلَّا سَوْفَ تَعْلَمُونَ (3) ثُمَّ كَلَّا سَوْفَ تَعْلَمُونَ(4) كَلَّا لَوْ تَعْلَمُونَ عِلْمَ الْيَقِينِ (5) لَتَرَوُنَّ الْجَحِيمَ (6) ثُمَّ لَتَرَوُنَّهَا عَيْنَ الْيَقِينِ (7) ثُمَّ لَتُسْأَلُنَّ يَوْمَئِذٍ عَنِ النَّعِيمِ (8) سورة التكاثر تنبيه : انتبهي فيما تكتبين فسوف تزورين المقابر يوما ما وسوف تعلمي ... |
اقتباس:
جميل هذا الليل، يجعل نفسك ودواخلك مكشوفة وشفيفة متوسداك، أي أن روحك ونفسك متصالحة معاك. شكراً يا أميرة، لو كنت مكانك، كنت كتبت في نهاية المداخلة الأولى: كل زول بونسو غرضو ــــــــــــــــــــــــــــــــــــــــــ * الحبيبة هي مؤنث الحبيب عند الأنصار غرضكم ما يمشي بعيد |
اقتباس:
اقتباس:
شكراَ الحبيب* بكة بالزاف بتاعة شليل كتمت نفسى .. أتخيل متوسداك الليل كلو بالكاف بتاعة ود المصطفى :eek: ياخ ده خراج روح :p * برضو أنصارية ما عندها علاقة بالكاف إياها :D:D |
اقتباس:
بس يا عبد الحكيم ياخوي مفتش ضماير ونوايا الناس مالك؟؟؟ الضيق بي حق الآخر في التعبير عن نفسو ده لمتين يامسلمين؟؟ صلح دينك انت وخلي الخلق للخالق تهديد ووعيد وتنبيه وتذكير وتعنيف وتخويف وترهيب وتبغيض وتصنيف وتهليل وتكبير وتهويل وتجريم.. .واللهي يا اسلاميين افسدتو علينا دينا زاتو وضايقتونا... في أي ملف داعية وواعظ ومنفر يقرصن حنان ابوافكارك زاتا... ذبحتووووووناااااااااا --- انتو اسمها قال محمد شنو؟؟؟؟ كاف الجنسية؟؟؟؟ أنا كرطانية يطرشني غايتو مهند وشوش بطلو غتاتة وثقفونا معاكم.... اميرة واللهي اجمل مافيك انك بتطلقي خيال الشعب ليك التحية يازولة وكوني نفسك |
اقتباس:
الدوره دي يكفينا مية دورة لقدام! البقول ليك دين الكيزان زاتتو...وياخدلو وقفة! ويتمها الماعارفين جايبنو من وين؟؟ ويكون كدا فكه خرمته فينا...غايتو يا الشيوعيين كان علمتونا سب الدين في عمرنا دا تبقى عوجة...الله لا جاب أخركم |
اقتباس:
كثير من الناس الماشة في شوارع الله دي ماعندها دين يعني لو سبيت ليهم بتكون طلقة فشنك ساكت و ماعليك شيء وفي نوعية رافعة رايات عديل ودينهم مخروم ينقط موية زي دين الكيزان ديل اها النوع دا يجوز تسب ليهم تكعيب ويمكن تلقى فيها أجر كمان اقول قولي هذا واستغفر الله لي............... |
الساعة الآن 04:06 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.