سودانيات .. تواصل ومحبة - وانكَسَرَ المِرِق...

زوامل احزاني من يوم الرحيل حيرانة

تاهت في الدروب من اللجام فلتانة

هايمة عيونا في اللربع قبل بي اركانة

تاركة الزاد وحتى الري وفاردة بطانة

تبكي عيونا دم... منو السدور مليانة

أما كريرا جوة الجوف تقول جبخانة

يتفجر رصاصو مولّع دانة تلحق دانة

قتلها يازوامل احزاني وييييين صبرك؟

وينو ايمانك المعهود عليك أمانة؟!

...

اتنخجت بكا وطلقت حبال احزانة

قالت لي ياعسوم :

داخالد...
المِرِق البشيل معمور

داخالد ...
البنا للخلوق الضُل وختّ السور

داخالد ...
الخلاّ ابوابو مفتوحات:

للضهبان يشع نورو

وللحيران يفك حيرتو
وللحفيان يلم قدمو
وللعميان يقود رسنو

وللجيعان ...

قداحتو مليانات يجن بالدور

لكنو ياحرقة حشاي
فات خلاّ البكانات بور

وبي فوتو انكسر المرق
واتشتت المعمور

وعيونّا
من يوم داك
كبن شو
بلا دستور
...
..
.