*ثم انو العمل الخيري*
 

رسالة للادارة الجديدة
كترت عليكم الرسائل
عارفين والله
واكيد انكم بتتحسسوا طريقكم ويادوبكم بتتخطوا
في الاشواك والحفر والمطابات
رسالتي
تقييم تجربة العمل الخيري بسودانيات
الناجح منها والمتعثر والمعلق
جرد حساب ماذا قدمنا وما الذي تقاصرنا او تقاعسنا عن القيام به
تجربة افطار طالب والحماس الصاحبا
والمبالغ الاندفعت والاقتراحات الكان ممكن تدفع التجربة
ولم يتم التعامل معها بالجدية اللازمة
شخصيا اعطيت صوتي لمرشح وضع في برنامجه
المسألة بصورة واضحة
فهل نأمل ان يتبني المجلس الجديد هذه الرؤية
ويضعها نصب اعينه؟

ثم إنو البوست دا يكون عون للإدارة ..

ليس محاسبة .. لكن أرجو أن تنزل التقارير هنا و تقييم التجربة يكون من المشاركين فيها

نجاحاتهم
مشاكل واجهتهم
التزام العضوية بالدفع ( و دا عصب العمل الخيرى)
مقترحاتهم ..

و من هنا الادارة تكون متنورة ..

شكرا يا آمال
لأنك ما عاوزة تقيفى بعيد و تحاسبي ..

سلام ياباش
وكسودانيين تجاربنا بنفوت فيها ساااي
لا بنوثقا لا بنقيما
شان كدا لا بنستفيد من اخطاءنا لا بنمشي خطوة
ودايما سايقنا الحماس والهوشة وشايلانا الهاشمية
خليك قريب وخلينا نسمع من الفاعلين في الجانب دا
حتي الحردانيين بسببو شليل نموزجن:)
ابقي طيب

دا كلام زى الورد ياباش
_________
تحياتى امال

مع انه الادارة السابقة اسهمت في اكبر عمل خيري
بمشاركة فاعلة من العضوية

ولكن اخفقت في دفع مسيرة مشروع افطار طالب

انا واحد من الذين يتحملوا مسئولية هذا الاخفاق
بوصفي عضوا في مجلس الادارة السابق وواحد من القائمين على الامر
من بورداب الداخل ومستعد للحساب والمساءلة من واقع هذه المسئولية

توصيتي للادارة الحالية:
توزيع الادوار والتكليف والاشراف المباشر على التنفيذ


نسيت احييك يا امال على البوست ده واشكرك جدا
ونسيت اسلم عليك ياخ في البداية فعذرا

تحياتي يا بت الشيخ

شكرا يا آمال
 

معاكم قلبا وقالبا

سلام جيلي
وعامك سعيد
منتظرين مساهمتك في الخيط دا
وربنا يرحم خالد
تسلم

سلام دكتور وعامك سعيد
واحييكم انا برضو علي المجهود
فعلتو مابوسعكم ياحبيب في ظروف السودان التي يعلمها الجميع
ولستم ملامين ابدا ولكم مننا كل الشكر
ولسة مافات شي
توصيتك للمجلس يجب الاخذ بها
وبتمني ناس المجلس الجديد يفوضو زول يجينا بجاي ويورونا رؤيتهم
حول العمل دا
ويتم اشراك اعضاء خارج المجلس
والاهم توثيق التجربة وتقييما والخروج بتوصيات
وتحديد اسباب الفشل ومواطن الخلل

مشروع افطار يادكتور دا حازي في نفسي شديد
وخلاني احس بالاحباط
قدمت ليكم مقترحات عملية جدا
لم يتم حتي نقاشها
ومانورتونا المبالغ الاندفعت مصيرا شنو؟

شكرا ليك

تحياتي يا امال

حسب رؤيتي الخاصة كنت اخشى التوقف بتوقف الدعم
فيتحول الموضوع من نعمة على هؤلاء التلاميذ الى نغمة

المبالغ الاندفعت مرصودة كلها وموجودة لطرف الاخت نبراس
اتمنى تجي تكتب التفاصيل

اقتباس:
المشاركة الأصلية كتبت بواسطة لنا جعفر http://sudanyat.org/vb/images/buttons/viewpost.gif

اقتباس:

معتصم صباحاتك ياباش حاضرين ياسيدي بس امهلنا حبة وكلامك ع العين وياريت البوست يكون للأفكار والدفع بي اتجاه تحقيقا وكل فكرة ح تكون بمثابة بذرة محتاجة عناية ورعاية وتفهم نوعدك خير يامعتصم ---- كل سنة وانت بخير معتصم وسنة حلوة عليك ومحققة فيها كل احلامك ومفتقدنك .... تحايا ومحبة لي احمد زين ومولي ونيبو وجوجو وكل سنة والجميع بخيييير وتامين ولامين

سلام لنا و مجلس الادارة ..

شعارى معكم و مع الأعضاء

من لا يقدم لا يحاسِب ..

يعنى ما ممكن كل النقدمو لمجلس الادارة انتخابهم ..

نحن نقترح و لو ضعت اقتراحاتنا فى برنامجهم نحاسبهم ..

لو كلفونا و ما نجح البرنامج ( نحن الأعضاء) جزء من الفشل
و النجاح للجميع و الفشل مسئولية الجميع أيضا

مجلس الادارة عليه التخطيط فقط و رسم الخطط ..

اقتباس:





بدون حساسيات .. سنردمكم مقترحات .. و تطلعات و أحلام ..

انتو جيتو بالهينة ..
دى "جيتة السجم و الرماد"*

يالنا العزيزة

ومجلس الادارة ..

لن نتوقع منكم برنامج قبل شهرين ..
لذا دعةنا نساعدكم بالمقترحات ..
و ما عندنا جهة نقدم لها هذا المقترح إلا أنتم ..


* ولادة السجم والرماد .. هي كما المخاض بالمرور تحت الناقة ..

مرحبابك يامجدي
واهلا بيك
وجميل انك دخلت من الباب دا
سودانيات عندها تجربة ثرة جدا في العمل الانساني
وانجزت الكتير
وقدامنا الكتير
رميت بياضك ياحبيب
ودقيت سدرك زيك وزي كل اهل سودانيات







خليك متابع وابقي قريب