الطريق الي اسمرا .... شئ من الشقاء .. كثير الجمال
كسلا , القضارف , بورتسودان , كوستي , ربك , و ........
كسلا كسلا كسلا كسلا الكمسنجية بتاعين الميناء البري الطبيعي طبعاً لما اشوفوك عريس اغلب ظنهم انك ماشي كسلا ... بقوموا ارددوها ليك كسلا كسلا كسلا كسلا .... بي نفس طويل وايقاع تنقز عليهو صقرية اما الواسطة في الميناء البري برضو بتنفع وليها تأثير يعني لما تلقي ليك قريباً ليك واقعدك في النص قدام التلاجة ... معني كده لما ترقد الكرسي الزول القاعد وراك ما بقول ليك يا خينا ما ترفع كورسيك ده كده شوية ياخ الصراحة والله شارعنا من الخرطوم لي كسلا شييييييييين شديد ياخ ... لا خضراء لا موية حتي تستقبلك كسلا الجميلة ... يقف شامخاً جبلها يستقبل القادمين ... كأنه يلوح لهم من بعيد وداً وترحابا جبال توتيل ... رمز الكسلاوية http://sudanyat.org/vb/uploaded/2281_1363828589.jpg |
كسلا ... وانا بنقل وجهة نظري فقط
صراحة كده ما الجمال البغنوا ليهو داك .... اللهم الحلنقي لما قال شعرو ... كتب في بلدو وبلدك مرتع صباك ومحل شبابك واهلك وعشيرتك طبيعي انها تكون جميلة ... جميلة بزكرياتك ... باهلك.. بي عزك ... بي الحاجات الخاصة بس انا كزائر ما بشوفا جميلا ولا حاجة ما لي فيها زكريات ولا اي ظروف تانية غير مرئية ... حا تكون بالنسبة لي مافي اي جمال لكنها ان وظفت كمدينة سياحية ولقت اهتمام من المواطن والمسؤول والحكومة اظنها ستكون من أجمل المدن السياحية اما توتيل ... فهو عالم الكسلاوية هناك يمثل وجدانهم وكيانهم ... العصاري وريحة البن ... وتجمعات الشباب .. يغنون بلهجاتهم الخاصة ... ويغنونا نحن الزوار بلهجتنا العامية ... وطبول ودفوف وتصفيق http://sudanyat.org/vb/uploaded/2281_1363829798.jpg http://sudanyat.org/vb/uploaded/2281_1363829960.jpg |
اجراءات السفر الي اريتريا لا تستغرق كثيراً هي فقط ساعة او دونها
ينطلق الاتوس الي الحدود بعد عدة اجراءات علي الطريق لنجد انفسنا اما خيط رفيع هو الفاصل بين السودان واريتريا هناك التقيت بالنقفة الارتيرية ... الف جنيه سوداني امتلاءت بها جيوبي حين حولتها الي تلك النقفة وابتداءت الرحلة داخل الاراضي الاريترية من منطقة الحدود الي مدينة تسنًي ... اخبرنا السائق انه من الضرورة المبيت بها حيث ان البصات التي تُسافر الي اسمراء تنطلق باكراً عند الصباح حسب قانون المرور هناك .. لا يمكن للبصات عبور العقبات والجبال في المساء او عند الليل ينتظرون مجموعة من الصبية عند الموقف يتفقون معك علي حجز مكان او مقعد في البص وقبلها ترحيلك الي الفندق الذي تريد في مدينة تسنًي لا اذكر اسم الفندق ... فقط استقبلتنا فتاة جميلة تجلس علي مقعدها تقلي البُن وتبتسم للقادمين لم استطع التأمل حينها لاسباب خارج عن ارادتي :D.... ربما هذا من دواعي الصورة ادناه http://sudanyat.org/vb/uploaded/2281_1363830879.jpg http://sudanyat.org/vb/uploaded/2281_1363831031.jpg الصور مهداة كذلك لمهند الخطيب ... والزول الخرافي :D |
أيامك والله..
حاسدك عديل يا ود المصطفى :D.. الفندق ده ذاتو نسيتو.. لكن وإنت طالع من سو تسني مسافة 5 دقايق بيلاقيك على يدك اليمين.. مسافة 50 متر على يدك اليسار بيلاقيك بار سناييت.. 200 متر على يدك اليمين كانت مكاتب الحركة الشعبية ، وعلى اليسار مكاتب مجد ، وعلى السماء كانت ريحة البن الحبشي ، والسحاب البكر.. ياخ مالك ياخ |
أتابعك بمحبة يا حبيب وقت الله ما ودانا هناك، خلينا نشوف بعيونكم:)
|
اقتباس:
حمد الله ع السلامة .. ابتلت أشواقك لبلاد الجمال والروقة يا عريس :D يا ريت تكون أخدت لقطات في بارنتو .. وكرن وأيلا برئت ... كانت أيام ما أحلاها ـ |
اقتباس:
سمحوا ليك كيف بالقصة دي:D ابداع يامحمد شكرا ياخ |
اقتباس:
المشاركة الأصلية كتبت بواسطة محمد مصطفي http://sudanyat.org/vb/images/buttons/viewpost.gif اجراءات السفر الي اريتريا لا تستغرق كثيراً هي فقط ساعة او دونها ينطلق الاتوس الي الحدود بعد عدة اجراءات علي الطريق لنجد انفسنا اما خيط رفيع هو الفاصل بين السودان واريتريا هناك التقيت بالنقفة الارتيرية ... الف جنيه سوداني امتلاءت بها جيوبي حين حولتها الي تلك النقفة وابتداءت الرحلة داخل الاراضي الاريترية من منطقة الحدود الي مدينة تسنًي ... اخبرنا السائق انه من الضرورة المبيت بها حيث ان البصات التي تُسافر الي اسمراء تنطلق باكراً عند الصباح حسب قانون المرور هناك .. لا يمكن للبصات عبور العقبات والجبال في المساء او عند الليل ينتظرون مجموعة من الصبية عند الموقف يتفقون معك علي حجز مكان او مقعد في البص وقبلها ترحيلك الي الفندق الذي تريد في مدينة تسنًي لا اذكر اسم الفندق ... فقط استقبلتنا فتاة جميلة تجلس علي مقعدها تقلي البُن وتبتسم للقادمين لم استطع التأمل حينها لاسباب خارج عن ارادتي :D.... ربما هذا من دواعي الصورة ادناه http://sudanyat.org/vb/uploaded/2281_1363830879.jpg http://sudanyat.org/vb/uploaded/2281_1363831031.jpg الصور مهداة كذلك لمهند الخطيب ... والزول الخرافي :D --------------------------------------------------------------------------------------------- شوف المطموس....كمان عايز تجر ولدنا مهند معاك... هو اصلو واقف على الحركرك... خفيف فى الناحية دى ...لو غشته هبة نسيم خريفية تانى الا نروح نبحث عنه فى حوارى اديس واسمرا |
عرسنا ربنا يهنيكم كيف لاترى كسلا هكذا وهى تحتضر يا محمد وهربت منها الحياة مدينة اشباح ليس اكثر ، ويحمل نعشها فى حنايا اهلها وبعض من الذكريات من شاكلت ( كانت ، وكانت ....) ولكن تصعد الى طيبعة جميلة ومتنوعة فى حيز جغرافى صغير وبذات الكيفية تباين سكانى كبير (ارتريا )، فلا تبخل بالصور . تسلموا واحة |
اقتباس:
بعدين اهلنا قالوا ليك لو سرقت اسرق شنو;) |
اقتباس:
الإبداع بتنا السمحت :D ما شاء الله ألف مرة .. وربنا يغطي عليهم |
اقتباس:
تصدق يا شليل الزول الكان معاي ياخ لازم اقعد علي الشباك التقول بسف :D عشان كده ما شفتا المكانات القلتها دي الفندق في المساء بتحول لي عالم تاني خالص ... طبعاً ضروري في مشوار بري زي ده احصل تعب ... نتج عنه نوم المدام من عصراً بدري :D وانا والله كاتلني الشمار ساي حسب ما مدير الفندق قال لي تعال اتفرج علي الناس الحلوة بالليل قمتا قفلت باب الغرفة من برة تأمين للمدام وطمأنينة لي انا وبعد ده كلو بتلفت يمين وشمال :p لكنه الفضول وقلت اعرف حاجة مجرد فكرة عن ناس اول مرة الاقيهم واشوف حاجاتهم ياخ ده عالم عجيب وجميل وناس طيبة ... طيبة شديد والله |
اقتباس:
البلد ديك مافيها شيخ :D |
اقتباس:
والله هي مجموعة من الصور لكن لاني ما اتوقفت في المناطق الذكرتها دي رغم اني سمعت عن مدينة كرن وكانت محطة في الذهاب والاياب المرة الجاية انشاءالله الواحد اسوقو اولادو وامشي اقعد ليهو كم يوم تاني لكن والله بلد تستحق الزيارة حالياً في البال زيارة اديس .... وانشاءالله |
اقتباس:
بخلي المدام تصورني الصورة وهي كامل ابتسامتها :D او انها متيقنة وده أكيد :p |
الساعة الآن 11:28 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.