عليكم الله أعفوا لي
عمر بانقا زميلي بسكن عزابة الشارقة، طويل، نحيف وأسود كالأبنوس، قال لي ونحن قاعدين تحت نخلة البيت:
تعرف، خالتي ست الدار، مرة مطرطشة وعنصرية من غير ما تدري. تجينا في كوبر من السجانة وأول ما تدخل البيت وقبل ما تسلم علي تقول لي: عليك الله، يا عمر ولدي تعفي لي - في شنو يا خالة؟ عافي ليك، بس قولي لي أعفي ليك شنو؟ - جيت بالسوق الأفرنجي، لقيت لي ولد ضربتو في ضهرو، قايلاهو انت، لكن لمان إلتفت عليّ لقيتو جنوبي، عليك الله يا عمر تعفي لي. - لكن يا خالة، الجنوبيين ديل، ما زيينا وأخوانا. - ما عارفة، بس اتّا أعفي لي... |
العفو والعافية
|
ما داير أناقش في البوست دا، عنصرية الوعي واللا وعي المستترة داخل مجتمعنا، لكن داير أقول انو أنا إلتقطت جملة "أعفوا لي" منذ إتناشر سنة وصرت أستعملها لتبريد جلافتي في الحوارات وصنع نوع من الود مع الطرف الآخر وقولها في نهاية أقوالي بتفتح لي مخرج (مراقة).
كانت هذه الجملة مراقة الإشتباكات داخل بيت العزابة، مثلا لو زغت من غسيل العدة في يومك وجيت راجع من السينما لقيت شانين عليك حملة، طوالي تقول ليهم: عليكم الله تعفوا لي، وحات سيدي الحسن، نسيت، الاسبوع الجاي بغسلها مرتين. لو طولت عليكم؛ أعفوا لي. جاي للموضوع الاساسي |
اقتباس:
|
اقتباس:
يادكتور مساك خير وعافية ليه انا ما حاسة بالأطمئنان ناحية آخر جملة دي ؟؟؟:D:D قلبي موغوشني جداً بس ربك يكضبني ....قادر ياكريم:) عاين يللا لي موضوعي اول طلب عفوك ده لو صح يبقى انا تحسبني بره الناس دي لأنه انا اليفترض اقدم ليك الطلب ده :D كلامي ده بقولو رغم انطباعك بتاع نار الله الموقدة داك :D بس ياااابابكر ما تكون دردقتني لانه ح اجاهد فيك لو الموضوع طلع فخ:D |
[youtube]http://youtu.be/4pALuGFP41g[/youtube]
|
فتح العليم ومُبر
عشان العفو والعافية الطمجتوني بيها دي؛ أهدي ليكم أغنية لعافية حسن وربنا يدوم العفو والعافية يا حنينين وعافي ليكم غلاط سنة http://www.youtube.com/watch?v=ETYcS5h_oPs |
قبل اعرف شنو الموضوع الحاجه دي اتعلمتها من والدي طوالي بقوله اعفو عني والا العفو لله والرسول
بس لله والرسول واحلي شي لمن يكون زعلان منك لاي سبب زعل ابهات تجي تقول ليه ابوي ؟يرد عاوزه شنو لالا بس انا مارقه اعفي عني ياحليلو يقول ليك يابتي عافي منك دنيا واخره والا ساي تلقي ماسك ليه كتاب ابوي ابوي مالك يامها عليك الله اعفي عني ربنا يخليه يارب ويديه الصحه والعافيه |
العفو والعافية
|
انا غايتو ما عافي ليك بتاتا و اطلاقا ..
وحاة سيدي الحسن الا ترسل ترسل تذكرة ذهابا و ايابا و بارخص سعر :D:D:D |
غايتو مبدئيا كدا ممكن نسمي البوست دا انتكاسة بكة:p
وفي الانتظار |
دنيا وأخرة يا بابكو
وكان الأخرة ما معاكlooool أعفي لي بالله ... |
اقتباس:
ولك العفو مرة اخرى في الدنيا والاخرة . مع احترامي |
حلمت انو المثقف الكبير، الأستاذ المُبر محمود توسط لي للحصول على حساب للكتابة بسودان فور أول وقد تم ذلك. في عين النائم أحسست بالثقافة والإصطفاء والعظمة وفي نفس الوقت بالحيرة؟
الحيرة في شنو؟ واحد: وانا في عين النائم حسيت بزعل ناس سودانيات بعد مداخلتي الاولى بفور أول في شكل عرق يميني، فعلمت أنني حرقت مراكب العودة (في اللحظة دي كان شبح حافظ الحاج بتحاوم حولي مع طيور الحمام البيضاء). إتنين: في مداخلتي الأولى كتبت نقد لنجاة محمد علي محتجا على إزدواجية المعايير لديها وبديتها ب: وحات سيدي الحسن تحنني يا نجاة، وزيلت مداخلتي ب: لو كلامي دا، ما صاح عليك الله تعفي لي؛ عينك ما تشوف إلا النور، قالت لي: يا أُستاذ بابكر، لو دي، ياها أدوات كتابتك؛ أقترح عليك الكتابة في منتديات العوام، نحن منتدى محترم، الكلام من شاكلة "أعفوا لي" ووحات سيدي الحسن" و"حننتني" مليانة لغة هلامية تتنافى مع رسالة العمل العام في منتدانا. في نومتي ديك، خفت خوف شديد، موش من مداخلة نجاة بس، لكن قلت في سري: دي المرة كدا، لو جاني الخطير داك، أمشي وين؟ في عين النائم داك، قلت: "من ساب دارو قل مقدارو"، لكن كيف أطلب العفو من ناس سودانيات؟ حمدت الله انو علاقتي مع لنا جعفر في المستوى المحافظ وبذلك ضمنت ردة فعل اليسار المحافظ جدا هذه الأيام. وقلت: العود أحمد |
بابكر عباس تبدي لي مؤخراً، بعد قراءاتٍ مُتانيةٍ، بانكَ كاتبًٌ جيدٌ. واكتشفت، ان شاء الله كده اكتشافي ده يعني ما يكون متأخر، انو القراية ليك مُمتعة |
الساعة الآن 06:06 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.