كاتمة كتمة مافي نفس ... ناس أم در شطة بس
.
إيمانا بقضاء الله وقدره.... وتسليم امري اليه... واستماعي المتواصل لمدة شهر.. لما يسمى بالاغاني الهابطة... وتقيّمها من قبل عشاقها .......و بعد تعب شديد واجتهاد شديد استطعت ان اصنف الخمسة اغاني الاوائل........... كان معياري موقع على النت فتحوهو عشاق هذه الاغاني... وضربات الاعجاب... وايضا استماعي الي كواريك وهتافات وزغاريت المستمعين المسجلة مع كل غنية....وسماع كلمات تشجيع الرقي...ص زي(ايوا ..ايوا...اها..اها...اها... مبااااااااالغة)....وكنت افكر يا ربي المبالغة شنو في الرقيص دا؟... الي ان حضرت احدى الحفلات ...وشفت متين تطلق كلمة مبالغة.... فايقنت انها فعلا مبالغة ومبالغة بنت ستين الف كلب..... لقيت الخمسة اغاني بالترتيب هي:- الغنية الاولى على مستوى الجمهورية هي غنية:- كاتمة كتمة مافي نفس ناس امدر شطة بس ... العلاقة الطردية بين الشطة والكتمة والتي توصل اليها الشاعر العبقري...جعلتني اصوت لهذه الغنية مع المصوتين..واجزم بانها تستحق المرتبة الاولى.... وكذلك المزيكا والتي تنتهي دائما لازمتها بالحرف الموسيقي الجديد(جيييييييييييييو)!..وايضا اقتناعي التام بان ناس امدر شطة!!! الغنية التانية:- زي سماحتك ما شفت ولا في يوم ح اشوف انا غايتو اتكسرتّ وبقولا بالمكشوف. ..منتهى الشفافية... شفافية تخلينا نقول يا ريت كل حياتنا تكون كدا..وتعبير صادق عن ما المّ به من تكسير..ودشدشة... الغنية التالتة:- احتلت المطربة وجدان هذه المرتبة بغنية:- ما تحنّك معاي كتير ولو ابيتني فرتق طير. .دا الكلام!.... قطع ناشف!....وهي اغنية تدل على ان المطربة قرفانة وزهجانة من حبيبها..العامل فيها بتاع حنك..لكن هي كشفت الفولة......وما عندها وقت تضيعو..في نقة فارغة!! الغنية الرابعة:- احتلّ هذا المركز المبدع امل الديم بغنيته.... البوليصية:- بفتح فيك بلاغ عشان يعرفو الحقيقة يا خاين العُشرة يا اب عينن شليقة يا سلااااااام ...منتهى التحضر، اللجوء الي القانون..وكان ممكن يحصل ضرب وكسر....واتمنى ان يكون القانون تطور مع تطور الاغاني وتكون فيهو مادة تعاقب خائن العشرة... اما المركز الخامس فقد احتلته اغنية خالد العمده.... لا بريدك لا لي بسوقك يلا امشي حصل سوقك كلام واااااضح جدا... ومافي داعي لللياقة... واللصقة.... خلاص قال ما بيريدك..وامشي الحق السوق يمكن تلقى زول بيشبهك كدا ويريدك!!! العجيب في هذا الاستبيان .... اختفاء اغنية حرامي القلوب تلب.....وعند سؤالنا عنه اتضح انو قبضوهو ..ومحاكمتو شغالة..وومن هنا أشيد بالسلطات الامنية القبضتو...ان هذا المجرم قد اثار الفزع والجزع وسط طلابنا في الجامعات...والملاحظ ايضا ان اغاني المساخة واللداحة احتلت مراتب متقدمة ... بينما اغاني كسيّر التلج تراجعت كثيرا. ....د.عادل الصادق المكى - الباب البجيب الريح http://www.facebook.com/#!/cgman2004 |
ما بنفهم فى حساب المثلثات
|
يا همس الشوق كيفنك ياخ
كتير جداً بتغيظني الجملة دي لغاية ما بقت باهتة جداً يقولوا ليك ( الغناء الهاااااااااااااااابِط ) وما دروا بأنَّ الذي هبط هو المجتمع وليس الغناء :D ;) :rolleyes: |
في نسبة من الهبوط تكفي لتغطيس الزوق العام بس عشان تسمعي نمازج اكتر تعالي شرق سوق ليبيا محل الكاروسيدا حتسمعي جد
|
همس الشوق تحياتي العطرات
شوفي شكر الله خلف الله نحنا اولاد قلبا لودرته هسه بنقلبا |
|
اقتباس:
ازيك يا أبو دعد وشرفته المنتدى |
اقتباس:
هو الهبط منو الجنيه ؟:D ولا الذوق ؟ ولا الأغاني ؟ بصراحة الجيل دا بقى يسمع بي وسطو وأيدينو :D |
اقتباس:
دي وين لي سوق الناقة ;) |
اقتباس:
بقول شفتك يا حبيبي قربت روحي تطلع عشاااااااااان بتخلع عليك الله صور لي المشهد دا الشي بعاتي ولا حبيب :D |
اقتباس:
دا ما هبوط لا غمران عددددديل للأغنية السودانية |
|
اقتباس:
هبوط الجنيه يا همس أدي لهبوط ذوق المجتمع الهبط من تقاء ذاتو كده بفعل بعض الأوباش العاوزنو يهبط وبالتالي أي منتج لابد من إنو يراعي للحالة الراهنة للمجتمع فشنو ،،،، مجتمع هااااااااااابِط ،،، لابد من غناء غث وهااااااااااااابِط ولا شنو ؟؟؟ وياهو خبر السواد لأنو نحن جنينا ولا الحصل لينا شنو ياخ ؟؟ ;) ;) |
لما حنان بلوبلو غنت ( محبت قلوبنا مابتنتهي ياصيدة كان اختلفنا في الجنة تاني نعيدة ) الدنيا قمت وقعدت (وهسي تجي تلقي الحفلة غبارة فوق والأورغن يسألني الله يعيط بجنس شيء والدارة يجيرك الله
|
| الساعة الآن 12:04 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.