Windows8 Developer ماسورة مايكروسوفت القادمة
الأخوان السلام عليكم
طبعاً مايكروسوفت بتطرح نسخ مجانية من أنظمة التشغيل والبرامج للتجربة والتعليق قامت مايكروسوفت قبل ايام بطرح نسخة للويندوز الجديد ويندوز8 وهي نسخة للمطورين تقعبها نسخة للتجريب beta ثم النسخة النهائية ويمكن للراغبين في التجربة تحميلها من موقع مايكروسوفت مباشرة بالرابط دا http://msdn.microsoft.com/ar-eg/windows/apps/br229516/ يوجد نسختين من النظام نسخة 32 بت للناس الاجهزتهم على قدر حالة ونسخة 64 بت للناس الاجهزتهم ماشاء الله عليها لل32 بت أقل مواصفات يجب أن تكون سرعة الجهاز اكتر من 1 جيجاهرز وعندك اكتر من واحد جيجا رام ومساحة فاضية في الهارديسك اكتر من 16 جيجا بايت وكرت شاشة مناسب ما يقل عن 128 ميجابايت ولل64 يكون البروسير يدعم انظمة 64 بت وأعلى من 1 جيجا ورام لا يقل عن 2 جيجا ومساحة فاضية في الهارديسك لا تقل عن 20 جيجا المهم جربت البرنامج وما عجبني نهائي وغلبني اتعامل معاه ومسحته ومنتظر برضه نسخة البيتا ونشوف العاوز يجرب ويرغب في المساعدة نحنا موجودين بإذن الله |
اقتباس:
...... سلامات يا أبو جنزير وحبابك تاني في سودانيات ... شكراً جزيلاً اشراكك ايانا تجربة الجديد من مايكروسوفت والحقيقة أنا متابع الموضوع بس ما عرفت انو النسخة التجريبية نزلت ف خلينا نجرب ونشوف بس كنت اتمنى لو عرضت البرنامج بشكل مفصل وشنو بالظبط الما عجبك فيهو لكن تعرف يا أبو جنزير أنا ملاحظ اننا دايماً لا نتقبل التغيير بسهولة يعني لو رجعت لتأريخ أنظمة التشغيل (ويندوز ولينكس) لوجدت أن معظمها قوبل بنفور كبير وعدم تقبل في البداية وبعد أن استعملها الناس لبعض الوقت تعودوا عليها ... |
اووووووووووو عوض الزول مرحباً عيد سعيد وكل عام وأنت بخير وربنا يحفظك ويديك الصحة والعافية
حبابك أنت بالذات عندي ليك هدية أول حاجة اقتباس:
http://im16.gulfup.com/2011-11-06/1320573726611.jpg لكن في اثناء التنزيل وقبل تجهيز الشرح خلي ابوح ليك بالمفاجأة سمعت بي الهاكنتوش تشغيل الماك على ال pc دي الحاجة البجرب فيها الايام وبحاول فيها وقطعت فيها شوط طويل ولمن تتم حا أجي افتح بيها موضوع هنا واشرح مميزاتها وسلبيتها ودي صور من التجارب من جهازي الدل http://im17.gulfup.com/2011-11-06/1320574333791.jpg http://im17.gulfup.com/2011-11-06/1320574333313.jpg بس في شوية مشاكل مع نسخة السنوليبورد البجرب بيها دي وحا أجيب نسخة بتاعت ليون الجديدة وواصل ودعواتك لي وحا اوصل إن شاء الله |
| الساعة الآن 07:05 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.