يامراحب بالزوله الرائعة جد حبابك الف
الاحباب والاعزاء بسودانيات تحية طيبة وعامكم سعيد وعساكم فاين جت
رحبوا معي بالصحفية والشاعرة الرائعة وصاحبت القلم الذهبي والتفاصيل الجميلة الاستاذة المبدعة صباح محمد الحسن عضوة بسودانيات :cool::cool::cool: والشكر موصول للسيدان عكود والزوول ويا ناس الكوماج انتم موعدون تعضوا جلاليبكم وتطلقوا سواقينكم للريح وخاصة نقابه الشففه ومن لف لفهم ولا توجد مواصلات بعد العرض:eek ودا عربون تعارف أحببته ...لكنه اكرمته وظننت اني ملكته ... احببته ومنحته كل الوفاء اعطيته كل الذي عندي من الحب الذي حرمته على رجال غيره .. .ورفعته قدرا كبيرا لااحد من دونه ...نصبته ملكا على عرش القبيله كلها . ..اوفيته كل الحقوق ولم ازل ...اخفيته من العيون ومن شرور ازمان كثر ..وبكيته في تباريح الغياب وفي النوى ...وضحكته فرحا شديدا عند عاد .. .ولبسته ثوبا من الميعاد اوافه وجاء . ..ولفحته شوقا كبيرا واشتهاء .. .لكنه ...لكنه ...لكنه رسمته شي من خيوط الامنية... عطرته عبقا من اصيل الامسيه... وحملته عشما كبيرا لاينام... اسكنته اغوار قلبي وفي الحشى ابقيته بين الحنايا والضلوع .. .ادخلته مابيين عظم الامنيه ولحم الطوح. .. واخرجته نفسا اخيرا لايعود وخروج روح .. . ارجعته كما يعود النبض للقلب السقيم. .. توجته عافية الامل القديم .. .ياليته عندي وعنده كل الخواطر تستقيم . ..ارسلته الي بر امن وارتياح وحملته حلما يساور ليلتي ووضعته فلقا يقالده الصباح ... وكتبته شعرا كثيرا هكذا وقرأته نصا جميلا وارتياح . ..كتبته وقرأته .. .لكنه ...لكنه ...لكنه طرحته فائض الشوق الاصيل.. .وجمعته فالا من السمح العديل ..وعقدته شيئا عظيما بالرضاء بين قلبي والضمير . .انه الرجل الحنان انه القلب الكبير ...وشحته ثوب الكرامة والصمود ...جاوزته كل الرتابة والجمود. .وهتفته نصا ينص على الوفاء وجمال اشياء تسود .. . كلمته عن تفاصيل الظروف ...نبهته ان لايكون الحب خوف . ..ياليته كما القديم عرفته وظننته ....لكنه ...لكنه ...لكنه. صباح محمد الحسن مايو http://sabooha999-sm.blogspot.com |
وللاعلامية الشاعرة صباح محمد الحسن اغاني تغني بها الفنان محمد النصري محيتك زكري من جواي والفنانه اسرار بابكر غنت ليها غلطتك وهسع جديدة مع نانسي منتظرااااك لسع ما نزلت ترقبوا اصدارها
جيتك متين؟؟؟؟؟ منك طلع وهج الحضور رقص خواطر الأمكنة بهجة وسرور جيه ومقيل عندك صمت وقف الكلام ضيق مساحات العتاب سديتو باب (جيتك متين) وفتحتو باب (بركة الوصل ) وقطعت حبل الشك عديل خليتها ريدتك ممكنه وهزمت صوت المستحيل وصدق معاي شهر الكضب ابريل متين شهر اللقاء ومتين مع الناس أنستر معروفه كذبتو بالدليل وضحك معاي الق الصباح واتوسد الحلم النهار واتوشح الفرح الأصيل ومشيت معاك مشوار جديد مالدنيا بيك أيامها عيد والدهشة بيك ماتحيرت ماطلتك صبحت خبر صادق أكيد والدنيا بيك أتنفست واتنهدت وبكت عليك دموع فرح واتمددت نشوانه بي جيتك شديد وفاضت بحور أشواقي ليك موج وانتظار طمحت مواعين المطر بلت سهادي عليك نوم غمدت عيوني عليك سهر نضمت حروفي أنا بيك كلام سكتت عبارات السؤال وريني جيتك يامناي ؟ كلمني بي زمن الحضور؟ وريني طيارتك متين ؟ ادوك تأشيرة الدخول ؟ و جيتك جواب الأسئلة وخليت حضورك يكون غياب لي كل معاني الفرقة والهم والعزاب وسديتو باب الغربة واللوم والعتاب وفتحت باب سفرك متين والباقي كم من فرقتك من هجرتك من رجعتك مالسه ماكملت لي باقي الحكاية وقصتك ماشربت شاي ماعارفنا مقدار قهوتك .ماخلتك لينا الأيام سرقت منانا وبسمتك ..... واتلفحت بيك النجوم مالقمره ضوت دنيتها واستنتك وماانت ضويت القمر بي دنيتو بي طلتك ... وسفرك متين وقبال هناك ماتستريح وريني بس جيتك متين؟... |
اقتباس:
مارس ماسك كتف ابريل أعظم شعب و أعظم جيل نعم بنادق لا ترتد لصدر الشعب الغدر دخيل ـــــــــ ثقتنا في إبريل ومارس وأكتوبر وباقي الشهيرات باق يا صباح ـ مودتي ومرحباً بك في سودانيات شكراُ وجيدة . |
مرحبا بصباح محمد الحسن
ضمن كوكبة سودانيات الزاهرة.. |
اقتباس:
ألف مرحب بالصحفية صباح محمد الحسن بين أهلها عضوةً فاعله عبر سودانيات ثُمَ إنو ،،،،، ;) ;) مرحب بيكي إنتي ظاتك كمان ياخ ;);) |
مرحب بالضيفة والمضيفة
منورين انتوا الاتنين يعنى هسى عملتك العملتيها دى يا وجيدة ابليس بيعملها تختفى ولا سلام ولا كلام ولا اى حاجة؟؟؟ البركة فى الشاعرة الراقية الجابتك |
اهلين بالزولة الضي صباح
نورتي سودانيات |
اقتباس:
خضر صباحك حليب من قال ان ابريل انتهى والغيت الفصول المقبلة؟ ابريل حي لايموت ...ابريل شريان الفصول المقبلة ---- النص ده عزيز ياخضر |
مرحبتين حبابك استاذة صباح .. منورة سودانيات .. !!
شكرا وجيدة |
الف مرحب بيها و حبابها و حباب
ايابك الجميل يا وجيدة .. و تسلموا .. |
ألف مرحب بصباح
وبشوفة حرفك من تاني يا وجيدة. |
اقتباس:
|
حباب الاستاذه صباح منوره والله
|
أهلا و سهلا صباح
نزلتي أهلا عودا حميدا وجيدة |
بنرحب بيها مليون الف
بث إلا يما بيقول ليهم: بكايين ومشوكشين تاء النسوة شن بتقال لهآ... |
الساعة الآن 10:10 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.