عليكم الله أعفوا لي
 

عمر بانقا زميلي بسكن عزابة الشارقة، طويل، نحيف وأسود كالأبنوس، قال لي ونحن قاعدين تحت نخلة البيت:
تعرف، خالتي ست الدار، مرة مطرطشة وعنصرية من غير ما تدري.
تجينا في كوبر من السجانة وأول ما تدخل البيت وقبل ما تسلم علي تقول لي:
عليك الله، يا عمر ولدي تعفي لي
- في شنو يا خالة؟ عافي ليك، بس قولي لي أعفي ليك شنو؟
- جيت بالسوق الأفرنجي، لقيت لي ولد ضربتو في ضهرو، قايلاهو انت، لكن لمان إلتفت عليّ لقيتو جنوبي، عليك الله يا عمر تعفي لي.
- لكن يا خالة، الجنوبيين ديل، ما زيينا وأخوانا.
- ما عارفة، بس اتّا أعفي لي...

العفو والعافية

ما داير أناقش في البوست دا، عنصرية الوعي واللا وعي المستترة داخل مجتمعنا، لكن داير أقول انو أنا إلتقطت جملة "أعفوا لي" منذ إتناشر سنة وصرت أستعملها لتبريد جلافتي في الحوارات وصنع نوع من الود مع الطرف الآخر وقولها في نهاية أقوالي بتفتح لي مخرج (مراقة).
كانت هذه الجملة مراقة الإشتباكات داخل بيت العزابة، مثلا لو زغت من غسيل العدة في يومك وجيت راجع من السينما لقيت شانين عليك حملة، طوالي تقول ليهم: عليكم الله تعفوا لي، وحات سيدي الحسن، نسيت، الاسبوع الجاي بغسلها مرتين.

لو طولت عليكم؛ أعفوا لي.

جاي للموضوع الاساسي

لو ما جيت عافيين ليك!

:D:D:D:D
يادكتور مساك خير وعافية
ليه انا ما حاسة بالأطمئنان ناحية آخر جملة دي ؟؟؟:D:D
قلبي موغوشني جداً بس ربك يكضبني ....قادر ياكريم:)
عاين يللا لي موضوعي اول
طلب عفوك ده لو صح يبقى انا تحسبني بره الناس دي
لأنه انا اليفترض اقدم ليك الطلب ده :D
كلامي ده بقولو رغم انطباعك بتاع نار الله الموقدة داك :D
بس ياااابابكر ما تكون دردقتني لانه ح اجاهد فيك لو الموضوع طلع فخ:D

[youtube]http://youtu.be/4pALuGFP41g[/youtube]

فتح العليم ومُبر
عشان العفو والعافية الطمجتوني بيها دي؛ أهدي ليكم أغنية لعافية حسن وربنا يدوم العفو والعافية يا حنينين وعافي ليكم غلاط سنة

http://www.youtube.com/watch?v=ETYcS5h_oPs

قبل اعرف شنو الموضوع الحاجه دي اتعلمتها من والدي طوالي بقوله اعفو عني والا العفو لله والرسول
بس لله والرسول
واحلي شي لمن يكون زعلان منك لاي سبب زعل ابهات تجي تقول ليه ابوي ؟يرد عاوزه شنو
لالا بس انا مارقه اعفي عني ياحليلو يقول ليك يابتي عافي منك دنيا واخره
والا ساي تلقي ماسك ليه كتاب ابوي ابوي
مالك يامها
عليك الله اعفي عني ربنا يخليه يارب ويديه الصحه والعافيه

العفو والعافية

انا غايتو ما عافي ليك بتاتا و اطلاقا ..
وحاة سيدي الحسن الا ترسل ترسل تذكرة
ذهابا و ايابا و بارخص سعر :D:D:D

غايتو مبدئيا كدا ممكن نسمي البوست دا انتكاسة بكة:p
وفي الانتظار

دنيا وأخرة يا بابكو
وكان الأخرة ما معاكlooool
أعفي لي بالله
...

سبحان الله يادكتور على عبارة اعفو لى ، انا من دوماً استعمل تلك العبارة وارتاح نفسياً عندما اودع شخص واقول له اعفو لي لذلك دخلت على تلك العبارة دخولاً حسنا.
ولك العفو مرة اخرى في الدنيا والاخرة .
مع احترامي

حلمت انو المثقف الكبير، الأستاذ المُبر محمود توسط لي للحصول على حساب للكتابة بسودان فور أول وقد تم ذلك. في عين النائم أحسست بالثقافة والإصطفاء والعظمة وفي نفس الوقت بالحيرة؟
الحيرة في شنو؟
واحد: وانا في عين النائم حسيت بزعل ناس سودانيات بعد مداخلتي الاولى بفور أول في شكل عرق يميني، فعلمت أنني حرقت مراكب العودة (في اللحظة دي كان شبح حافظ الحاج بتحاوم حولي مع طيور الحمام البيضاء).
إتنين: في مداخلتي الأولى كتبت نقد لنجاة محمد علي محتجا على إزدواجية المعايير لديها وبديتها ب: وحات سيدي الحسن تحنني يا نجاة، وزيلت مداخلتي ب: لو كلامي دا، ما صاح عليك الله تعفي لي؛ عينك ما تشوف إلا النور، قالت لي: يا أُستاذ بابكر، لو دي، ياها أدوات كتابتك؛ أقترح عليك الكتابة في منتديات العوام، نحن منتدى محترم، الكلام من شاكلة "أعفوا لي" ووحات سيدي الحسن" و"حننتني" مليانة لغة هلامية تتنافى مع رسالة العمل العام في منتدانا.
في نومتي ديك، خفت خوف شديد، موش من مداخلة نجاة بس، لكن قلت في سري: دي المرة كدا، لو جاني الخطير داك، أمشي وين؟
في عين النائم داك، قلت: "من ساب دارو قل مقدارو"، لكن كيف أطلب العفو من ناس سودانيات؟ حمدت الله انو علاقتي مع لنا جعفر في المستوى المحافظ وبذلك ضمنت ردة فعل اليسار المحافظ جدا هذه الأيام.
وقلت: العود أحمد

ماعافي ليك ابنوب:p
شكلك داير تنشهر علي حسابنا:D:D

:D:D:D
غايتو يا بكة أنا وحافظ صاحبى عافين ليك وربنا يفتح عليك محل ما تقبل.

طبعا بتذكري زول جامعة الخرطوم داك، الخارج الشبكة، الكان بعمل أركان نقاش ولمان يقول: نرجع للموضوع الاساسي، الناس كلها بتقوم جارية وخاصة الجكس والاولاد الخالطين الجكس، لكن نحن الشماشة ديل، كنا نكورك ليهو بإستمرار: نرجع للموضوع الاساسي يا تمبش، الموضوع الاساسي...
أكتر حاجة يا لنا، مكيفاني السنة دي، في سودانيات هي: إستطاعتي تربيطك ولمدة سنتين على طاولة اللعب النضيف، يا أخي، عليك الله، موش أنا أخطر من رمضان ذاتو؟
يا أخي، وحات سيدي الحسن، شكلك وإنتي رئيس مجلس إدارة وناس سعادتو ماجد متفسحين في المنتدى؛ يحنن! يا أخي زمان زي ماجد دا، بتكوني أخدتي فيهو كرتين صفر وكرت أحمر من الربع ساعة الأولى.

لو مداخلتي دي، خارج موضوع البوست الاساسي؛ أعفي لي.

عليك الله يابابكر لقيتني بفهمك قدر شنو:D

ماشي تحج ولا شنو

العفو والعافية ادعو لينا معاك ماتنسانا

اكتشاف تأخر كثيراً
وكثيراً جداً والله
تصوري

أمبارح شايفك فتحتي ليك باب سنة جديدة
والله الواحد لو لاقي طريقة يكنكش بس في 17
بالله تشوفوا لينا حل في الموضوع دا وأنتم تحتفون بتعدي الأعوام
ممحناني الشغلة دي
يا تمبش أعفي لي لو مداخلتي دي خارج الموضوع عدا الحتة بتاعة تأخر سحر فهي بموقعها من الموضوع:D

يا مها يا أٌخيتي*
إتي قلنا ليك قبل كدا:
علي كيفك وهدينا ليك قبل كدا أغنية الملحن الأستاذ صلاح إدريس:
علي كيفك تعال تعال

ـــــــــــــــــــــــ
المراجع:
* عادل عسوم

مشتاقين يا بدور، شوق البرعي للرسول

وحات سيدي الحسن، يا نديدي، لو فلاي دبي كانت بتصل بلدكم البعيدة ديك، كنت عزمتك، لكن وحات سيدي الحسن، خطوط الطيران التانية موت عديل كدا، ونحن صحي صُحبان لكن في النهاية صُحبة منتديات ساكت.

إتّا بالذات يا بله شاهد على عٌمرتي وبالتالي شاهد على آخرتي

أولا:
أطلب من الأخوان بدر الطائف، كانديك، جيجي (لو ما أخو، أخو)، زول خرافي، بله (مداخلتو التانية) وفتح العليم أيضا
أطلب منهم جميعا يعفوا لي، لأنني لا أستطيع الرد عليهم بعد شهادة سحر دي!
المداخلة دي تجب ما بعدها
تانيا:
قرارات: منح الأستاذة سحر لقب أجمل زولة بالمنتدى مدى الحياة
البزعل يزعل والما بزعل يزعل وما داير العفو.

الحاج حج وجا

ـ


سمعت ليك بي حكم كرّت روحو ؟

أنا عافي بالمناسبة ما كان وما لم يكن وما سيكون

وعدني ـ بالجد ـ من الناس الخاتينك كاتبهم المفضل


ـ

:D:D:D:D:D
يعني ماعارف ياباش ؟؟؟؟
انت ناسي اني بلتقطك ؟؟

سلامات يا نديد .. و في سياق مجمجتك دي ممكن تنورنا كيف استطعت انت الفرد الواحد صاحب الصوت الانتخابي الواحد ان تربط نار الله الموقدة سنتين و كدا بدون حشد و ما شفنا ليك لا معسكر لا حملة لا دعاية انتخابية ساندة و داعمة لها ساعتئذ !! اما لو القصة غير طق حنك اسفيري :D:D و انه اعتذارك و انسحابك من الترشيح هو الذي قفز بها الى سدة الرئاسة :D:D فتعفي لينا شديد لاننا لا نعلم الغيب و عفيناك من التذكرة :p:p

:L من عدة وجوه
لكن "ساعتئذ" دي ما جننتها يا دفعة :)

وحات سيدي الحسن يا ندادة، حننتني!
يعني إتّا هسع دايرني أنا المحترف دا، أحشد زي الهواة!
وأنزل كلام من نوع: البريدني يصوت لكيشو
كيشة أنا؟ ولّ كيشا
فرِد يوم لقيت دعاية إنتخابية موقعين عليها تحت ناس المحافل المأسونية العالمية؟
الشغل بتاعنا إسمو تكتيك عالي
وساعتئذ سوف تعلم يا ما مأسوني

طبعا التشبيه بالشيطان ونار الله الموقدة هنا مقصود بيهن الثورة وأقول ليك حاجة:
وحات سيدي الحسن، كلما أشوف جيفارا البديري بكل حضورها الثوري في تقرير لقناة الجزيرة من سجون الإحتلال؛ وحات سيدي الحسن، بتذكرك

يا زول، أدعو ليك شنو؟
كدي أمشي حج؛ شوف الزحمة والتدافر داك بخليك تذكر حاجة!
غايتو لو داير دعاء من المدينة ممكن
لكن داخل مكة؛ صعبة شديد

الرواية العندنا هي: البريدني يبعد لي من كيشو
وساعتئذ بتاعتك أجمل من بتاعت نديدو
أها عملت لي شنو في اقتراحي؟

يا أخي إقتراحاتك فيها قص رقاب!!
علي (أمير المؤمنين) خالي بصلي تلاتة أوقات وفي عهد الإنقاذ دا، قدموهو لمحاكمة بمادة الرِدّة، في المحكمة تاب وقال بصلي خمسة، لما مشيت ليهو في البيت، قلت ليهو: خفت يا خال؟
قال لي: ما خفت، لكن ما بسلم رقبتي لكافر.

عليك الله يا معتصم تعفي لي
الفيديو لم يكن واضحا
مداخلتك في البداية كانت خالية تماما

http://www.youtube.com/watch?v=4pALu...ature=youtu.be