النساء اللائي لديهن المقدرة علي العشق ......من بعدهن الي ان بقي شئ من الحب

ندهتك
وبوحت
رجع لي
كلامي
الاخير
شلتك
وتوهت
وخذلني
الحلم
في عز
المسير

****
ملصت توبا ومرقت
بره
وكانت واضحة
الفتنة
الفيها
في فستان البهجة
الاحمر
الافراح الترقص هسه
وكل الناس بتعاين
فيها
طلعت منك
اخدت شكلك
وفكت فينا الريدة عبير
واستنتنا في اول شارع
فاتح فيكي
وفينا
اللهفة
خطاوي الشوق
الناس الالفة
وحس الحلة
وحيل الغنوة ...الدايرة تطير
وتحلق بينا
في متعة لونا
وجوة عيونا الدنيا نهار
من الدم ناديتك مرة
وبره الهم حبيتك مرة
وبرة وجوة
الشوق احتار
يا مختوتة في كف المطرة
دعاش وخصوبة
ياالممتدة بروقك فينا
جفاف ورطوبة
انت الرغبة البين
الموية وبين النار
يا منطلقة رحيق وبهار
يا مطلوقة
في فاكهة روحي
نكهة تعانق
عصب العين الشافك
فتنة
وشالك فكرة
ورسمك لوحة في
اي مدار

*****
المسافات إلتقرب
الدروب الليك تغرب في السفاين
الفصول الجات تعاين
الترقب
في عيونك
للحبيب الفيها باين
البدايات الرهيبة
مني
منك
ما غريبة
المواعيد القديمة
والحنين الكان مداين
والحلم ممتد اخضر
الرياحين
والورود
والولف القام جناين
السحابات
التبشر بالفرح
والعيون الريدة باين

الزين