سودانيات .. تواصل ومحبة - ( الدنيا ما وقفت عليك) قصيدة جديدة للشاعر الأستاذ / السر عثمان الطيب

سودانيات .. تواصل ومحبة (http://www.sudanyat.org/vb/index.php)

- نــــــوافــــــــــــــذ (http://www.sudanyat.org/vb/forumdisplay.php?f=5)

( الدنيا ما وقفت عليك) قصيدة جديدة للشاعر الأستاذ / السر عثمان الطيب

[frame="2 90"]الدنيا ما وقفت عليك

يا حـالبة من عيني الدموع ..... يا صالبة فوق وتري الرنـين
لا ليـكي متمني الرجـوع ....... لا تاني عـــاودني الحــنين

***
مهــــما يكــون ريدك قــدر ... ماب تبقى مأساة عمـري فيـك
لا بين إيدي قلبي انكسـر ... لا ســايبـو مرهون بين أيديـك
ما بشـقى بعدك بي ســـهر ... دي الدنيـــــــا ما وقفت عليـك

***

أديتك الريد الهطــــول ...... زيّنتو بي زخَّات مطــــر
طول المواســم والفصـول ...... في سـكَّتك رفقة ســـفر
لكن قطـارك فات عجـول .... وأنا ريدي ليك مدُّه انحسـر

***

لو إنتِ يا مفـارقاني ريــح ...... ماليك ســكون لا مســـتقر
أنا نسـمة في الزمن الجريح ... حضنت ندى الصبح الأغر
بالصـدق والبوح الصــريح ....... بهــزم فواجــع المسـتتر
أنساك وبعدك بسـتريح ..... ماب أفني عمـري وراك هـدر
لا من حشاك طلع المسـيح ........ لا كنتِ مـريم في البشـر

السر عثمان الطيب[/frame]

اقتباس:

يا حـالبة من عيني الدموع ..... يا صالبة فوق وتري الرنـين
لا ليـكي متمني الرجـوع ....... لا تاني عـــاودني الحــنين

أنساك وبعدك بسـتريح ..... ماب أفني عمـري وراك هـدر
لا من حشاك طلع المسـيح ........ لا كنتِ مـريم في البشـر

الله .. الله .. يا ابوقصي

زي ما قلت ليك فعلا الكلمات تشبه ود النصري .. ونتمنى نسمعها قريب

التحايا النواضر للسر عثمان الطيب

ودي دعوة لكل عشاق الحروف والمعاني للدخول والإستمتاع

اقتباس:

يا حـالبة من عيني الدموع ..... يا صالبة فوق وتري الرنـين
لا ليـكي متمني الرجـوع ....... لا تاني عـــاودني الحــنين

[align=right]الاخ ابو قصى
يا سلاااااااااااااااام على الكلااام الجميل
و فعلا تشبه ود النصرى يا ملكة...
تحياتنا للشاعر الكبير السر عثمان.. و شكرا ابو قصى[/align]

أبـــوقصي،

وينك الغيبة الطويلة دي؟
ليك وحشة وأشواق،
القصيدة دي ملحّنة منّها وفيها والله
وماها دايرالا غير طنبوراً "يفرح قلوبنا ويسعدِن"
وهكذا شأن السر دائماً،
تحياتي لك وله،

عكــود

ملكتنا المتوجة

سلام

القصيدة مليانة شديد ، وود النصري استلمها مكتوبة ومسجلة في شريط بلحنها ، ونحن منتظرين إضافات ود النصري للحن وإبداعه لينا زمن وراجنه يغنيها ، لكن فضلنا نعاين والبحر صافي .
الأستاذ السر عثمان معاكم في الخرطوم ليهو يومين ، بس شوفوا لينا خبر ود النصري شنو .
وتشكري على الطة .

أبو قصي

ود عثمان

سلام

القصيدة فعلا رائعة شديد ، وقريب إن شاء الله حتسمعها بصوت ود النصري ، لأنه فعلا الأستاذ السر عثمان سلمها لود النصري ،

تشكر يا سيدي على الطلة .

أبو قصي

عكود الراقي وأديب

كيف حالك والعيال ، متاااااااابعك يا صاحبي من الدلكة والدخان لي مديدة الحلبة . الله يديك العافية .

قصيدة الأستاذ السر عثمان فعلا ملحنها لحن رهيب شديد ، وأعطاها لود النصري مسجلة في شريط ، بس منتظرين ود النصري يشنف مسامعنا بيها .

سلام ليك وللمعاك في ( الغربة ) قاعدين .

أبو قصي

أبو قصى

سلام كبير

اقتباس:

لا بين إيدي قلبي انكسـر ... لا ســايبـو مرهون بين أيديـك

بيت موغل في فلسفة العشق النبيل الذي لا يعرف الإنكسار أو التذلل ..

رغم أنني أؤمن تماماً بأن لا كبرياء في الحب ..
فإن دخل الكبرياء من الشباك .. هرب الحب مهرولاً من أقرب فتحة و ليس من الباب.

شكرا على النص

أرقد عافية

اقتباس:

المشاركة الأصلية كتبت بواسطة أبوجهينة

أبو قصى

بيت موغل في فلسفة العشق النبيل الذي لا يعرف الإنكسار أو التذلل ..

شكرا على النص

تشكر يا أبا جهينة على المرور والتعليق وبرجع ليك ، بس للأسف النص نفسه أختفى وما عارف ليه ؟؟؟

أبو قصي