مزرعة الوطاويط
خطر في بالي ان اقيم مشروع استثماري ضخم منذ ان عرفت ان الوطواط من الثديات .. وهو ان ابني مزرعة خاصة لانتاج البان الوطاويط .. لكن فقط قبل الشروع في المشروع احتاج لشخصين اولا عالم دين يفتينا في مشروعية حليب الوطواطة .. اي انثى الوطواط .. وثانيا طبيب بيطري وخبير في حلب الوطواطة .. بمعنى ما هي اسلم طريقة لحلب الوطواطة .. ولانه الف وطواطة لن يكفوا لانتاج رطل واحد من الحليب اذا عملية الحلب وطواطة وطواطة سيكلف زمن طويل جدا وجهد مضني .. اذا محتاجين لعالم هندسي مبتكر يصنع لنا حلابة كفيلة بحلب على الاقل عشرة الف وطواطة في لحظة واحدة .. وكذلك قبل الشروع في المشروع محتاجين لجهة ابحاث بيطرية تحلل لنا حليب الوطواطة .. من ناحية مكوناته ونفعه للانسان وهكذا .. والمزرعة يمكن ان تحتوي على عشرة مليون وطواط وفي مساحة لا تتجاوز الاربعة افدنة .. وذلك لان الوطواط له القدرة على النوم واقفا او مقلوبا في وضع راسي .. لذلك ستكون المزرعة اي مساكن الوطاويط عبارة عن جدران موازية لبعضها البعض وقريبة من بعضها البعض . والمزرعة بخلاف انتاج حليب الوطواط سيكون لها عدة فوائد اخرى نلخصها في الاتي اولا من المعروف ان الوطاويط تتغذى على الحشرات لذلك ستكون مساحة كبيرة يمكن مدينة بحجم الخرطوم اصبحت مزودة بمبيد حشري طبيعي وهو الوطواط الذي سيشتغل حملة تطهير عرقي ضد الباعوض وكل من سلك سلوكها من الحشرات الضارة التي عجزتنا بكل وسائلنا للقضاء عليها . ثانية : ستزود الوطاويط المزارع بسماد طبيعي ناتج عن روث الوطاويط . وثالثا : وهذا هو المهم وهو بيت القصيد .. انه الوطواط عبارة عن رادار طبيعي وله حساسية ضد كل الاجسام التي تتحرك في الظلام . ويصبح لدينا اجهزة انذار مبكر وطبيعية ضد الطائرات التي تتسلل الى بلادنا في الظلام الحالك وتقتقل من تقتل بمزاجها كانها داخلة مزرعة ابوها .. اول ما تتسلل تلك الطائرات نحو بلادي بالتاكيد ستصرخ الوطاويط صرخة وطواط واحد فتفزع الطائرة وتول الادبار .. ربما تاثرت بالذبذبات التي تصدرها الوطاويط .. وبعد ان تغطي المدينة الوطاويط باللبن الطازج .. بالتاكيد سنلحق بها مصانع لانتاج الاجبان والحليب المجفف وخلافه .. وبهذا الموضوع ثقوا بان الاكتتاب قد بدا للمساهة في هذه الشركة .. وكل من يانس في نفسه الرغبة والمساهمة المراسلة على الايميل didiry966@hotmail.com وسعر السهم فقط بعشرة جنيه سوداني والحد الادني للاكتئاب عفوا اقصد للاكتتاب عشرة الف سهم .. ولانامت اعين الباعوض وايضا اسرائيل انشاء الله مانتوم (حقارين) </B></I> |
http://www.omanibfs.com/uploaded3/2840_01265132670.gif
خير شر أبت تجي معاي صورة الوطواط بس تهظر اليوم يا درديري باكر تلقى مشروعك دا شغال زي الورد ووراهو علماء وعمال ومزارع ووووو موضوع لذيذ تسلم يا درديري |
اقتباس:
المشاركة الأصلية كتبت بواسطة بله محمد الفاضل http://www.sudanyat.org/vb/images/buttons/viewpost.gif http://www.omanibfs.com/uploaded3/2840_01265132670.gif خير شر أبت تجي معاي صورة الوطواط بس تهظر اليوم يا درديري باكر تلقى مشروعك دا شغال زي الورد ووراهو علماء وعمال ومزارع ووووو موضوع لذيذ تسلم يا درديري http://www.omanibfs.com/uploaded3/2840_01265132670.gif والله يا بلة لكن الليلة يحلك مني الحلاك قبل كدا .. انا خايف المتعافي يجيني ناطي يقول الا يشاركني .. لانه الموضوع فيه زراعة ومزرعة وهو بقى بتاع زراعة واستثمارات حا اقول ليه ما في مشكلة يا دكتور وطواطة لينا ووطواطة ليك بدون ما تساهم معانا باي شئ ولا حتى بيض وطواط .. بس يكفينا اسمك وتقش لينا الدرب من العقبات وتهرش لينا ناس الجمارك ديلك .. اكان ما عرشنا ليكم العاصمة دي بالوطوايط .. |
اقتباس:
والله لي يومك دا أحمل ما أحمله اتملص عنه ولا يرضى بس بي طريقتك دي ما بنقدر نرجع هي ناقصة وطاويط ما لي حدها وطاويط تمص |
إلى الشركة السودانية لألبان الوطواط المحدودة
"واطو" (دي على وزن كابو ، وحقوق الإسم محتكرة عشان مايجينا بكرة واحد ويسمي روحو هيثم واطو) تحية مباركة . وانا إذ أخاطبكم إذ أقدم لكم مشروعي العلمي " الوطواط الداجن" وأتمنى ان يجد منكم الإهتمام والرعاية . اولا : إن لحوم الوطواط منتج جديد تفيد دراسة ابحاث السوق والتنبؤ بإرتفاع معدلات الطلب عليه من السودانين ، وذلك نسبة لتطفلهم وحبهم وشغفهم لكل "سم هاري " جديد . ثانيا : يقوم المشروع على تهجين الوطواط بالدجاج البلدي ، وذلك لأن الدجاج البلدي وهو سوداني الشيم والكرم لايمانع في تلقيح الوطاويط الخصبة ، فنتحصل علي "دجاج متوطوط " أو "وطواط مدجج باللحوم" ثالثا إضافة لمقدرة الوطواط على القضاء على الباعوض نضيف له المقدرة على مكافحة النمل الطاير"اب ريش" الذي ثبت علميا مقدرته الصمود ضد الجدادة بالطيران وضد الوطواط بالتمويه وتشتيت الأشعة رابعا عسكريا يمكن ان نستخدم "الوطواك" اختصار للديك المتوطوط في عمليات الكشف الليلي والنهاري سويا على المتمردين مرفق لسيادتكم 1. فوائد لحوم الوطواك 2. اسعار وتركيبة علف الوطواك 3. كيفية زبح وسلخ الوطواك 4. استعمالات "علعلة" و"كرعين" و"كمونية" الوطواك في سوق 6 مرفق الشكر الجزيل لإدارة الشركة |
أولاً في حاجات كتيرة فايتة عليك أولاً هذه الوطاويط لا تعيش إلا في الظلام يعني قصة مزرعة دي ماب تنفع داير ليك جملونات تعتمد في صناعتها على "الظلام الصناعي" بعد ذلك الحليب ما حيكون إلا في الضلام وكدا الحلابين ما حيقدرو يشوفو شطور الوطواطات لذا لابد من استخدام الضوء والضو هنا ح يخليهن يشتتن ويتخارجن فلا بد من حل تلك المشكلة قبل البدء في المشروع..
ثم إنك محتاج لي روث الوطايط عشان "تصرر" بيهو أمات الوطاويط عشان ما "يرضّعن" "يبقى دا خط انتاج انطفى"عشان كدا لزيادة الربحية لابد من عمل خط إنتاج مصاحب ويكون هذا الخط بمعرفة فوايد بقايا الوطاويط النافقةlooool نصايح بيطرية - إنت محتاج لي فحل واحد لأنو المثل بقول "ماف ديكين بقعدو في قفص واحد" - يجب وضع علامة مميزة عشان تفرز بين الضكر والإنتاية ولدينا أسهل طريقة لذلك وهي : إحضار إناء به ماء "ينضح بما فيه" وتقف علي هذه الوطاويط واحداً تلو الآخر فإذا شرب فهو وطواط "ضكر" وإذا شربت فهي وطواطة "إنتاية" لكن عليك الله ما واطة:D |
اقتباس:
المشاركة الأصلية كتبت بواسطة محي الدين عوض نمر http://www.sudanyat.org/vb/images/buttons/viewpost.gif إلى الشركة السودانية لألبان الوطواط المحدودة "واطو" (دي على وزن كابو ، وحقوق الإسم محتكرة عشان مايجينا بكرة واحد ويسمي روحو هيثم واطو) تحية مباركة . وانا إذ أخاطبكم إذ أقدم لكم مشروعي العلمي " الوطواط الداجن" وأتمنى ان يجد منكم الإهتمام والرعاية . اولا : إن لحوم الوطواط منتج جديد تفيد دراسة ابحاث السوق والتنبؤ بإرتفاع معدلات الطلب عليه من السودانين ، وذلك نسبة لتطفلهم وحبهم وشغفهم لكل "سم هاري " جديد . ثانيا : يقوم المشروع على تهجين الوطواط بالدجاج البلدي ، وذلك لأن الدجاج البلدي وهو سوداني الشيم والكرم لايمانع في تلقيح الوطاويط الخصبة ، فنتحصل علي "دجاج متوطوط " أو "وطواط مدجج باللحوم" ثالثا إضافة لمقدرة الوطواط على القضاء على الباعوض نضيف له المقدرة على مكافحة النمل الطاير"اب ريش" الذي ثبت علميا مقدرته الصمود ضد الجدادة بالطيران وضد الوطواط بالتمويه وتشتيت الأشعة رابعا عسكريا يمكن ان نستخدم "الوطواك" اختصار للديك المتوطوط في عمليات الكشف الليلي والنهاري سويا على المتمردين مرفق لسيادتكم 1. فوائد لحوم الوطواك 2. اسعار وتركيبة علف الوطواك 3. كيفية زبح وسلخ الوطواك 4. استعمالات "علعلة" و"كرعين" و"كمونية" الوطواك في سوق 6 مرفق الشكر الجزيل لإدارة الشركة والله لكن يا محي الدين طلعت بتاع وطاويط كبير .. لكن كيف تكون محدودة ونحن معلنين الاكتئاب للجميع لذا نفضل اسم واطكو او.. واطاتكو اصبحت.. لمنتجات الوطواط الغير محدودة |
اقتباس:
المشاركة الأصلية كتبت بواسطة سجمان http://www.sudanyat.org/vb/images/buttons/viewpost.gif أولاً في حاجات كتيرة فايتة عليك أولاً هذه الوطاويط لا تعيش إلا في الظلام يعني قصة مزرعة دي ماب تنفع داير ليك جملونات تعتمد في صناعتها على "الظلام الصناعي" بعد ذلك الحليب ما حيكون إلا في الضلام وكدا الحلابين ما حيقدرو يشوفو شطور الوطواطات لذا لابد من استخدام الضوء والضو هنا ح يخليهن يشتتن ويتخارجن فلا بد من حل تلك المشكلة قبل البدء في المشروع.. ثم إنك محتاج لي روث الوطايط عشان "تصرر" بيهو أمات الوطاويط عشان ما "يرضّعن" "يبقى دا خط انتاج انطفى"عشان كدا لزيادة الربحية لابد من عمل خط إنتاج مصاحب ويكون هذا الخط بمعرفة فوايد بقايا الوطاويط النافقةlooool نصايح بيطرية - إنت محتاج لي فحل واحد لأنو المثل بقول "ماف ديكين بقعدو في قفص واحد" - يجب وضع علامة مميزة عشان تفرز بين الضكر والإنتاية ولدينا أسهل طريقة لذلك وهي : إحضار إناء به ماء "ينضح بما فيه" وتقف علي هذه الوطاويط واحداً تلو الآخر فإذا شرب فهو وطواط "ضكر" وإذا شربت فهي وطواطة "إنتاية" لكن عليك الله ما واطة:D يا سلام عليك يا سجمان يا معلم .. يعني المثل البيقول سهر الجداد ولا نومه .. راح يصبح نوم الوطواط ولا سهرو.. واحد قال الوطواطة دي الا يحلبوها بملقاط حواجب يعني يوم الناس اليجو يلاقو اللبن خلص نقوليهم الليلة الوطواطات مرضعات .. يعني العجول انفلتن .. (انتو بالصحي جنى الوطواط اسمه شنو ) |
اقتباس:
|
اقتباس:
هو الحل لكل هذه الإشكالات فبالتلاعب الجيني يمكن جعل "الوطواااك" يعيش في الأضواء مثل الديكة ويمكن جعل صغار الوطواك "حبوبية او علفية" ولا تحتاج لحليب أمهاتها او تطوير الجينات لجعل الوطواك ينتج اللبن بلا "شطور" وذلك عن طريق "البيض الملبن" وهو بيض بداخله لبن حيث يمكن ان يتحول بعد سلقه في ما مغلي إلي "لافاش كيري" مباشرة او تحويله"سمن" بفقعه في طوة او تخسره وترويبه هذا يقلل تكلفة " خرتايات" الوطواطات ويحافظ على ثدي الوطواطة نظيف ومعقم وخالي من البكتيريا للرضع ولا يحتاج للغلي |
اقتباس:
المشاركة الأصلية كتبت بواسطة محي الدين عوض نمر http://www.sudanyat.org/vb/images/buttons/viewpost.gif إن مشروعي "الوطواط الداجن" هو الحل لكل هذه الإشكالات فبالتلاعب الجيني يمكن جعل "الوطواااك" يعيش في الأضواء مثل الديكة ويمكن جعل صغار الوطواك "حبوبية او علفية" ولا تحتاج لحليب أمهاتها او تطوير الجينات لجعل الوطواك ينتج اللبن بلا "شطور" وذلك عن طريق "البيض الملبن" وهو بيض بداخله لبن حيث يمكن ان يتحول بعد سلقه في ما مغلي إلي "لافاش كيري" مباشرة او تحويله"سمن" بفقعه في طوة او تخسره وترويبه هذا يقلل تكلفة " خرتايات" الوطواطات ويحافظ على ثدي الوطواطة نظيف ومعقم وخالي من البكتيريا للرضع ولا يحتاج للغلي [justify]والله انت الخرمجة بتاعتك دي هي حتلحقنا اليابان .. ياخي كدي خلينا في الاول كدا نخليهم وطوايط عاديين كدا وخلينا نضوق لبنهم ونشوف جديدهم .. بعدين نفكر في تنظيراتك دي[/justify] |
اقتباس:
هم عليك الله اليابانين كان بفكرو جنس دا كان بقت عيونهم سغيرة كدي من أكل الرز باللبن ؟ اللبن المبستر مالبن الوطواط إنت بمناسبة الوطواط دي عملت حساب "إنفلونزا الوطاويط ؟" |
غايتو يا درديرى دى وارد واو looool
سجمان ده شاركو طوالى .. وأنا بورد ليكم نضارات الأمريكان البشوفوا بيها فى الضلمة .. بتاعة الأفلام البكسر فيها زول واحد قاعدة جوية فيها أربعة ألف نفر وينجا هو بس .. ومعاهو حبيبتو .. أها شوية وطاويط كيف .. الوطاويط النافقة بتاعة سجمان .. تجفف وتسحن وتباع فى علب مربة .. ويمكن توريدها الى ناس (قدر ظروفك) وتباع بالمعلقة .. غايتو سجمان ده كنت زعلان على إسمو .. لكن طلع سجمان خلاس :p |
اقتباس:
المشاركة الأصلية كتبت بواسطة رأفت ميلاد http://www.sudanyat.org/vb/images/buttons/viewpost.gif غايتو يا درديرى دى وارد واو looool سجمان ده شاركو طوالى .. وأنا بورد ليكم نضارات الأمريكان البشوفوا بيها فى الضلمة .. بتاعة الأفلام البكسر فيها زول واحد قاعدة جوية فيها أربعة ألف نفر وينجا هو بس .. ومعاهو حبيبتو .. أها شوية وطاويط كيف .. الوطاويط النافقة بتاعة سجمان .. تجفف وتسحن وتباع فى علب مربة .. ويمكن توريدها الى ناس (قدر ظروفك) وتباع بالمعلقة .. غايتو سجمان ده كنت زعلان على إسمو .. لكن طلع سجمان خلاس :p [justify] يعني يا رأوفي ( قصرنا معاك ؟؟) الجماعة انفصلوا ولموا عفشهم وركبوا البواخر النيلية .. لسع ما عايزين تختوهم .. بعدين صحي حاجة تحير الوطواط قيل انه لايرى بالليل ولا بالنهار حسب كلام العلماء ( انا ما متأكد من حكاية العمى دي لانه ما حصل اتونست مع وطواط) لكن رغما عن كدا ممكن يطير مائة الف وطواط في وقت واحد بدون ما يصدم وطواط اخوه ( شفت الدهشة دي كيف ) حقوا عساكر المرور قبل ما يعينوهم يودوهم مزرعة بتاعة وطاويط ويكبروا ليهم الصورة بالبروجكتر عشان يدرسوا كيف يستطيع ان يتفادى الوطواط الصدام مع اخوه .. وهو مغمض العينين تماما.. ياخي المخاليق دي اول مرة انا اتكي واقعد اتمعن فيها قبل انشاء المزرعة .. نحن عندنا طريق مدني الخرطوم كل العربات الفيه ما تساوي عدد العربات في سوق البطحا بالرياض وكل يوم حوادث وموت بالعشرات .. محتاجين نعلم السواقين من خبرة الوطواط كيف يستطيع ان يتفادى الصدام في كسر من الثانية .. [/justify] |
ماادهش العلماء من قدرات الخفاش يا رافت ميلاد شوف الاقتطاف دا كيف .. الخفاش دا طلع مدرسة براه مش مدرسة جامعة .
إن طائر الخفاش قد أهش العلماء بقدراته الخيالية ومن أمره الغريب فهو عندما يطير في ظلام الليل لا يصطدم بمبنى أو أي شيء أمامه وقد قام أحد العلماء الإيطاليين بالتحقق من هذه القدرة التعجيزية فعلق في سقف غرفة عدداًً من الحبال وفي نهاية كل حبل جرس صغير يدق إذا لامس الحبل شيء ثم أعتم الغرفة إعتاماً كاملاً لا يرى فيها سوى الظلام الحالك ثم قام بإطلاق خفاشاً في هذه الغربة المعتمة بالسواد وطار الخفاش ودار في الغرفة مراراً وتكراراً ولم يدق أي جرس ولم يقع في أي شركـ له معنى ذلك انه لم يصطدم بأي حبل من الحبال المعلقة في الغرفة فكان خلاصة ما استنتجه العلماء من هذه الظاهرة أن هذا الحيوان يرسل اهتزازات ترد إليه بالتصادم مع أي جسم يقابله فيحس به وإن طريقة معرفته وإحساسه بالعقبات هي نفس طريقة الترددات والخفاش يطير بسرعة 100كم \ساعة ويرتفع 3 كم بالسماء وله قدرة علي المناورة في طيرانه والإبطاء في سرعته وبعض الخفافيش لها ذيل قصير ولكنه قد يكون بلا غرض والبعض بلا ذيل أو لها ذيل طويل طوله بطول الخفاش كخفافيش ذيل الفأر وفي بعض الخفافيش يستعمل كشبكة صيد للحشرات أو يكون كالكيس تخزن به الحشرات لتأكلها http://img204.imageshack.us/img204/7387/26168263mp9.jpg |
| الساعة الآن 11:55 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.